हिब्रु 5:5 - बान्‍तावा राई

⁵ मोवात्‍निङा ख्रिस्‍तआछाङ मुलो काब़क्‍पा लिमा खोक्‍को आप्‍पि मान्‍झोन्‍म़दान्‍चिन। मेन निनाम्‍हाङ्‌आ खोक्‍को अ़लोवा, “खाना अ़ङ्‌दुवाछा छा ओ, अ़ङ्‌का आय़ आम्‍पा लिसाङ्‌युङ्‌साङ।”

हिब्रु 5:5 ပူးပေါင်းရင်းမြစ်များ

युहन्‍ना 3:16

निनाम्‍हाङ्‌आ हेन्‍खामा ओवात्‍नि सोमाअ़तुक्‍ता, खोक्‍कोसाआ आप्‍पिओ अ़क्‍छा ओन्‍ङा ओ अ़चुछा म़पुवा, खोन्‍कि खोक्‍कोएदा साकोङ्‌छ़ङ कामु साङ्‌छाङ अ़स़निन्‍ने, मेन मोसाआ अ़लुक्‍निन्‌ओ ह़ङ्‌म़ङ तोक्‍तुने।

युहन्‍ना 7:18

साङ आप्‍पि अ़पाङ्‌लाम्‍पा चेप, मोसाआ आप्‍पिओ अ़साऩङ्‌वा लामु, मेन साङ्‌आ खो काछुत्‌ओ अ़साऩङ्‌वा लामु, मो अ़छ़ङ काचेप ओ, खोन्‍कि खोएदा म़प्‍माय़ङ अ़याक्‍निन।

युहन्‍ना 8:54

येसुआ म़लासुलोचि, “अ़ङ्‌का आप्‍पि अ़ङ्‌ऩङ लोङ्‌सुङ्‌नालो अ़ङ्‌ऩङ लोङ्‌माय़ङ सोज्‍जे लि। अ़ङ्‌ऩङ कालोङ अ़ङ्‌पापा म़युङ्‌याङ, खोक्‍को खानानिन्‌आ ‘आन्‍काओ निनाम्‍हाङ’नि त़लोम्‌योम।

छाम्‍माय़ङ 13:33

निनाम्‍हाङ्‌आ येसु अ़खोन्‍तालोइसाकि मो य़ङ आन्‍कान खोक्‍कोसोओ अ़छाचिओ निकिना अ़तासालायुङ्‌सा। ओवात्‍निङा ह्‍वातात्‌ओतात साम्‍ऱङ्‍ओ अ़धाङ्‌दाछाङ छाप्‍तायुङ्‌सा, ‘खाना अ़ङ्‌दुवाछा छा ओ, अ़ङ्‌का आय़ आम्‍पा लिसाङ्‌युङ्‌साङ।’

रोमि 8:3

आन्‍को हेवामि आन्‍मित्‍माचि मान्‍ऱकादा म़लिसाओसा य़ङ्‌हुप्‌आ दि मुमा मान्‍ऱदो, मो निनाम्‍हाङ्‌आ अ़मुवा। निनाम्‍हाङ्‌आ आप्‍पिओ अ़चुछा अ़याङाकि आन्‍कान्‌वाको हेवामिचिओ आन्‍हेवाचिओ निम्‍पाङ हेन्‍खोक्‌वा अ़पुवाकि हेवाओ अ़क़म्‍मा आन्‍कान्‌एदाङ्‌का अ़लुक्‍ता।

हिब्रु 1:1

आराङ आन्‍सुन्‍तुम्‌चिएनान निनाम्‍हाङ्‌य़ङ खाकालुचिलाम्‍पा ब़द्‍धेकादु खोन्‍कि अ़पारा-अ़पाराआ निनाम्‍हाङ म़चेवा।

हिब्रु 1:5

“खाना अ़ङ्‌दुवाछा छा ओ, अ़ङ्‌का आय़ आम्‍पा लिसाङ्‌युङ्‌साङ।” निकिना खाक्‍को निनाम्‍हाङ काफा निनाम्‍हाङ्‌आ देम्‍खा अ़लोवायुङ्‌सा कि? खोन्‍कि “अ़ङ्‌का मोसोओ अ़पा लिङा, खोन्‍कि खो अ़ङ्‌छा लि।” निकिना खोक्‍कोसाआ खाक्‍को निनाम्‍हाङ काफा देम्‍खा अ़लोवायुङ्‌सा कि?

हिब्रु 2:17

खोन्‌ओसा खोक्‍को सोमाकातुक खोन्‍कि सोम्‍कुवा मुमायु मुलो काब़क्‍पा म़लिसाकि निनाम्‍हाङ अ़ब़क्‍ने निकिना झारा य़ङ्‌चिदा अ़चुनिछाचिवात्‍नि लिमादोरा। मोवात्‍नि म़लिसाकिना खोक्‍को म़नाचिओ अ़चुहेवाचि लेत्‍मा हेन्‍खोक्‌वा काप़ म़लिसा।

हिब्रु 3:1

खोन्‌ओसा निनाम्‍हाङ्‌आ ऩबुत्‍तिन्‌ओ त़सेङियेन्‌ओ अ़ङ्‍ब़ब़, नाना, खोन्‍कि निछाचि ओ, निनाम्‍हाङ्‌आ अ़छाम्‍साओ खोन्‍कि मुलो काब़क्‍पानि आन्‍कान य़ङिन्‌ओ येसु मित्‍तानुम।

हिब्रु 5:10

खोन्‍कि मल्‍किसेदेक्‌वात्‍निङा मुलो काब़क्‍पाओ अ़छान्‌दा निनाम्‍हाङ्‌आ खोक्‍को अ़छेन्‍ता।