हिब्रु 5:12 - बान्‍तावा राई

¹² अ़ङ्‌य़ङ्‌मा ओक्‍को ओ, ओन्‍ग़रितारि ना खानानिन काचिन लिमाचिन्‍मा दोराङाओ, मेन हान्‍छाङ खानानिन निनाम्‍हाङ्‌ओ अ़चुतुक्‌वादाओ ताक्‍पेत्‍निओ य़ङ्‌चि चिन्‍मा म़दोत्‌याङ। खानानिन छाक्‌याङ्‌ओ चामायु चामा माआङ, मेन ओम्‍पिवा दुङ्‌मा दोत्‌याङ।

हिब्रु 5:12 ပူးပေါင်းရင်းမြစ်များ

मत्‍ति 17:17

खोन्‍कि येसुआ मोचि म़लोचि, “खानानिन साकोङ्‌छ़ङ मात्‍द़ङ्‌ओ म़नाचि खोन्‍कि ऱक्‌याङ्‌ओ लाम्‌दा काकोन्‌चि ओ! देम्‍खातारि अ़ङ्‌का खानानिन्‌एनान युङ्‌ङा? देम्‍खातारि अ़ङ्‌का खानानिन आङ्‌नानिन? आम्‍छा अ़ङ्‌काएदा बात्‍तु।”

मर्कुस 9:19

खोन्‍कि येसुआ मोचि म़लोचि, “साकोङ्‌छ़ङ मात्‍द़ङ्‌ओ म़नाचि ओ! देम्‍खातारि अ़ङ्‌का खानानिन्‌एनान युङ्‌ङा? देम्‍खातारि अ़ङ्‌का खानानिन आङ्‌नानिन? आम्‍छा अ़ङ्‌काएदा बात्‍तु।”

छाम्‍माय़ङ 7:38

ओ मोसाङा इस्राएलि म़नाचि लेक्‍लेक्‍लेक्‌वाओदा साम्‍भुङ्‌चिएदा निनाम्‍हाङ काफा खोन्‍कि आन्‍सुन्‍तुम्‌चिएनान सिनै भ़ऱदु म़चेवा, खोन्‍कि निनाम्‍हाङ्‌य़ङ खाकालु मोसाआ आन्‍कान प़मा निम्‍पाङ अ़ह़ङ य़ङ्‌खान्‌चि निनाम्‍हाङ काफाएदाङ्‌का तोक्‍तुचि।

रोमि 3:2

झाराकापाराआ च़लोक अ़नुवाक मुयाङ। झारादाङ्‌का बुया निनाम्‍हाङ्‌आ अ़चुओ य़ङ्‌चि यहुदिचिओ अ़चुछुक्‌दा म़पाक्‍तुचि।

१ कोरिन्‍थि 14:19

खोन्‍नुछाङ, साम्‍भुङ्‌दा नि य़ङ्‌दा दस हजाराकाय़ङ्‌चिदा चेप्‍मादाङ्‌का ना तुप्‍तुम्‌ओ पाच्‌का य़ङ्‌आ निचि चिन्‍माचि अ़ङ्‌का चेप्‍मा स़ङा।

१ कोरिन्‍थि 14:20

ब़ब़, नाना खोन्‍कि निछाचि ओ, मिन्‍मादा छाचिवात्‍नि मान्‍लिदानिन। अ़अ़त्‍पाओ निम्‍पाङ छाचिवात्‍नि लिसानिन, मेन मिन्‍मा काचिदा काले लिसानिन।

गलाति 4:3

ओवात्‍निङा आन्‍कान्‌छाङ ख्रिस्‍त तामा बुया छाचिवा मुन्‌येन, आन्‍कान हेन्‍खामादाओ माङ्‌चिओ अ़चुहारुक्‌दा याइन्‌येन।

