हिब्रु 4:2 - बान्‍तावा राई

² देकिनालो आन्‍कान्‌छाङ मोचिवात्‍निङा नुय़ङ्‌खान एनुम। मोचिआ अ़एनाओ य़ङ्‌लाम्‍पा मोचिआ दित्‍छाङ मान्‍तोक्‌अ़दा, देकिनालो काएन्‌चिआ ओ साकोङ्‌छ़ङ मान्‍मुअ़दा।

हिब्रु 4:2 ပူးပေါင်းရင်းမြစ်များ

छाम्‍माय़ङ 13:46

मेन पावल खोन्‍कि बारनाबास्‌आ राक्‌एनान अ़लासालोवाचुचिन, “निनाम्‍हाङ्‌ओ अ़चुय़ङ झारादाङ्‌का बुया खानानिन्‌ङा खाएत्‍मा दोराङाओ। मेन खानानिन्‌आ ओ ऩङात़छिरुम, खोन्‍कि खानानिन आप्‍पिङा अ़लुक्‍निन्‌ओ ह़ङ्‌म़ङ्‌आ त़खान्‍तिमिन्‌ओ त़काइसिन्‍चिन, खोन्‌ओसा हान आन्‍काच्‍या निरावाचिएदा लाच्‍या।

छाम्‍माय़ङ 3:26

खोन्‍कि खानानिन झारा इस्राएलिचि आम्‍नुओ अ़त्‍लो काचिचिदाङ्‌का लामाकि आसिखा प़मा निकिना निनाम्‍हाङ्‌आ अ़छेन्‍ताओ अ़चुछा येसु बुया खानानिन्‌एदा अ़य़सा।”

रोमि 2:25

निनाम्‍हाङ्‌ओ अ़चुय़ङ्‌हुप य़ङ्‌याङ्‌वात्‍नि त़च़न्‌नालो सिप्‍मायाम्‍बुन्‌दाङ्‌का नुलोक लि, मेन य़ङ्‌हुप य़ङ्‌याङ्‌वात्‍नि त़च़न्‍मिन्‌नालो सिप्‍मायाम्‍बुन मान्‍मुकादा निरावाचिवा त़लिसिन।

रोमि 3:3

मेन मोचिएदाङ्‌का खा-खाक्‍कोचि निनाम्‍हाङ्‌ओ अ़चुय़ङ सोम्‍कुवा मान्‍मुचिहिदा दि निनाम्‍हाङ्‌आ अ़चुहिप्‍माय़ङ अ़काक्‍ता?

१ कोरिन्‍थि 13:3

अ़ङ्‌काएदा युङ्‌याङ्‌ओ झारा अ़ङ्‌चासुम्‍छेन्‍बि हात्‍तुङ्‌च़ङ, खोन्‍कि अ़ङ्‌याम्‌छाङ ह़त्‍मा प़ङ्‌च़ङ, मेन अ़ङ्‌काएदा सोम्‍तुक्‍मा मात्‍द़ङ्‌नालो अ़ङ्‌का दित्‍छाङ अ़तोक्‍ऩङ।

गलाति 3:2

ओ ओन्‍ङा अ़ङ्‌का खानानिन सेन्‍मा स़ङाङा, खानानिन्‌आ सेङ्‌लावा य़ङ्‌हुप्‌ओ काचिलाम्‍पा त़तोक्‍तुम हे त़एनुम्‌ओ य़ङ्‌दा साकोङ्‌छ़ङ त़मुन कि?

गलाति 3:8

निनाम्‍हाङ्‌आ निरावाचि साकोङ्‌छ़ङ्‌लाम्‍पाङा साम्‌योक्‍मि म़काइसुचिनि साम्‍कालिन्‌आ बुया खाकिना अब्राहाम “खानालाम्‍पाङा झारा रावाचिआ आसिखा अ़तोक” नि बुयाङा नुय़ङ्‌खान खाअ़एत्‍ता।

गलाति 4:13

खानानिन त़सिन्‍तुम्‌योम, बुयाओदु अ़ङ्‌का नुय़ङ्‌खान खाएत्‍नानिन्‌हिदा अ़ङ्‌पोक मान्‍ऱयाङ।

१ थेसलोनिकि 1:5

देकिनालो आन्‍कान्‍का खानानिन्‌एदा नुय़ङ्‌खान तारुम्‍काहिदा य़ङ्‌चिदा ओन्‍ङा माआङ, मेन सावा खोन्‍कि सेङ्‌लावादाछाङ अ़नुछ्‍या तारुम्‍काओ त़सिन्‍तुम्‌युङ्‌सुम। आम्‍नुओ निम्‍पाङ आन्‍कान्‍का आम्‍नुओ रादा देत्‍नि युङिन्‍काओ खानानिन नुलोक त़सिन्‍तुम्‌योम।

