हिब्रु 12:9 - बान्‍तावा राई

⁹ हेन्‍खामादाओ आन्‍पापाचिआ अ़चुओ मिन्‍मावा च़मा आन्‍कान म़चिन, खोन्‍कि आन्‍कान खोचि साया मेत्‍तुम्‍च़म। ओदाङ्‌का च़लोक आन्‍लावामि पापा निनाम्‍हाङ्‌ओ अ़चुक़म्‍मादा आन्‍कान अ़धुन्‌तारि ह़ङिन।

हिब्रु 12:9 ပူးပေါင်းရင်းမြစ်များ

लुका 18:2

“अ़क्‌तात सहरादा निनाम्‍हाङ मान्‍कित्‍कादा खोन्‍कि म़ना साया मान्‍मेत्‍कादा अ़क्‍छा छ़ङ्‌काछेन युङाङा।

लुका 18:4

मो छ़ङ्‌काछेन थोरेत्‌तारिना छुन्‍ता। मेन आदेङ मोसाआ अ़मिन्‍मादा आप्‍पि मित्‍तु, ‘अ़ङ्‌का निनाम्‍हाङ अ़कित्‍ऩङ, म़नाओ अ़छा साया अ़मेत्‍ऩङ।

युहन्‍ना 3:6

पोक्‌दाङ्‌का लिओ पोक ओ, खोन्‍कि लावादाङ्‌का लिओ लावा ओ।

छाम्‍माय़ङ 2:30

मेन दाउद अ़क्‍छा निनाम्‍हाङ्‌य़ङ खाकालु ओ, खोन्‌ओसा निनाम्‍हाङ्‌आ खोसोओ अ़छावारिदाङ्‌का अ़क्‍छा अ़चुहाङ्‌युङ्‌खादा अ़युङ निकिना निनाम्‍हाङ्‌आ हिप्‌याङ्‌सा किरे म़चाओ खोसाआ सिन्‍तुङु।

रोमि 1:3

ओ नुय़ङ्‌खान निनाम्‍हाङ्‌ओ अ़चुछा आन्‍हाङ्‌पा येसु ख्रिस्‍तओ अ़तुक्‌वादाओ। खोक्‍को म़ना म़लिसाकि दाउद हाङ्‌ओ अ़भुङ्‌दाङ्‌का म़पुक्‍तान्‍चिन।

रोमि 9:3

अ़ङ्‌का अ़ङ्‌रावाचि, आप्‍पिओ अ़ङ्‌दाक्‍मित्‍चिओ निम्‍पाङ अ़ङ्‌काङा माङ्‌हिम्‍ङाने, खोन्‍कि ख्रिस्‍तदाङ्‌का फेक्‍ङानेनि मिन्‍ङाङा।

रोमि 9:5

अ़चुसुन्‍तुम्‌चि अब्राहाम, इसाक खोन्‍कि याकुब ओ। खोन्‍कि ख्रिस्‍त्‌छाङ पोक्‌दा मोचिओ अ़चुरावा ओ। झारादाङ्‌का तोक्‍पो निनाम्‍हाङ्‌ओ अ़धुन अ़चुऩङ चोन्‍ने! मोवात्‍निङा लिने।

याकुब 4:10

हाङ्‌पाओ अ़चुबुदा सिम्‍सानिन्‍चिन, खोन्‍कि खोक्‍कोसाआ खानानिन ऩझोइसिन।

याकुब 4:7

खोन्‌ओसा खानानिन निनाम्‍हाङ्‌ओ अ़चुक़म्‍मादा युङानिन। सैताना फित्‍चि मुवानुम, खोन्‍कि मो खानानिन्‌एदाङ्‌का फुङ।

१ पत्रुस 5:6

खोन्‌ओसा निनाम्‍हाङ्‌ओ अ़चुसावापोरिओ अ़चुछुक्‌दा युङ्‌याङ्‌सा सिम्‍सानिन्‍चिन, खोन्‍कि अ़चुग़रिदा खोक्‍कोसाआ खानानिन ऩझोइसिन।

खाङ्‌मुमा 22:6

खोन्‍किना निनाम्‍हाङ काफाआ अ़ङ्‌का अ़लोवाङ, “ओन्‍ग़रितारि खाना त़एनुओ य़ङ्‌चि अ़छ़ङ म़मुयाङ खोन्‍कि सोम्‍कुवामुमायु म़मुयाङ। निनाम्‍हाङ्‌आ खोक्‍कोसोओ अ़चुखाकालुचि खोक्‍कोसोओ अ़चुलावा म़प़चि खोन्‍कि खोक्‍कोसाआ हान च़क्‍नि लिमा म़मुयाङ्‌ओ य़ङ्‌चि अ़चुहारुक्‌चि खाङ्‌मेत्‍सि खोक्‍कोसोओ अ़चुकाफा अ़छुत्‍तायुङ्‌सा।”