हिब्रु 4:14 - बान्‍तावा राई

¹⁴ मोवात्‍नि निनाम्‍मादु काखात निनाम्‍हाङ्‌ओ अ़चुछा येसु आन्‍को झारादाङ्‌का तोक्‍पो मुलो काब़क्‍पा म़युङ्‌याङ्‌ओसा आन्‍कान लोउम्‌ओ ओ साकोङ्‌छ़ङ नुलोक आन्‍कान क़क्‍तुम्‌युङ्‌सुम्‍ने।

हिब्रु 4:14 ပူးပေါင်းရင်းမြစ်များ

मत्‍ति 4:3

खोन्‍कि काधान्‌आ खोक्‍कोएदा ताकिना लो, “खानानिन निनाम्‍हाङ्‌ओ अ़चुछाङा त़युङिन्‌येन्‌नालो ओ लुङ्‌चि पेम्‍पाक म़लिनेनि लोवानुम्‍च़म।”

मर्कुस 1:1

निनाम्‍हाङ्‌ओ अ़चुछा येसु ख्रिस्‍तओ अ़चुतुक्‌वादा नुय़ङ्‌खान पुङ्‌माय़ङ।

मर्कुस 16:19

खोन्‍किना हाङ्‌पा येसु अ़चुकाखेङ्‌चिएनान म़चेवाचिआकि खोक्‍को निनाम्‍मादुत्‍नि अ़थेन्‍ताखात्‍ता, खोन्‍कि खोक्‍को निनाम्‍हाङ्‌ओ अ़चुप्‍ताङ्‌छुक्‌लिप्‍पा म़युङा।

लुका 24:51

खोक्‍कोसाआ आसिखा म़प़ङुचिहिदाङा खोक्‍को मोचिदाङ्‌का निनाम्‍मादुत्‍नि अ़थेन्‍ताखात्‍ता।

छाम्‍माय़ङ 1:11

खोन्‍किना मोचिआ अ़लोवाचुचिन, “गालिल्‌दाओ म़नाचिओ, खानानिन देकि त़एविन्‌कि नाम्‍चोक्‌दुत्‍नि खात़चोविन्‌येन? खानानिन्‌आ ओन्‍ग़रि ओ येसु आम्‍नुओ रादाङ्‌का निनाम्‍मादुत्‍नि देत्‍नि निनाम्‍हाङ्‌आ अ़थेन्‍ताखात्‍ताङाओ त़खाम्‌युङ्‌सुम, मोवात्‍निङा खोक्‍को ओ हेन्‍खामादा म़लाय़।”

छाम्‍माय़ङ 3:21

येसु ओन्‍ग़रि निनाम्‍मादु म़युङ्‌याङ। खोन्‍कि निनाम्‍हाङ्‌आ झारा सामाचि अ़ऩङ्‌वा अ़मुकि ओन्‍ङा खोक्‍को म़य़। मो य़ङ आराङ्‌राङ निनाम्‍हाङ्‌आ म़सेङ्‌याङ्‌ओ निनाम्‍हाङ्‌य़ङ खाकालुचिलाम्‍पा म़चेवायुङ्‌सा।

रोमि 8:34

निनाम्‍हाङ्‌ओ अ़चुम़नाचि हेवामिचिओ निकिना लाहिपाक्‍मा काऱ साङ ओ? साङ्‌छाङ मात्‍द़ङ, देकिनालो ख्रिस्‍त आन्‍को निम्‍पाङ म़सुवा, मोदाङ्‌का च़लोक, खो म़सुवादाओदाङ्‌का अ़ह़ङ म़लिसा खोन्‍कि निनाम्‍हाङ्‌ओ अ़चुचुप्‍ताङ्‌छुक्‍लिप्‍पा म़युङ्‌याङ खोन्‍कि आन्‍को निम्‍पाङ याम़मात्‌याङ।

२ कोरिन्‍थि 12:2

ख्रिस्‍त कात़ङ अ़ङ्‌का अ़क्‍छा म़ना सिन्‍तुङ्‌योङ, खो चौधकादोङ बुया सुम्‌कातात्‌ओतात निनाम्‍मादुतारि थेन्‍ताखात्‍ता। खो अ़पोक्‌दा खात्‍ता हे अ़पोक्‌दा माआङ, मो अ़ङ्‌का अ़सिन्‍ऩङ, निनाम्‍हाङ्‌आ अ़सिन्‌याङ।