फिलिप्‍पि 3:1

अ़सेत्‍मादिमादा, अ़ङ्‍ब़ब़, नाना खोन्‍कि निछाचि ओ, हाङ्‌पाएदा ऩङानुसानिन्‍चिन! खानानिन मो य़ङ्‌चि छाप्‍मायुङ्‌मा अ़ङ्‌का अ़ङ्‌नाप्‍मा अ़लुनिन, खोन्‍कि मो आम्‍नुओ रात्‍मा निम्‍पाङ ओ।

कलस्‍सि 3:16

ख्रिस्‍तओ अ़चुय़ङ खानानिन्‌एदा च़लोक याक्‍ने। झारा खारुएनान अ़क्‍छानिएदात्‍नि चिन्‍मुवानिन खोन्‍कि चाप्‍चेत्‍मुवानिन। चोन्‍मा छाम, साम्‍ऱङ, खोन्‍कि लावामि छाम लुवानिन। आम्‍नुओ साकोङ्‌वादाओ आलाङ्‌एनान निनाम्‍हाङ्‌एदा छाम लुवानिन।

हिब्रु 10:32

मो बुयाओ लेन्‌चि मित्‍तानुम्‍च़म। मोन्‍ग़रि अ़छ़ङ्‌य़ङ त़सिन्‍तुम्‌किछाङ खानानिन ब़द्‍धे अ़चाअ़त्‍माचिएनान दुखा आङ्‌मा दोरा, खोन्‍नुछाङ खानानिन नुलोक त़युङिन।

हिब्रु 5:11

ओसोओ अ़तुक्‌वादा आन्‍कान्‍का य़ङ्‌मा ना ब़द्‍धे युङ्‌याङ, मेन खानानिन नुलोक खाएत्‍मा अ़ऱन्‍मिन्‍का, देकिनालो खानानिन चोम्‍पिया त़तुप्‍तुम।

हिब्रु 5:13

ओम्‍पिवा ओन्‍ङा दुङ्‌कि ह़ङ्‌ओ म़ना साम्‌योक्‍मि य़ङ अ़लेनिन। देकिनालो मोछाङा मुयुङ।

हिब्रु 6:1

खोन्‌ओसा ख्रिस्‍तओ अ़चुतुक्‌वादाओ ताक्‍पेत्‍निओ चिन्‍माय़ङ्‌चिदा अ़युङिन्‌युङ्‌सिमिन्‍ने, मेन आन्‍कान आन्‍तुप्‍मादा चात्‌याङ्‌सा खारिन्‍ने। आन्‍कान स़मादा कालाखात काचिचिओ अ़तुक्‌वादा खोन्‍कि निनाम्‍हाङ्‌दा साकोङ्‌छ़ङ्‌ओ अ़तुक्‌वादा चिन्‍माय़ङ अ़लासिन्‍पुङ्‌सिमिन्‍ने।

१ पत्रुस 2:2

अ़ऩङ्‌वा म़पुक्‍तान्‍चिन्‌ओ छाचिवात्‍नि अ़च़क़ल़क लावामि ओम्‍पिवा अ़न्‍नुनु मित्‍मा सुवानिन, खोन्‌ओसा खानानिन ओलाम्‍पा लेन्‍मादा पोन्‌याङ्‌सा खात्‍मा त़ऱन्‍ने।

१ पत्रुस 4:11

साङ चेप्‌नालो निनाम्‍हाङ्‌ओ अ़चुय़ङ खालुसिन्‌वा चेप्‍ने। काब़त निनाम्‍हाङ्‌आ प़माय़ङ्‌ओ सावालाम्‍पा ब़रुने। ओवात्‍नि झारा य़ङ्‌दा येसु ख्रिस्‍तलाम्‍पा निनाम्‍हाङ्‌ओ अ़चुऩङ चोन्‍ने। तोक्‍पो सावा खोन्‍कि अ़चुऩङ्‌चोन्‍मा अ़धुन-अ़धुन्‌तारि खोक्‍कोसोओ लियुङ्‌ने। मोवात्‍निङा लिने!