हिब्रु 12:3 - बान्‍तावा राई

³ अ़चुदेङ्‌सालाप्‍पादाओ हेवामिचिओ च़लोक फित्‍चि खोक्‍कोसाआ अ़आङ्‌ताओ मित्‍तानुम। खोन्‍नालो खानानिन त़होत्‍तिमिन खोन्‍कि आम्‍नुओ राक अ़स़निन।

हिब्रु 12:3 ပူးပေါင်းရင်းမြစ်များ

मत्‍ति 11:19

म़नाओ अ़छा चासा खोन्‍कि दुङ्‌सा ता, खोन्‌ओसा मोचि म़य़ङ्‌याङ, ‘खानुम, ओ म़ना ना बुक्‍ध़राक, खाबात सेत्‍चावा, दाम्‍दु कालात्‌चि खोन्‍कि हेवामिचिओ अ़चुयावा!’ मेन निनाम्‍हाङ्‌ओ अ़चुखारुदाङ्‌का चिन्‍माय़ङ य़ङ खोक्‍कोसोओ अ़चुकाचिचिलाम्‍पा अ़छ़ङ कान।”

मत्‍ति 12:24

मेन ओ अ़एनाकि फरिसिचि म़य़ङा, “ओ म़नाआ चाकावालावाचिओ अ़चुहाङ बालजिबुल्‌ओ अ़सावालाम्‍पा चाकावालावाचि लोइसुङुचि।”

मत्‍ति 15:2

“देकि आम्‍नुओ काखेङ्‌पाचिआ आन्‍सुन्‍तुम्‌चिआ अ़मुवाताराओ अ़चुथाप्‍स़ङ ऩमुन्‌योन? देकिनालो मोचि चा-चामा बुया अ़चुछुक वाऩस़न।”

मत्‍ति 21:23

खोक्‍को निनाम्‍हाङ ब़क्‍खाखिमदा म़वाङा, खोन्‍किना खोक्‍कोसाआ म़चिन्‍तुङुचिहिदा मुलो काब़क्‍पाचि, म़नाचिओ अ़चुअ़धुवाचि खोक्‍कोएदा म़ता खोन्‍कि खोक्‍को अ़सेना, “साङ्‌कोओ अ़पाङ्‌आ खानानिन ओ काचिचि त़मुम्‌योम्‍च़म, खोन्‍कि साङ्‌आ खानानिन ओ पाङ ऩप़न?”

मत्‍ति 21:46

मोचिआ खोक्‍को लाप्‍मा अ़लाप्‍ता, मेन मोचि म़ना मुक्‍लाचिदाङ्‌का म़क़सा, देकिनालो म़नाचिआ खोक्‍को अ़क्‍छा निनाम्‍हाङ्‌य़ङ खाकालुनि अ़मित्‍ताङा।

मत्‍ति 22:15

खोन्‍किना फरिसिचि म़खाराकि खोक्‍कोसोओ अ़चुय़ङ्‌दा देत्‍नि धान्‍मा निम्‍पाङ याम़योआ।

लुका 14:1

अ़क्‌लेन सावातोम्‍खा-लेन्‌दा येसु फरिसिचिओ अ़क्‍छा बुसुवाओ अ़खिम्‌दा चा-चासि म़खारा। मोदाओ म़नाचिआ येसु दे-दे च़याङ निकि अ़चोआयुङ्‌साङा।

लुका 15:2

मेन फरिसिचि खोन्‍कि य़ङ्‌हुप काचिन्‍पाचि छुऩङ्‌वा म़मुवा, “ओ म़नाआ ना हेवामिचि लोउचि खोन्‍कि मोचिएनान चा दुङ।”

लुका 16:14

ओ झारा य़ङ्‌चि म़एनुचिकि फरिसिचिआ येसु अ़सुङ्‌ता। देकिनालो मोचि छेन्‍बि च़क्‍ख़य़ कामु म़याआङा।

लुका 2:34

खोन्‍कि सिमियोन्‌आ खोचि आसिखा प़चिकि नुनुओ अ़मा मरियम लो, “एनु, ओक्‍को नुनुआ इस्राएल्‌दाओ ब़द्‍धे म़नाचि सिम्‍धाइसि खोन्‍कि झोन्‍लोइसि निनाम्‍हाङ्‌आ अ़छेन्‍तायुङ्‌सा। खोक्‍कोसाआ म़नाचि चाप्‍म़चेत्‍तुचि, मेन म़नाचि खोक्‍कोसोओ अ़चुय़ङ लोक्‍मा म़छुन।