२ कोरिन्‍थि 9:13

खानानिन्‌आ त़मुम्‌ओ ओ काचि सिवाआ मोचिआ निनाम्‍हाङ अ़लोङ। देकिनालो मोचिआ अ़नुवाक मिन्‍माआ मोचि खोन्‍कि झारा साकोङ्‌छ़ङ कामुचि त़फासुम्‍च़म्‌ओ काचिआ ख्रिस्‍तओ अ़चुनुय़ङ्‌खान्‌दा साकोङ्‌छ़ङ त़मुम्‌ओ य़ङ खोन्‍कि निनाम्‍हाङ्‌ओ अ़चुलोमाय़ङ्‌वा त़च़न्‌ओ अ़छ़ङ मुयुङ्‌सुयुङ्‌सु।

एफिसि 4:10

खोक्‍को, ह्‍युना म़धान्‍तान्‍चिन, खोक्‍को झारा निनाम्‍माचिदाङ्‌का झोन्‌याङ्‌ओदु म़वाङाखारा, खोन्‌ओसा झारा हेन्‍खामा खोक्‍कोसाआ अ़भेप्‍ने।

हिब्रु 1:8

मेन अ़चुछाओ अ़तुक्‌वादा खोक्‍को म़य़ङ, “अ़ङ्‌निनाम्‍हाङ, आम्‍नुओ हाङ्‌युङ्‌खा अ़धुन-अ़धुन्‌तारिओ निम्‍पाङ युङ्‌युङ, खोन्‍कि खानानिन साम्‌योक छ़ङ्‌त़छेन्‍तिन।

हिब्रु 10:12

मेन ख्रिस्‍तआ ना हेवाचि अ़धुन चुम्‍माखान्‍माओ निम्‍पाङ अ़क्‌तात्‌ङा हेन्‍खोक्‌वा अ़पुवा, खोन्‍किना खोक्‍को निनाम्‍हाङ्‌ओ अ़चुचुप्‍ताङ्‌लिप्‍पा म़युङायुङ्‌सा।

हिब्रु 10:23

आन्‍कान लोउम्‌ओ तोक्‍मामिन्‍मा ऱक़क्‍क़क्‌वा लाउम्‌युङ्‌सुम्‍ने, देकिनालो आन्‍कान काहिप सोम्‍कुवा मुमा खान्‍तुओ म़मुयाङ।

हिब्रु 10:29

खानानिन मित्‍तानुम, निनाम्‍हाङ्‌ओ अ़चुछा अ़लाङ्‌थेम भेन्‌यु कानेप्‌चि, खाक्‍को ह़आ म़सेङ खोन्‍कि निनाम्‍हाङ्‌ओ अ़चुय़ङ्‌छ़ङ अ़छ़ङ मु, मो ख्रिस्‍तओ अ़चुह़ दिसुवा मान्‍मित्‍कादा खोन्‍कि सोमाकातुक सेङ्‌लावा कासुङ्‌चिआ देम चात्‍लो दन्‍दा अ़तोक?

हिब्रु 12:2

आन्‍साकोङ्‌छ़ङ कापुङ खोन्‍कि काताला येसु नुलोक आन्‍म़क्‌आ खाम्‍ने। खोक्‍कोसाआ आदेङ तोक्‍माय़ङ अ़चुऩङ्‌नुमा अ़मित्‍ताकि सायापेप्‍माय़ङ क्रुस्‌दा स़माओ अ़तुक्‌वादा दित्‍छाङ मान्‍मित्‌अ़दा। खोन्‌ओसा ओन्‍ग़रि खोक्‍को निनाम्‍हाङ्‌ओ अ़चुहाङ्‌युङ्‌खाओ अ़चुचुप्‍ताङ्‌छुक्‌लिप्‍पा म़युङ्‌याङ।

हिब्रु 2:1

खोन्‌ओसा आन्‍कान दि एनुम्‌युङ्‌सुम, मोदा आन्‍कान च़लोक मिन्‍मा पाक्‍मादोत। मोवात्‍निनालो आन्‍कान मोदाङ्‌का अ़थेमिन्‍खारिमिन।

