हिब्रु 12:2 - बान्‍तावा राई

² आन्‍साकोङ्‌छ़ङ कापुङ खोन्‍कि काताला येसु नुलोक आन्‍म़क्‌आ खाम्‍ने। खोक्‍कोसाआ आदेङ तोक्‍माय़ङ अ़चुऩङ्‌नुमा अ़मित्‍ताकि सायापेप्‍माय़ङ क्रुस्‌दा स़माओ अ़तुक्‌वादा दित्‍छाङ मान्‍मित्‌अ़दा। खोन्‌ओसा ओन्‍ग़रि खोक्‍को निनाम्‍हाङ्‌ओ अ़चुहाङ्‌युङ्‌खाओ अ़चुचुप्‍ताङ्‌छुक्‌लिप्‍पा म़युङ्‌याङ।

हिब्रु 12:2 ပူးပေါင်းရင်းမြစ်များ

मत्‍ति 16:21

खोक्‍को देत्‍नि यरुसलेम खात्‍मादोत, खोन्‍कि अ़धुवाचि, मुलो काब़क्‍पाचि खोन्‍कि य़ङ्‌हुप काचिन्‍पाचिदाङ्‌का ब़द्‍धे दुखा आङ्‌मादोत खोन्‍कि अ़सेत, मेन खो सुम्‌कालेन्‌दा स़दाओदाङ्‌का लाखोन्‍लोन निकिना येसुआ मोन्‍ग़रिदाङ्‌का अ़चुकाखेङ्‌पाचि खाएत्‍मा म़पुक्‍तुचि।

मत्‍ति 20:28

मोवात्‍निङा म़नाओ अ़छाछाङ ब़त्‍लुसि माआङ, मेन ब़त्‍सि, खोन्‍कि ब़द्‍धेकापाङ फोङ्‌माओ अ़लुङ छोन्‍सि निकिना अ़ह़ङ्‌म़ङ प़सि ताओ।”

मर्कुस 14:36

खोक्‍को म़य़ङा, “अब्‍बा, अ़ङ्‌पापा, खानानिन्‌आ झारा य़ङ्‌चि मुमा त़ऱम्‍च़म। ओ दुखाओ लाङ्‌चोक्‍खुङ अ़ङ्‌काएदाङ्‌का माङ्‌निप़नि। खोन्‍नुछाङ अ़ङ्‌मिन्‍मावा माआङ, मेन आम्‍नुओ मिन्‍मावा लिने।”

मर्कुस 15:28

[खोन्‍कि साम्‍कालिन्‌दा छाप्‍ताओ य़ङ ताला, “खोन्‍कि खोक्‍को हेवामिचिएदा म़खिप्‍ता।”]

मर्कुस 16:19

खोन्‍किना हाङ्‌पा येसु अ़चुकाखेङ्‌चिएनान म़चेवाचिआकि खोक्‍को निनाम्‍मादुत्‍नि अ़थेन्‍ताखात्‍ता, खोन्‍कि खोक्‍को निनाम्‍हाङ्‌ओ अ़चुप्‍ताङ्‌छुक्‌लिप्‍पा म़युङा।

मर्कुस 9:12

येसुआ मोचि म़लासुलोचि, “अ़नुछ्‍या, एलिया बुया ता, खोन्‍कि झारा य़ङ्‌चि लासुतोङ्‌सुचि। खोन्‍नुछाङ म़नाओ अ़छाआ चाअ़त्‍लो दुखा आङ्‌मा खोन्‍कि झारासा ऩङाअ़छित निकिना साम्‍कालिन्‌दा देत्‍नि छाप्‌याङ?

मर्कुस 9:24

च़क्‍नि मो छाओ अ़पा पाराकि य़ङा, “अ़ङ्‌का साकोङ्‌छ़ङ मुङा, अ़ङ्‌साकोङ्‌छ़ङ मात्‍द़ङ्‌ओदा फासाङ्‌ऩङ!”

लुका 17:5

छाम्‍माय़ङ्‌चिआ हाङ्‌पा अ़लोवा, “आन्‍काओ साकोङ्‌छ़ङ पोन्‍निप़नि!”

