हिब्रु 2:6 - बान्‍तावा राई

⁶ साम्‍कालिन्‌ओ अ़क्‍तेप्‌दा ओवात्‍नि सालुम्‍स़ङ पुवायुङ्‌सा, “म़ना दि ओ कि, खानानिन मोचिओ अ़चुतुक्‌वादा त़मिनिन? म़नाओ अ़छा साङ ओ कि खानानिन मोचि त़मित्‍तुम्‍च़म?

हिब्रु 2:6 ပူးပေါင်းရင်းမြစ်များ

लुका 1:68

“इस्राएलिचिओ अ़चुहाङ्‌पा निनाम्‍हाङ्‌ओ अ़चुऩङ लोङ्‌ने। देकिनालो खोक्‍को म़य़कि अ़चुम़नाचि म़लेइसुचि।

लुका 1:78

आन्‍निनाम्‍हाङ ब़द्‍धे सोमाकातुक म़युङ्‌याङ, खोन्‌ओसा खोक्‍कोसाआ लोन्‌याङ्‍ओ नाम्‍साम निनाम्‍माचोक्‌दुङ्‌का आन्‍कान्‌एदा अ़य़।

लुका 7:16

झाराकापाङ म़क़साकि निनाम्‍हाङ्‌ओ अ़चुऩङ लोङ्‌याङ्‌सा म़य़ङा, “अ़क्‍छा अ़धिवाङ निनाम्‍हाङ्‌य़ङ खाकालु आन्‍कान्‌एदा म़तायुङ्‌सा। निनाम्‍हाङ आप्‍पिओ अ़चुम़नाचि फासि म़युवायुङ्‌सा।”

१ थेसलोनिकि 4:6

खोन्‍कि ओसोओ अ़तुक्‌वादा साङ्‌आछाङ ख्रिस्‍तियान अ़निछाओ अ़खिम्‍हाङ्‌माएनान ताङ्‌लान अ़मुनिन्‍ने माङ्‌लो अ़त्‍लो अ़च़निन्‍ने, देकिनालो ओवाको झारा हेवाचिओ अ़फान कालात हाङ्‌पा म़युङ्‌याङ, आन्‍कान्‍काआ खानानिन बुयाछाङ लोनियुङ्‌नि खोन्‍कि चात्‍लो चाप्‍चेत्‍नियुङ्‌नि।

हिब्रु 4:4

आन्‍कान ओ सिन्‍तुम देकिनालो साम्‍कालिन्‌दा सात्‌कालेन्‌ओ अ़तुक्‌वादा ओवात्‍नि छाप्‍तायुङ्‌सा, “निनाम्‍हाङ झारा अ़चुकाचिचिदाङ्‌का सात्‌कालेन्‌ओ लेन सावा म़तोम्‍सा।”

हिब्रु 5:6

निदाछाङ निनाम्‍हाङ म़य़ङ्‌याङ, “मल्‍किसेदेक्‌ओ अ़छान्‌वा खाना अ़धुन्‌तारिओ निम्‍पाङ काब़क्‍पा ओ।”

१ पत्रुस 1:11

ख्रिस्‍तआ दुखा आङ्‌मादोत खोन्‍कि आदेङ साया अ़तोक निकिना बुयादाङ्‌काङा ख्रिस्‍तओ अ़चुलावाआ मोचि खाङ्‌म़मेत्‍तुङुचिहिदा, देम्‍खा खोन्‍कि देत्‍नि मोवात्‍नि लि निकिना सिन्‍मा खोचि म़लामा।