हिब्रु 2:17

खोन्‌ओसा खोक्‍को सोमाकातुक खोन्‍कि सोम्‍कुवा मुमायु मुलो काब़क्‍पा म़लिसाकि निनाम्‍हाङ अ़ब़क्‍ने निकिना झारा य़ङ्‌चिदा अ़चुनिछाचिवात्‍नि लिमादोरा। मोवात्‍नि म़लिसाकिना खोक्‍को म़नाचिओ अ़चुहेवाचि लेत्‍मा हेन्‍खोक्‌वा काप़ म़लिसा।

हिब्रु 3:1

खोन्‌ओसा निनाम्‍हाङ्‌आ ऩबुत्‍तिन्‌ओ त़सेङियेन्‌ओ अ़ङ्‍ब़ब़, नाना, खोन्‍कि निछाचि ओ, निनाम्‍हाङ्‌आ अ़छाम्‍साओ खोन्‍कि मुलो काब़क्‍पानि आन्‍कान य़ङिन्‌ओ येसु मित्‍तानुम।

हिब्रु 3:14

ओवात्‍नि आन्‍कान बुयाओदु अ़चुम़नाचि लिसिन्‌दाङ्‌का आन्‍सोम्‍कुवा देङ्‌दातारि नुलोक क़क्‍तुम्‌युङ्‌सुम्‌नालो आन्‍कान ख्रिस्‍तओ अ़चुयावाचि ओ।

हिब्रु 6:20

येसु आन्‍को निम्‍पाङ आन्‍कान्‌दाङ्‌का बुया मोदा म़वाङायुङ्‌सा। खोक्‍को मल्‍किसेदेक्‌ओ छान्‌वा आन्‍को अ़धुन्‌ओ मुलो काब़क्‍पा म़लिसायुङ्‌सा।

हिब्रु 6:6

खोन्‍नुछाङ अ़चुओ साकोङ्‌छ़ङ अ़छित्‌नालो मो म़नाचिओ अ़चुमिन्‍मा लामा अ़ऱन्‍चिमिन। देकिनालो मोचिआ आप्‍पिङा निनाम्‍हाङ्‌ओ अ़चुछा क्रुस्‌दा अ़लाख़न्‌याङ, खोन्‍कि निचिआ खोक्‍कोसोओ अ़चुसाया पेप्‍खालाम अ़मुयाङ।

हिब्रु 8:1

आन्‍कान्‍का य़ङिन्‌येन्‍काओसो अ़मुलो य़ङ ओङा ओ, आन्‍को ओवाको मुलो काब़क्‍पा म़युङ्‌याङ, खोक्‍को निनाम्‍मादुओ तोक्‍पो निनाम्‍हाङ्‌ओ हाङ्‌युङ्‌खाओ अ़चुचुप्‍ताङ्‌छुक्‌लिप्‍पा म़युङ्‌याङ।

हिब्रु 9:12

मेनेत्‍पा माङ्‌लो बोयोङ्‌ओ अ़ह़आ माआङ, मेन आप्‍पिओ अ़चुह़आ आन्‍कान अ़धुन्‌ओ निम्‍पाङ लेइसि अ़क्‍धुवा तोक्‍पो सेङ्‌याङ्‌ओ खोप्‌हुत्‌दा खोक्‍को म़वाङा।

हिब्रु 9:24

ख्रिस्‍त म़नाओ अ़छुक्‌आ मुमाय़ङ सेङ्‌याङ्‌ओदा मान्‌वाङ्‌चि। मो अ़नुछ्‍या निनाम्‍मादुओ अ़मात्‍ऩङ ओन्‍ङा ओ। मेन खोक्‍को निनाम्‍मादुङा म़वाङा, खोन्‍कि खोक्‍को आन्‍लिप्‍पादा निनाम्‍हाङ्‌ओ अ़चुबुदा म़खारायुङ्‌सा।

१ पत्रुस 3:22

खोक्‍को निनाम्‍मादु म़खारायुङ्‌सा खोन्‍कि निनाम्‍हाङ काफाचि, पाङ्‌चि खोन्‍कि सावाकातोक लावाचि म़क़म्‍तुचि खोन्‍कि निनाम्‍हाङ्‌ओ अ़चुचुप्‍ताङ्‌छुक्‌लिप्‍पा म़युङ्‌याङ।