लुका 23:11

खोन्‍किना हेरोद खोन्‍कि अ़रात्‍खामिचिआ येसु अ़सुङ्‌ता खोन्‍कि अ़चुसाया अ़पेप्‍ता। खोन्‍किना हाङ्‌आ हुम्‍मायु खान्‍नुओ बोप्‍खु येसु अ़हुप्‍ता खोन्‍कि पिलातस्‌एदा अ़लासाखाइसा।

लुका 24:26

दि निनाम्‍मादु ख्रिस्‍तओ अ़चुऩङ तोक्‍पो लिमा बुया ओ दुखाचि आङ्‌मा मान्‍दोत्‌याङ्‌चि कि?”

युहन्‍ना 1:29

अ़माङ्‌कोलेन युहन्‍नाआ येसु म़बानाङाओ खाकि य़ङा, “खानुम, हेन्‍खामादाओ हेवा काखुन्‍खात निनाम्‍हाङ्‌ओ अ़चुथुबाछा!

युहन्‍ना 12:24

अ़नुछ्‍याङा अ़ङ्‌का खानानिन लोनानिन, छुमाचाओ अ़ल़वा बाखादा धाकि अ़स़निन्‌नालो मो अ़क्‍बोप ओन्‍ङा लि। मेन मो स़नालो मोसाआ ब़द्‍धे अ़सिवा सिसु।

युहन्‍ना 12:32

खोन्‍कि अ़ङ्‌का हेन्‍खामादाङ्‌का ऩथेन्‍ङाकिना अ़ङ्‌का झारा म़नाचि अ़ङ्‌काएदात्‍नि सारुङ्‌च़ङ।”

युहन्‍ना 13:3

निनाम्‍हाङ पापाआ झारा सामा खोक्‍कोसोओ अ़चुछुक्‌दा अ़पुवाओ खोन्‍कि खोक्‍को निनाम्‍हाङ्‌लाम्‍पा म़ताओ खोन्‍कि निनाम्‍हाङ्‌एदा म़खात्‌याङ्‌नि येसुआ अ़सिन्‍ताङा।

युहन्‍ना 6:40

अ़ङ्‌पापाओ अ़चुमित्‍चिऩङ ओङा ओ, झारा साङ-साङ्‌चिआ अ़चुओ छा अ़खाङ, खोन्‍कि खोक्‍कोएदा साकोङ्‌छ़ङ म़मु अ़धुन्‌ओ ह़ङ्‌म़ङ अ़तोक्‍ने। अ़ङ्‌का मो आदेङ्‌ओ लेन्‌दा अ़ह़ङ मुङ।”

युहन्‍ना 8:56

आम्‍नुओ सुन्‍तुम अब्राहाम अ़ङ्‌लेन खाङ्‌मा मुङुओसा खोसोओ अ़ऩङानुवाङा, खोन्‍कि खोसाआ खा, खोन्‍कि अ़ऩङानुवा।”

छाम्‍माय़ङ 2:36

खोन्‌ओसा झारा इस्राएलिचिआ ओ य़ङ अ़नुछ्‍या सिन्‍मादोत, ओ येसु क्रुस्‌दा खानानिन्‌आ त़ख़न्‍तुम्‍सेरुम। खोक्‍कोङा निनाम्‍हाङ्‌आ हाङ्‌पा खोन्‍कि ख्रिस्‍त अ़मुवायुङ्‌सा।”

छाम्‍माय़ङ 3:15

खोन्‍कि खानानिन्‌आ अ़लुक्‍निन्‌ओ ह़ङ्‌म़ङ काप़पा येसु रोमि रात्‍खामिचि सेत्‍त़मेत्‍तुम्‍च़म, मेन निनाम्‍हाङ्‌आ खोक्‍को म़सुवादाओदाङ्‌का अ़लासाखोन्‍तालोइसा। खोक्‍को म़खोन्‍तालोन्‍ताओ आन्‍काच्‍या खायुङ्‌साचुवा।

छाम्‍माय़ङ 5:31

खोन्‍किना इस्राएलिचिआ हेवा मुमा अ़छित्‌कि अ़चुहेवा लेत्‍मा अ़तोक्‍ने निकिना निनाम्‍हाङ्‌आ खोक्‍को अ़चुचुप्‍ताङ्‌छुक्‌लिप्‍पा अ़झोइसाकि हाङ खोन्‍कि कालेन्‍पा अ़मुवा।