लुका 5:21

मोसाओ अ़य़ङ्‌हुप काचिन्‍पाचि खोन्‍कि फरिसिचिआ अ़चुमिन्‍मादा मित्‍मा अ़पुङ्‌सा, “ओक्‍को म़ना साङ ओ? ओसाआ ना निनाम्‍हाङ्‌ओ अ़चुसाया पेप्‍तुङु! निनाम्‍हाङ्‌दाङ्‌का नि साङ्‌आछाङ हेवाचि लेत्‍मा म़ऱनिन!”

युहन्‍ना 10:20

मोचिएदाओ ब़द्‍धेकापाङ म़य़ङाङा, “ओ चाकावालावाआ लाउयुङ्‌सु, खोन्‍कि ओ हिम्‍सावा ओ। देकि खानानिन ओसोओ अ़य़ङ त़एनुम्‌योम?”

युहन्‍ना 18:22

येसु ओवात्‍नि म़य़ङाहिदा अ़चुच़क्‌दा काएप काहुङ्‌चिएदाओ अ़क्‍छाआ ओवात्‍नि य़ङ्‌सा फेङ्‌सु, “दि मुलो काब़क्‍पाओ अ़य़ङ ओवात्‍नि त़लासुङु?”

युहन्‍ना 5:16

खोन्‌ओसा यहुदिचिआ येसु ल़क्‍मा अ़पुक्‍ता, देकिनालो खोक्‍कोसाआ ओ काचि सावातोम्‍खा-लेन्‌दा अ़मुवायुङ्‌सा।

युहन्‍ना 7:12

म़ना मुक्‍लाचिआ खोक्‍कोसोओ अ़चुतुक्‌वादा दुम म़तुसा। खा-खाक्‍कोचि म़य़ङा, “खोक्‍को अ़नुवाक म़मुयाङ।” निचि म़य़ङा, “माआङ, खोसाआ म़नाचि थेम्‍सुखात्‍तुङुचि।”

युहन्‍ना 8:13

खोन्‍किना फरिसिचिआ खोक्‍को अ़लोवा, “खाना आप्‍पि आम्‍तुक्‌वादा सालुम्‍स़ङ त़प़ङु। आम्‍सालुम्‍स़ङ अ़छ़ङ अ़कान्‍निन।”

युहन्‍ना 8:52

यहुदिचिआ खोक्‍को अ़लोवा, “हान आन्‍कान्‍का नुछ्‍या सिन्‍तुम्‍का, खाना चाकावालावाआ त़लावाओङा ओ। अब्राहाम सुवादा, निनाम्‍हाङ्‌य़ङ खाकालुचिछाङ म़सुवादा, मेन खाना त़य़ङ्‌याङ, ‘साङ अ़ङ्‌य़ङ्‌वा च़नालो मो देम्‍खाछाङ अ़स़निन्‍दानिन।’

युहन्‍ना 8:59

खोन्‍किना मोचिआ खोक्‍को वेन्‍मा निकिना लुङ म़कुआ, मेन येसु म़कुमाकि निनाम्‍हाङ ब़क्‍खाखिम्‌दाङ्‌का बुङ्‌खाह्‍यात्‍नि म़लोन्‍ताखारा।

युहन्‍ना 9:40

ओ य़ङ अ़एनाकि खोक्‍कोसोओ अ़चुच़क्‌दा कायुङ खा-खाक्‍को फरिसिचिआ खोक्‍को अ़सेना, “दि आन्‍कान्‍काछाङ दोप्‍म़क्‌चि ओ?”

