हिब्रु 10:19 - बान्‍तावा राई

¹⁹ खोन्‌ओसा ब़ब़, नाना खोन्‍कि निछाचि ओ, येसुओ अ़चुह़लाम्‍पा तोक्‍पो सेङ्‌याङ्‌ओदा वाङ्‌मा आन्‍कान राक लोक्‍मा ऱम।

हिब्रु 10:19 ပူးပေါင်းရင်းမြစ်များ

रोमि 5:2

खोक्‍कोएदाङ्‌का आन्‍कान ओ सोम्‍तुक्‍मादा साकोङ्‌छ़ङ्‌लाम्‍पा वाङ्‌मा तोक्‍तुम्‌युङ्‌सुम। मो सोम्‍तुक्‍मादा आन्‍कान युङिन्‌येन, खोन्‍कि निनाम्‍हाङ्‌ओ अ़चुसाम आन्‍कान्‌छाङ तोक्‍मा सोम्‍कुवादा आन्‍ऩङानुसिन्‍चिन्‍ने।

रोमि 8:15

देकिनालो किन्‍माकि हारुक मुमा लावा खानानिन्‌आ मान्‍तोक्‍त़युक्‍तुम, मेन तात्‍मा छा लिमाओ निम्‍पाङ निनाम्‍हाङ्‌ओ अ़चुलावा त़तोक्‍तुम्‌युङ्‌सुम। खोन्‌ओसा निनाम्‍हाङ लावालाम्‍पा आन्‍कान निनाम्‍हाङ “अब्‍बा! आपो!”नि बुत्‍तुम।

एफिसि 2:18

देकिनालो ख्रिस्‍तलाम्‍पाङा आन्‍कान झारा यहुदि खोन्‍कि निरावा अ़क्‌तात सेङ्‌लावालाम्‍पा आन्‍निनाम्‍हाङ पापाएदा तामालामा ऱन।

एफिसि 3:12

खोक्‍कोएदा मुम्‌ओ आन्‍साकोङ्‌छ़ङ्‌लाम्‍पा राक खोन्‍कि सोम्‍कुवादा आन्‍कान निनाम्‍हाङ्‌एदा खात्‍मा तोक्‍तुम।

२ तिमोथि 1:7

देकिनालो निनाम्‍हाङ्‌आ आन्‍कान क़माओ लावा माआङ, मेन सावा, सोम्‍तुक्‍मा खोन्‍कि आप्‍पि क़म्‍मान्‍चिन्‌ओ लावा म़पुवायुङ्‌सा।

हिब्रु 10:18

खोन्‌ओसा झारा हेवाचि म़लेत्‍चिन्‌कि हान मोदा खाक्‍कोछाङ हेन्‍खोक्‌वा अ़दोत्‍निन।

हिब्रु 10:35

खोन्‌ओसा अ़ङ्‌का चाप्‍चेत्‍नानिन, आम्‍नुओ सोम्‍कुवा मान्‍छित्‌दानुम, ओसाआ अ़धिवा सिरिफा तारु।

हिब्रु 12:28

खोन्‌ओसा अ़ङाङ्‌निन्‌ओ हेन्‍कोप आन्‍कान तोक्‍तुम्‌ओदा आन्‍कान आलाङ्‌मिओ लिसिन्‍ने, खोन्‍किना कित्‌याङ्‌सा खोन्‍कि सायामेत्‌याङ्‌सा निनाम्‍हाङ्‌ओ अ़चुऩङानुलो ब़क्‍तुम्‍ने।

हिब्रु 3:1

खोन्‌ओसा निनाम्‍हाङ्‌आ ऩबुत्‍तिन्‌ओ त़सेङियेन्‌ओ अ़ङ्‍ब़ब़, नाना, खोन्‍कि निछाचि ओ, निनाम्‍हाङ्‌आ अ़छाम्‍साओ खोन्‍कि मुलो काब़क्‍पानि आन्‍कान य़ङिन्‌ओ येसु मित्‍तानुम।

हिब्रु 3:6

मेन ख्रिस्‍त निनाम्‍हाङ्‌ओ अ़चुखिम्‌दा पाङ कामु छावात्‍नि सोम्‍कुवा मुमा खान्‍तुओ म़मुयाङ। खोन्‍कि आन्‍कान तोक्‍पो लिमायु आन्‍राक खोन्‍कि ख्रिस्‍तएदाओ आन्‍सोम्‍कुवा क़क्‍तुम्‌युङ्‌सुम्‌नालो आन्‍कान खोक्‍कोसोओ अ़चुखिम्‌दाओ म़नाचि ओ।

हिब्रु 4:16

खोन्‌ओसा आन्‍कान राक्‌एनान सोम्‍तुक्‍माओ हाङ्‌युङ्‌खादा खारिन्‍ने। मोदा निनाम्‍हाङ्‌आ सोम्‍तुक्‍मा दोत्‌ओ ग़रिदा आन्‍कान फामा तोक्‍तुम।

हिब्रु 7:25

खोन्‌ओसा खोक्‍कोलाम्‍पा निनाम्‍हाङ्‌ओ अ़चुच़क्‌दा काताचि खोक्‍कोसाआ ओन्‍ग़रि खोन्‍कि अ़धुन्‌तारि लेन्‍मा म़ऱचि। देकिनालो मोचिओ अ़चुलिप्‍पादा निनाम्‍हाङ्‌एदा यामात्‍सि खोक्‍को अ़धुन म़ह़ङ्‌युङ।

हिब्रु 9:12

मेनेत्‍पा माङ्‌लो बोयोङ्‌ओ अ़ह़आ माआङ, मेन आप्‍पिओ अ़चुह़आ आन्‍कान अ़धुन्‌ओ निम्‍पाङ लेइसि अ़क्‍धुवा तोक्‍पो सेङ्‌याङ्‌ओ खोप्‌हुत्‌दा खोक्‍को म़वाङा।

हिब्रु 9:3

मो ह्‍वा खोप्‌ओ अ़चुकाप्‌दा अ़क्‌तात थेम्‍खातित क़ङ्‌सायुङ्‌सा। मोसोओ अ़देङ्‌लिप्‍पा तोक्‍पो सेङ्‌याङ्‌ओ खोप्‌नि लोवाङा।

१ युहन्‍ना 4:17

छ़ङ्‌छेन्‍माओ लेन्‌दा आन्‍कान क़मा अ़दोत्‍निन निकिना ओवात्‍निङा आन्‍कान्‌एदा अ़छ़ङ सोम्‍तुक्‍मा अ़तासाला, देकिनालो ख्रिस्‍त दियाको म़मुयाङ आन्‍कान्‌छाङ ओ हेन्‍खामादा मोवाकोङा मुन्‌येन।