हिब्रु 2:11 - बान्‍तावा राई

¹¹ हेवादाङ्‌का म़ना कासेङ येसु खोन्‍कि म़सेङ्‌सुओचि झारासोओ अ़चुपा अ़क्‍छाङा ओ। खोन्‌ओसा येसुआ मोचि निछानि लोमादा अ़चुलेजो अ़कात्‍निन।

हिब्रु 2:11 ပူးပေါင်းရင်းမြစ်များ

मत्‍ति 25:40

खोन्‍किना हाङ्‌आ मोचि म़लोचि, ‘अ़नुछ्‍या, अ़ङ्‌का खानानिन लोनानिन, खानानिन्‌आ ओ अ़ङ्‌निछाचिएदाङ्‌का झारादा अ़चुप्‍पो अ़क्‍छा देत्‍नि त़मुम, मो खानानिन्‌आ अ़ङ्‌काङा त़मुवाङ्‌ऩङ्‌ओ।’

मत्‍ति 28:10

खोन्‍किना येसुआ मोचि म़लोचि, “मान्‍क़दानिन, खारानिन्‌कि अ़ङ्‌को अ़ङ्‌निछाचि गालिल्‌दा खात्‍मानि लोवानुम्‍च़म, खोन्‍कि मोदा मोचिआ अ़ङ्‌का ऩखाङ्‌ङा।”

मर्कुस 3:34

खोन्‍किना खोक्‍कोसाआ अ़चुऱङ्‌कोप्‍नि म़युङाङाओ म़नाचिह्‍यात्‍नि म़खाचिकि म़य़ङा, “खानुम! अ़ङ्‌मा खोन्‍कि अ़ङ्‌निछाचि ओचिङा ओ!

मर्कुस 8:38

खाक्‍को ताङ्‌लान कामु खोन्‍कि हेवामि ओ दुङ्‌दा अ़ङ्‌कादाङ्‌का खोन्‍कि अ़ङ्‌य़ङ्‌दाङ्‌का अ़लेजो कात, अ़ङ्‌का म़नाओ अ़छाओछाङ अ़चुपापाओ अ़साम्‌दा म़सेङ्‌याङ्‌ओ निनाम्‍हाङ काफाचिएनान लाय़हिदा मोएदा अ़लेजो कात।”

लुका 9:26

मेन खाक्‍को म़ना अ़ङ्‌कादाङ्‌का खोन्‍कि अ़ङ्‌य़ङ्‌दाङ्‌का अ़लेजो कात, अ़ङ्‌का म़नाओ अ़छाओ अ़साम, अ़चुपापाओ अ़साम्‌दा खोन्‍कि म़सेङ्‌याङ्‌ओ निनाम्‍हाङ काफाचिएनान साम्‍स़रि लिकि लाय़हिदा मोएदा खोसोओछाङ अ़लेजो कात।

युहन्‍ना 17:19

खानानिन ब़त्‍सि आम्‍नुओ अ़छ़ङ य़ङ्‌आ मोचि सेङ्‌मा ऱचिने निकिना अ़ङ्‌का आप्‍पि मोचिओ निम्‍पाङ अ़ङ्‌का हेन्‍खोक्‌वावा प़ङ।

युहन्‍ना 17:21

मोवात्‍नि मोचि झारा अ़क्‌तात म़लिने। आपो, देत्‍नि खानानिन अ़ङ्‌काएदा त़याइन्‌येन, खोन्‍कि अ़ङ्‌का खानानिन्‌एदा मोवात्‍निङा मोचिछाङ आन्‍काचिएदा म़याक्‍ने, खोन्‍कि खानानिन्‌आ अ़ङ्‌का त़छुत्‍ताङ्‌ऩङ्‍ओ निकिना हेन्‍खामादाओ म़नाचि साकोङ्‌छ़ङ म़मुने।

युहन्‍ना 20:17

येसुआ मो अ़लोवा, “अ़ङ्‌का मान्‍लाप्‌युङ्‌दाङ, देकिनालो अ़ङ्‌का ओन्‍ग़रितारि निनाम्‍हाङ पापाएदु मान्‍खात्‌युक्‍ङा। अ़ङ्‌निछाचिएदा खाराकि मोचि खाएत्‍तुचि, ‘अ़ङ्‌पापा खोन्‍कि आम्‍नुओ पापा खोन्‍कि अ़ङ्‌निनाम्‍हाङ खोन्‍कि आम्‍नुओ निनाम्‍हाङ्‌एदा खात्‍ङाङा।’”