छाम्‍माय़ङ 5:41

खोन्‍किना छाम्‍माय़ङ्‌चि येसुओ अ़चुऩङ्‌दा साया ऩपेप्‍तिन्‍काओ आङ्‌मा अ़खान्‍तिन्‍काओ लिसिन्‌युङ्‌सिन्‍का निकिना अ़चुऩङानुयाङ्‌सा धियायोक्‍खादाङ्‌का बुङ्‌खाया म़लोन्‍ताखारा।

१ कोरिन्‍थि 1:18

देकिनालो क्रुस्‌ओ नुय़ङ्‌खान म़लुक्‌याङ्‌ओचिओ निम्‍पाङ खामान्‍सिन य़ङ ओ, मेन आन्‍कान म़लेन्‌याङ्‌ओचिओ निम्‍पाङ ओक्‍को ना निनाम्‍हाङ्‌ओ अ़चुसावा ओ।

१ कोरिन्‍थि 1:23

मेन आन्‍कान्‍काआ ना क्रुस्‌दा ख़न्‍माय़ङ्‌ओ ख्रिस्‍त खालुसुम्‍का। यहुदिचिओ निम्‍पाङ अ़चुधुङ्‌खा खोन्‍कि ग्रिक्‌चिओ निकिना खामान्‍सिन लिसा।

एफिसि 2:16

खोन्‍कि खोक्‍कोसाआ क्रुस्‌दाओ अ़चुस़मालाम्‍पा आन्‍कान ह्‍वा रुहुप अ़क पोक्‌दाङा निनाम्‍हाङ्‌एनान म़तोङ्‌साकि ङेङ अ़लुक्‍ता।

एफिसि 5:2

देत्‍नि ख्रिस्‍तआ आन्‍कान सोमाम़तुक्‍ता खोन्‍कि निनाम्‍हाङ्‌ओ निम्‍पाङ नाम्‍नुयाङ्‌ओ छुक्‍दाम खोन्‍कि हेन्‍खोक्‌वावात्‍नि म़लिसाकि खोक्‍को आप्‍पि आन्‍को निम्‍पाङ म़सुवा, मोवात्‍नि खानानिन्‌छाङ सोमातुक मुवानिन।

फिलिप्‍पि 1:6

खोन्‍कि अ़ङ्‌का सोम्‍कुवा मुङा, निनाम्‍हाङ्‌आ खानानिन्‌एदा अ़क्‌तात अ़नुवाक काचि अ़पुङ्‌साओ, खोक्‍कोसाआ येसु ख्रिस्‍त म़लाताओ लेन्‌तारि मो अ़ताला।

फिलिप्‍पि 3:20

मेन आन्‍ताङ्‌युङ निनाम्‍मादु युङ्‌याङ। खोन्‍कि मोदाङ्‌का म़ताओ आन्‍कालेन्‍पा, हाङ्‌पा येसु ख्रिस्‍त आन्‍कान राक्‍स़रि हुङुम।

२ तिमोथि 4:8

हान्‌दाङ्‌का मोह्‍यात्‍नि अ़ङ्‌को निम्‍पाङ साम्‌योक्‍मिओ सिरिफा युङ्‌सायुङ्‌सा। मो साम्‌योक्‍मिओ छ़ङ्‌काछेन हाङ्‌पाआ मो लेन अ़ङ्‌का ऩप़ङा, खोन्‍कि अ़ङ्‌का ओन्‍ङा माआङ, मेन खोक्‍कोसोओ अ़चुलामातामा सोमाकातुक झारा म़प़चि।

हिब्रु 1:13

मेन निनाम्‍हाङ्‌आ खाक्‍कोछाङ निनाम्‍हाङ काफा, “खाना अ़ङ्‌चुप्‍ताङ्‌छुक्‌लिप्‍पा युङा, देम्‍खातारि आम्‍ङेङ्‌चि आम्‍लाङ्‌थेम्‍भेन्‌यु अ़मुऩङ्‌च़ङ”नि देम्‍खा अ़लोवा कि?

