हिब्रु 11:8 - बान्‍तावा राई

⁸ साकोङ्‌छ़ङ्‌लाम्‍पा अब्राहाम लोमावा चुवा, खोन्‍कि खारानि लोवाओदात्‍नि खारा। मो युङ्‌खा आदेङ खोसाआ पाङ्‌यिवा तोक्‍मा दोराङाओ। खादात्‍नि खाराङाओ मो मान्‍सिन्‍दोङुनुछाङ खो खारा।

हिब्रु 11:8 ပူးပေါင်းရင်းမြစ်များ

मत्‍ति 2:21

योसेफ पुवालोन्‍ता खोन्‍कि नुनु खोन्‍कि खोक्‍कोसोओ अ़चुमा खात्‍तुचिकि इस्राएल हेन्‍कोप खारा।

रोमि 1:5

आन्‍हाङ्‌पा येसु ख्रिस्‍तलाम्‍पा निनाम्‍हाङ्‌आ आन्‍कान सोमाम़तुक्‍ताकि छाम्‍माय़ङ लिमाओ अ़वाखाम म़पुवायुङ्‌सा, खोन्‌ओसा झारा रावाओ म़नाचि साकोङ्‌छ़ङ्‌दा खोन्‍कि लोमाय़ङ्‌दा तित्‍मा ऱम्‍च़म्‌कि निनाम्‍हाङ्‌ओ अ़चुऩङ अ़लोङ्‌ने।

रोमि 10:16

मेन झारा इस्राएलिचिआ नुय़ङ्‌खान मान्‍लोक्‌अ़दा, देकिनालो निनाम्‍हाङ्‌य़ङ खाकालु यसैया य़ङ्‌याङ, “हाङ्‌पो, आन्‍कान्‍काएदाङ्‌का अ़एनाओ य़ङ साङ्‌आ साकोङ्‌छ़ङ मुयुङ्‌सु कि?”

रोमि 6:17

मेन निनाम्‍हाङ आलाङ्‌ने, देकिनालो खानानिन अ़क्‍दु हेवाओ अ़हारुक त़मुन्‌येन, हान खाक्‍को अ़छ़ङ चिन्‍माय़ङ खानानिन्‌आ त़तोक्‍तुम, मो झारा साकोङ्‌वाआ त़लोउम्‌युङ्‌सुम।

२ कोरिन्‍थि 10:5

निनाम्‍हाङ्‌ओ अ़चुतायाओ अ़देङ्‌सालाप्‍पा म़लोन्‌ओ दुम्‍छ़न्‍माचि खोन्‍कि ऱक्‍भाक्‌एनान लाम्‍काछेक य़ङ्‌चि आन्‍कान्‍का लुक्‍तुम्‍च़म्‍का, खोन्‍कि आन्‍कान्‍का झारा मिन्‍मा क़म्‍तुम्‍का खोन्‍कि मो ख्रिस्‍तओ अ़चुलोमाय़ङ्‌वा मुमेत्‍तुम्‍च़म्‍का।

हिब्रु 11:33

खोचिओ अ़चुसाकोङ्‌छ़ङ्‌लाम्‍पा हेन्‍कोप्‌चिदा म़छोसा, तोङालो छ़ङ म़छेन्‍ताकि म़हिप्‍तुचिओचि म़तोक्‍तुचि। मोचिआ धिनाराचिओ अ़चुदोचि म़ह़सुप़चि।

हिब्रु 5:9

मो दुखा अ़आङ्‌ताचिआकि अ़चुलोमाय़ङ काकाङ्‌चि झारासोओ निम्‍पाङ खोक्‍को अ़धुन्‌ओ लेन्‍खालाम म़लिसा।

१ पत्रुस 1:22

हान खानानिन अ़छ़ङ य़ङ्‌दा लोमाय़ङ्‌वा त़च़न्‌किना आम्‍नुओ मिन्‍मा त़सेङ्‌सुम्‌ओसा आम्‍नुओ साकोङ्‌छ़ङ कामु यावाचि सोमातुक्‍तानुम्‍च़म। अ़क्‍छा निएदा साकोङ्‌वादाङ्‌का राक्‌एनान सोम्‍तुक्‍मुवानिन।

१ पत्रुस 3:1

मोवात्‍निङा खिम्‍हाङ्‌माचि ओ, खानानिन्‌छाङ आम्‍नुओ खिम्‍हाङ्‌पाचिओ अ़चुक़म्‍मादा युङानिन। खोन्‍नालो मोचि निनाम्‍हाङ्‌ओ अ़चुय़ङ्‌दा साकोङ्‌छ़ङ ऩमुनिन्‌नुछाङ, आम्‍नुओ च़माथाङ्‌माआ मोचि देत्‍छाङ मान्‍लोमाङ फान्‍मा त़ऱम्‍च़म।

१ पत्रुस 4:17

देकिनालो छ़ङ्‌छेन्‍मा निनाम्‍हाङ्‌ओ अ़चुम़नाचिदाङ्‌का पुङ्‌मा ग़रि ताचिआयुङ्‌सा। खोन्‍कि ओ छ़ङ्‌छेन्‍मा आन्‍कान्‌एदाङ्‌काङा पुङ्‌नालो निनाम्‍हाङ्‌ओ अ़चुनुय़ङ्‌खान्‌दा लोमावा मान्‍च़कादाचिओ अ़चुछ़ङ्‌छेन्‍मा देत्‍नि लि?