१ कोरिन्‍थि 15:58

खोन्‌ओसा, अ़ङ्‌का सोमातुक्‍नाङ्‌नानिन्‌ओ अ़ङ्‍ब़ब़, नाना खोन्‍कि निछाचि ओ, नुलोक युङानिन। दिसाआछाङ ओह्‍यात्‍नि-मोह्‍यात्‍नि त़मुन्‍मिन्‍ने। हाङ्‌पाओ अ़चुकाचिदा अ़धुन पोइसा खारानिन। देकिनालो खानानिन त़सिन्‍तुम्‌योम, निनाम्‍हाङ्‌एदा आम्‍नुओ काचि सोज्‍जे अ़लिनिन।

२ कोरिन्‍थि 4:1

निनाम्‍हाङ्‌ओ अ़चुसोम्‍तुक्‍मालाम्‍पा ओ काचि आन्‍कान्‍का ऩप़न्‍काओसा आन्‍काओ राक अ़स़निन।

२ कोरिन्‍थि 4:16

खोन्‌ओसा देम्‍खाछाङ आन्‍काओ राक अ़स़निन। आन्‍काओ बुङ्‌खालिप्‍पाओ पोक लुक्‌याङ्‌सा खात्‌याङ, खोन्‍नुछाङ आन्‍काओ लावामि ह़ङ्‌म़ङ अ़लेन्‍खिन्‍तुम अ़ऩङ्‌वा लियाङ्‌सा खात्‌याङ।

गलाति 6:9

अ़नुवाक काचि मुमाआ आन्‍कान म़होत्‍निन्‍ने, देकिनालो मोवात्‍नि आन्‍राक अ़स़निन्‌नालो तोङ्‌ओ अ़ग़रिदा आन्‍कान कोउम।

२ थेसलोनिकि 3:13

ब़ब़, नाना खोन्‍कि निछाचि ओ, खानानिन अ़नुवाक काचि मुमा देम्‍खाछाङ त़होत्‍तिमिन्‍ने।

हिब्रु 12:2

आन्‍साकोङ्‌छ़ङ कापुङ खोन्‍कि काताला येसु नुलोक आन्‍म़क्‌आ खाम्‍ने। खोक्‍कोसाआ आदेङ तोक्‍माय़ङ अ़चुऩङ्‌नुमा अ़मित्‍ताकि सायापेप्‍माय़ङ क्रुस्‌दा स़माओ अ़तुक्‌वादा दित्‍छाङ मान्‍मित्‌अ़दा। खोन्‌ओसा ओन्‍ग़रि खोक्‍को निनाम्‍हाङ्‌ओ अ़चुहाङ्‌युङ्‌खाओ अ़चुचुप्‍ताङ्‌छुक्‌लिप्‍पा म़युङ्‌याङ।

हिब्रु 12:5

दि खानानिन्‌आ मो राक प़माय़ङ य़ङ त़मान्‍तुम्‍केसुम? खोक्‍कोसाआ खानानिन खोक्‍कोसोओ अ़चुछाचिवा ऩबुत्‍तिन्‌येन। “अ़ङ्‌छा ओ, निनाम्‍हाङ्‌ओ अ़चुचिन्‍मा ऩङामान्‍छित्दो, खोन्‍कि खोक्‍कोसाआ त़रेन्‌हिदा आम्‍राक मान्‍सेत्‌दो।

हिब्रु 3:1

खोन्‌ओसा निनाम्‍हाङ्‌आ ऩबुत्‍तिन्‌ओ त़सेङियेन्‌ओ अ़ङ्‍ब़ब़, नाना, खोन्‍कि निछाचि ओ, निनाम्‍हाङ्‌आ अ़छाम्‍साओ खोन्‍कि मुलो काब़क्‍पानि आन्‍कान य़ङिन्‌ओ येसु मित्‍तानुम।

१ पत्रुस 2:23

मोचिआ खोक्‍को अ़सुङ्‌ताङाहिदा खोक्‍कोसाआ अ़फान मान्‍लात्‌अ़दा। दुखा अ़आङ्‌ताङाहिदा खोक्‍कोसाआ मान्‍किन्‍म़दोचि। मेन नुलोक छ़ङ्‌काछेन निनाम्‍हाङ्‌एदा खोक्‍को सोम्‍कुवा म़मुवा।

खाङ्‌मुमा 2:3

अ़ङ्‌का सिन्‍तुङ्‌योङ, खानानिन्‌आ त़हुङुम्‌कि त़आङ्‌तुम्‌युङ्‌सुम, खोन्‍कि अ़ङ्‌ऩङ्‌ओ अ़तुक्‌वाआ अ़चाअ़त्‍मा त़आङ्‌तुम्‌युङ्‌सुम, खोन्‍कि खानानिन मान्‍होत्‍त़युक्‍तिन।