हिब्रु 1:3

येसुङा निनाम्‍हाङ्‌ओ अ़चुसाम्‌ओ अ़लेत्‍माओ, खोन्‍कि निनाम्‍हाङ देत्‍नि म़मुयाङ येसुछाङ मोवात्‍निङा म़मुयाङ। झारा हेन्‍खामा आप्‍पि अ़चुसावापोरिओ य़ङ्‌आ अ़क़क्‌याङ। आन्‍हेवाचि येसुआ वाअ़सुवाचिआकि साम्‍स़रिओ निनाम्‍हाङ्‌ओ अ़चुचुप्‍ताङ्‌छुक्‌लिप्‍पा निनाम्‍मादु खोक्‍को म़युङा।

हिब्रु 10:14

देकिनालो साङ्‌आ निनाम्‍हाङ्‌एदा म़नाचि तारुचि, अ़क्‌तात्‌ङा हेन्‍खोक्‌वालाम्‍पा खोक्‍कोसाआ अ़धुन्‌ओ निम्‍पाङ अ़नुछ्‍या म़सेङ्‌सुचि।

हिब्रु 10:33

खानानिन झारा म़नाचिओ अ़चुबुदा ऩसुङ्‌तिन खोन्‍कि ऩधात्‍तिन, खोन्‍कि अ़क्‌वावाक दुखादा म़छुक्‍ताओचि त़फासुम्‍च़म।

हिब्रु 11:36

खा-खाक्‍कोचि म़सुङ्‌तुचि, य़हुप म़पाक्‍तुचिकि म़छ़सुचि खोन्‍कि छेक्‍खादा म़छेक्‍तुचि।

हिब्रु 12:3

अ़चुदेङ्‌सालाप्‍पादाओ हेवामिचिओ च़लोक फित्‍चि खोक्‍कोसाआ अ़आङ्‌ताओ मित्‍तानुम। खोन्‍नालो खानानिन त़होत्‍तिमिन खोन्‍कि आम्‍नुओ राक अ़स़निन।

हिब्रु 13:13

खोन्‌ओसा आन्‍कान्‌छाङ याक्‍साओ अ़बुङ्‌खालिप्‍पा खोक्‍कोएदा खारिन्‍ने, खोन्‍कि खोक्‍कोसाआ अ़आङ्‌ताओ सुङ्‌माय़ङ आन्‍कान्‌छाङ आङ्‌तुम्‍ने।

हिब्रु 5:9

मो दुखा अ़आङ्‌ताचिआकि अ़चुलोमाय़ङ काकाङ्‌चि झारासोओ निम्‍पाङ खोक्‍को अ़धुन्‌ओ लेन्‍खालाम म़लिसा।

हिब्रु 7:19

देकिनालो मोसाओ अ़य़ङ्‌हुप्‌आ दित्‍छाङ मान्‍तालादो। मेन मोदाङ्‌का च़लोक तामित्‍मा आन्‍कान्‌एदा याक्‌याङ खोन्‍कि ओलाम्‍पा आन्‍कान निनाम्‍हाङ्‌ओ अ़चुच़क्‌दा तामालामा ऱन।

हिब्रु 8:1

आन्‍कान्‍का य़ङिन्‌येन्‍काओसो अ़मुलो य़ङ ओङा ओ, आन्‍को ओवाको मुलो काब़क्‍पा म़युङ्‌याङ, खोक्‍को निनाम्‍मादुओ तोक्‍पो निनाम्‍हाङ्‌ओ हाङ्‌युङ्‌खाओ अ़चुचुप्‍ताङ्‌छुक्‌लिप्‍पा म़युङ्‌याङ।

हिब्रु 9:28

मोवात्‍नि ख्रिस्‍त्‌छाङ ब़द्‍धेकापाङ्‌सोओ अ़चुहेवा चुम्‍खाइसि अ़क्‍दु हेन्‍खोक्‌वा म़लिसा, खोन्‍कि खोक्‍को ह्‍वादुओदु हेवा चुम्‍खाइसि माआङ, मेन अ़चुऩङानुयाङ्‌सा खोक्‍को काहुङ्‌चि लेइसिओ निम्‍पाङ खाङ्‌म़मुनान्‍चिन।