छाम्‍माय़ङ 17:26

खोन्‍कि झारा हेन्‍खामादा म़युङ्‌ने निकिना निनाम्‍हाङ्‌आ अ़क्‍छा म़नाएदाङ्‌का झारा रावाचि म़मुयुचि। खोक्‍कोसाआ बुयाङा अ़चुह़ङ्‌मा खोन्‍कि अ़चुस़माओ ग़रिकिना अ़चुयाक्‍खा युङ्‌खाओ अ़इन्‌चिछाङ अ़छ़ङ म़मेत्‍तुप़चि।

छाम्‍माय़ङ 17:28

‘आन्‍कान खोक्‍कोएदा ह़ङिन, खोन्‍कि खोक्‍कोएदा कोलिन थाङिन, खोन्‍कि खोक्‍कोएदा आन्‍कान युङिन।’ ओसोओ अ़तुक्‌वादा आम्‍नुओ अ़क्‍छा मित्‍माय़ङ काछाप्‌आछाङ छाप्‍तुयुङ्‌सु, ‘आन्‍कान खोक्‍कोसोओङा अ़छाचि ओ।’

रोमि 8:29

साङ-साङ खोक्‍कोसाआ बुयाङा म़सिन्‍तुयुङ्‌सुचि, निनाम्‍हाङ्‌आ मोचि आप्‍पिओ अ़चुछा ख्रिस्‍तवात्‍नि मुमा निम्‍पाङ म़छेन्‍तुचि। खोक्‍कोसाआ ओ अ़मुवा, खोन्‌ओसा ब़द्‍धे ब़ब़, नाना खोन्‍कि निछाचिएदा ख्रिस्‍त झारादाङ्‌का ब़ब़ म़लिने।

गलाति 4:4

मेन ग़रि तालाकि निनाम्‍हाङ्‌आ अ़चुछा अ़य़सा। खोक्‍को अ़क्‍छा मेत्‍छामाएदाङ्‌का म़पुक्‍तान्‍चिन, खोन्‍कि यहुदि य़ङ्‌हुप्‌ओ अ़पाङ्‌दा म़पुक्‍तान्‍चिन।

हिब्रु 10:10

खोन्‍कि मो निनाम्‍हाङ्‌ओ अ़चुमिन्‍मावात्‍नि येसु ख्रिस्‍तआ अ़चुपोक्‌ओ हेन्‍खोक्‌वालाम्‍पा अ़धुन्‌ओ निम्‍पाङ आन्‍कान म़सेङ्‌सायुङ्‌सा।

हिब्रु 10:14

देकिनालो साङ्‌आ निनाम्‍हाङ्‌एदा म़नाचि तारुचि, अ़क्‌तात्‌ङा हेन्‍खोक्‌वालाम्‍पा खोक्‍कोसाआ अ़धुन्‌ओ निम्‍पाङ अ़नुछ्‍या म़सेङ्‌सुचि।

हिब्रु 11:16

मेन मोचिआ अ़क्‌तात च़लोक अ़नुवाक हेन्‍कोप निनाम्‍मादुओ खिम अ़लामाङा। खोन्‌ओसा निनाम्‍हाङ मोचिओ अ़चुनिनाम्‍हाङ्‌नि लोलुमा अ़चुलेजो अ़कात्‍निन। खोन्‍कि खोक्‍कोसाआ मोचिओ निकिना अ़क्‌तात सहरा म़चुम्‍सुप़युङ्‌सुचि।

हिब्रु 13:12

मोवात्‍निओसा येसुआछाङ खोक्‍कोसोओ अ़चुह़लाम्‍पा म़नाचि अ़चुहेवादाङ्‌का सेङ्‌सि सहराओ अ़वाङ्‌खालाम्‌ओ बुङ्‌खालिप्‍पादा दुखा अ़आङ्‌ता।

हिब्रु 2:14

मो छाचिएदा सा खोन्‍कि ह़ओ पोक याक्‌याङ्‌ओसा, येसुछाङ सा खोन्‍कि ह़ओ पोक म़लिसा। मोवात्‍नि खोक्‍कोसोओ अ़चुस़मालाम्‍पा स़मा सावाकातोक मो सैताना खोक्‍कोसाआ लुक्‍मा अ़ऱने।

हिब्रु 3:1

खोन्‌ओसा निनाम्‍हाङ्‌आ ऩबुत्‍तिन्‌ओ त़सेङियेन्‌ओ अ़ङ्‍ब़ब़, नाना, खोन्‍कि निछाचि ओ, निनाम्‍हाङ्‌आ अ़छाम्‍साओ खोन्‍कि मुलो काब़क्‍पानि आन्‍कान य़ङिन्‌ओ येसु मित्‍तानुम।