हिब्रु 3:2 - बान्‍तावा राई

² खोक्‍को कापाक निनाम्‍हाङ्‌एदा येसु अ़चुकाचिदा सोम्‍कुवा मुमा खान्‍तुओ म़मुवाङा, मोवात्‍निङा निनाम्‍हाङ्‌य़ङ खाकालु मोसाछाङ निनाम्‍हाङ्‌ओ अ़चुम़नाचिएदा अ़काचि मुमादा सोम्‍कुवा मुमा खान्‍तुओ मुवाङा।

हिब्रु 3:2 ပူးပေါင်းရင်းမြစ်များ

युहन्‍ना 15:10

अ़ङ्‌लोमाय़ङ्‌चि त़मुम्‍च़म्‌नालो खानानिन अ़ङ्‌सोमातुक्‍मादा त़याइन। मोवात्‍निङा अ़ङ्‌का अ़ङ्‌पापाओ अ़चुलोमाय़ङ्‌चि मुङ्‌युङ्‌सुङ्‌च़ङ खोन्‍कि खोक्‍कोसोओ अ़चुसोमातुक्‍मादा युङ्‌ङा।

युहन्‍ना 17:4

खाक्‍को काचि खानानिन्‌आ अ़ङ्‌का मुमा त़प़नि, मो तासुङ्‌लोङ्‌कि हेन्‍खामादा अ़ङ्‌का आम्‍नुओ ऩङ लोङ्‌सुङ्‌युङ्‌सुङ।

युहन्‍ना 7:18

साङ आप्‍पि अ़पाङ्‌लाम्‍पा चेप, मोसाआ आप्‍पिओ अ़साऩङ्‌वा लामु, मेन साङ्‌आ खो काछुत्‌ओ अ़साऩङ्‌वा लामु, मो अ़छ़ङ काचेप ओ, खोन्‍कि खोएदा म़प्‍माय़ङ अ़याक्‍निन।

युहन्‍ना 8:29

अ़ङ्‌का काछुत अ़ङ्‌काएदा म़युङ्‌याङ। खोक्‍कोसाआ अ़ङ्‌का अ़ङ्‌दाप्‍म़ङ मान्‍छित्‌दाऩयुक्‍ङा, देकिनालो अ़ङ्‌का अ़धुन खोक्‍कोसोओ अ़चुऩङानुसुङ।”

एफिसि 2:22

खोन्‍किना सेङ्‌लावादा निनाम्‍हाङ्‌ओ अ़चुयुङ्‌खा लिसि खानानिन्‌छाङ खोक्‍कोएदा अ़क्‍नि त़लिसिन्‌येन।

१ तिमोथि 1:12

अ़ङ्‌का सावा काप़ आन्‍हाङ्‌पा येसु ख्रिस्‍त आलाङ प़ङ। देकिनालो खोक्‍कोसाआ अ़ङ्‌का सोम्‍कुवा ऩमुवाङ्‌कि अ़चुकाचिदा ऩपाआङ्‌युङ्‌साङ।

१ तिमोथि 3:15

मेन अ़ङ्‌का बान्‍मा छ़ङानालो निनाम्‍हाङ्‌ओ अ़चुखिम्‍लुम्‍पादा देत्‍नि तुङ्‌मादोत मो खानानिन सिन्‍मादोत। ओ खिम्‍लुम्‍पा अ़ह़ङ निनाम्‍हाङ्‌ओ अ़चुसाम्‍भुङ ओ, खोन्‍कि अ़नुछ्‍याओ अ़तोम्‍खा खोन्‍कि छ़ङ ओ।

हिब्रु 2:17

खोन्‌ओसा खोक्‍को सोमाकातुक खोन्‍कि सोम्‍कुवा मुमायु मुलो काब़क्‍पा म़लिसाकि निनाम्‍हाङ अ़ब़क्‍ने निकिना झारा य़ङ्‌चिदा अ़चुनिछाचिवात्‍नि लिमादोरा। मोवात्‍नि म़लिसाकिना खोक्‍को म़नाचिओ अ़चुहेवाचि लेत्‍मा हेन्‍खोक्‌वा काप़ म़लिसा।