याकुब 2:1

अ़ङ्‍ब़ब़, नाना खोन्‍कि निछाचि ओ, साम्‍स़रिओ आन्‍हाङ्‌पा येसु ख्रिस्‍तएदा साकोङ्‌छ़ङ कामु त़लिसिन्‌ओसा खानानिन साङ्‌लिप्‍पाछाङ मान्‌वाङ्‌दानिन।

१ पत्रुस 1:11

ख्रिस्‍तआ दुखा आङ्‌मादोत खोन्‍कि आदेङ साया अ़तोक निकिना बुयादाङ्‌काङा ख्रिस्‍तओ अ़चुलावाआ मोचि खाङ्‌म़मेत्‍तुङुचिहिदा, देम्‍खा खोन्‍कि देत्‍नि मोवात्‍नि लि निकिना सिन्‍मा खोचि म़लामा।

१ पत्रुस 3:18

देकिनालो ख्रिस्‍त्‌छाङ आन्‍कान निनाम्‍हाङ्‌एदा तात्‍मा निम्‍पाङ साम्‌योक्‍मि म़ना मान्‍साम्‌योक्‍मिचिओ निकि खोक्‍को अ़धुन्‌ओ निम्‍पाङ हेवामिचिओ अ़चुफान्‌दा अ़क्‍दु म़सुवा। खोक्‍को पोक्‌दा म़सुवा, मेन लावादा म़खोन्‍तालोन्‍ता।

१ पत्रुस 3:22

खोक्‍को निनाम्‍मादु म़खारायुङ्‌सा खोन्‍कि निनाम्‍हाङ काफाचि, पाङ्‌चि खोन्‍कि सावाकातोक लावाचि म़क़म्‍तुचि खोन्‍कि निनाम्‍हाङ्‌ओ अ़चुचुप्‍ताङ्‌छुक्‌लिप्‍पा म़युङ्‌याङ।

यहुदा 1:21

खानानिन निनाम्‍हाङ्‌ओ अ़चुसोमातुक्‍मादा नुलोक युङ्‌सानिन्‍चिन, खोन्‍कि अ़लुक्‍निन्‌ओ ह़ङ्‌म़ङ्‌ओ निम्‍पाङ आन्‍हाङ्‌पा येसु ख्रिस्‍तओ सोम्‌योक्‍मा हुङानुम।

खाङ्‌मुमा 1:11

मो य़ङ्‌आ लो, “खाना दि त़खा, मो अ़क्‌तात छाप्‍लाखा भोङ्‌दा छाप्‍तु, खोन्‍किना ओ सात्‌कातात्‍माङ साम्‍भुङ्‌चि छोक्‍तुचि: एफिसस, स्‍मुर्ना, पर्गामम, थिआतिरा, सार्दिस, फिलादेल्‍फिया खोन्‍कि लाउदिकिया।”

खाङ्‌मुमा 1:17

खाउग़रि खोक्‍को अ़ङ्‌का खाङ, मोन्‍ग़रि अ़ङ्‌का सुवादाओ म़ना ओन्‍तेका लिसाङ्‌कि खोक्‍कोसोओ अ़चुलाङ्‌दा छुक्‍ताङ। मेन खोक्‍कोसाआ अ़चुचुप्‍ताङ्‌छुक ओवात्‍नि य़ङ्‌सा अ़ङ्‌काएदा अ़युङ्‌सा, “मान्‍क़दा! अ़पुङ्‌चिपुक खोन्‍कि अ़लुक्‍मा अ़ङ्‌काङा ओ।

खाङ्‌मुमा 1:8

“अ़पुङ्‌चिपुक खोन्‍कि अ़लुक्‍मा अ़ङ्‌काङा ओ” नि झारा सावाकातोक हाङ्‌पा निनाम्‍हाङ म़य़ङ्‌याङ। खोक्‍को म़युङ्‌याङ, खोक्‍को म़युङाङा खोन्‍कि खोक्‍को म़तायाङ।

खाङ्‌मुमा 2:8

स्‍मुर्नादाओ साम्‍भुङ्‌ओ निनाम्‍हाङ काफा खाना ओ य़ङ छाप्‍तु। साङ सुवादा खोन्‍कि लासाह़ङा, ओ य़ङ्‌खान खोक्‍कोसोओ ओ, खोक्‍को अ़पुङ्‌चिपुक खोन्‍कि अ़लुक्‍मा म़युङ्‌याङ।