१ थेसलोनिकि 2:13

खोन्‌ओसा आन्‍कान्‍का अ़धुन निनाम्‍हाङ आलाङ प़म्‍का, देकिनालो खानानिन्‌आ आन्‍कान्‍काएदाङ्‌का त़एनुम्‌ओ निनाम्‍हाङ्‌ओ अ़चुय़ङ खानानिन्‌आ म़नाओ अ़य़ङ्‌वा मान्‍लोक्‍त़दोम, मेन अ़नुछ्‍या निनाम्‍हाङ्‌ओ अ़चुय़ङ्‌वात्‍तिङा त़लोउम। मो य़ङ्‌आ खानानिन साकोङ्‌छ़ङ कामुचिएदा काचि मुङु।

१ तिमोथि 4:8

पोक्‌योक्‍मा थोरेत नुलोक लि, मेन लावामि योक्‍मादा झारादाङ्‌का अ़नुवाक मु, देकिनालो ओसाआ आइमित्‌ओ खोन्‍कि माय़ङ तोक्‍तुम्‌ओ ह़ङ्‌म़ङ ह्‍वातात्‍माङ्‌दा म़हिप।

हिब्रु 11:6

साकोङ्‌छ़ङ मान्‍मुमाङ निनाम्‍हाङ्‌ओ अ़चुऩङानुमा अ़ऱन्‍मिन। देकिनालो साङ निनाम्‍हाङ्‌ओ अ़चुच़क्‌दा ता, खोसाआ निनाम्‍हाङ म़युङ्‌याङ खोन्‍कि खोक्‍को कालाम्‌चि खोक्‍कोसाआ सिरिफा म़प़चि निकिना अ़नुछ्‍या साकोङ्‌छ़ङ मुमादोत।

हिब्रु 3:12

ब़ब़, नाना खोन्‍कि निछाचि ओ, चाप्‍चेत्‍तानिन्‍चिन! खानानिन खा-खाक्‍कोएदा याक्‌याङ्‌ओ अ़अ़त्‍पा खोन्‍कि साकोङ्‌छ़ङ मान्‍मुदामा साकोङ्‌वाआ खानानिन अ़ह़ङ निनाम्‍हाङ्‌एदाङ्‌का अ़थाया ऩखात्‍तिमिन्‍ने।

हिब्रु 4:6

बुयाङा ऩङानुमाओ य़ङ्‌खान काएन्‌चिआ लोमावा मान्‍च़चिओसा निनाम्‍हाङ्‌ओ अ़चुसावातोम्‍खादा हान्‍छाङ मान्‌वाङ्‌म़युक। मेन नि म़नाचिओ निम्‍पाङ निनाम्‍हाङ्‌ओ अ़चुसावातोम्‍खा तोक्‍मा अ़वाखाम म़प़युङ्‌सुचि।

याकुब 1:21

खोन्‌ओसा झारा अ़त्‍लो य़ङ खोन्‍कि झारा अ़अ़त्‍पादाङ्‌का फेआनिन्‍चिन, आम्‍नुओ साकोङ्‌वादा लित्‍ताओ निनाम्‍हाङ्‌ओ अ़चुय़ङ सिम्‍नान्‍चिन्‍सा लोआनुम। देकिनालो निनाम्‍हाङ्‌ओ अ़चुय़ङ्‌आ आम्‍नुओ ह़ङ्‌म़ङ रात्‍तु।

१ पत्रुस 1:12

खोचि ओ य़ङ खाम़एत्‍ताओ आप्‍पि मोचि ब़त्‍मान्‍चिन निकिना माआङ, मेन खानानिन ऩब़रिन्‌येन निकिना निनाम्‍हाङ्‌आ खोचि तुप्‍म़मेत्‍तुचि। ओ य़ङ्‌चि निनाम्‍मादुङ्‌का अ़य़साओ सेङ्‌लावाओ अ़सावादा खानानिन खाऩएत्‍तिन्‌ओ नुय़ङ्‌खान खाकालुचिआ खाअ़लुसाओ य़ङ खानानिन खाऩएत्‍तिन्‌युङ्‌सिन। निनाम्‍हाङ काफाचिछाङ ओ य़ङ्‌चि खाङ्‌मा अ़न्‍नुनु अ़चुऩङानुयाङ।