10 खोन्कि मो निनाम्हाङ्ओ अ़चुमिन्मावात्नि येसु ख्रिस्तआ अ़चुपोक्ओ हेन्खोक्वालाम्पा अ़धुन्ओ निम्पाङ आन्कान म़सेङ्सायुङ्सा।
खानानिन ब़त्सि आम्नुओ अ़छ़ङ य़ङ्आ मोचि सेङ्मा ऱचिने निकिना अ़ङ्का आप्पि मोचिओ निम्पाङ अ़ङ्का हेन्खोक्वावा प़ङ।
मेन रात्खामिचिएदाओ अ़क्छाआ खोक्कोसोओ अ़चुहेबेक्दा भेआ धुउ, खोन्कि मोन्ग़रिङा ह़ खोन्कि चाक्वा लोन्ता।
निनाम्मादुङ्का धाओ अ़ह़ङ पेम्पाक अ़ङ्काङा ओ। साङ्आ ओ पेम्पाक चा, मो अ़धुन्तारि ह़ङ। खोन्कि खाक्को पेम्पाक अ़ङ्का हेन्खामादाओ ह़ङ्म़ङ्ओ निम्पाङ प़ङ, मो अ़ङ्पोक ओ।”
निनाम्हाङ्आ खानानिन ख्रिस्त येसुएनान अ़क्तात ऩमुन्युङ्सिन। खोक्कोङा आन्को निम्पाङ निनाम्हाङ्एदाङ्काओ ताया माङ्लो आन्कान साम्योक्मि काकान, आन्कान कासेङ खोन्कि आन्कान कालेन्पा म़लिसायुङ्सा।
खा-खाक्को खानानिन्छाङ ओवाकोङा त़मुन्येन। मेन खानानिन वाऩस़न्युङ्सिन, खानानिन त़सेङिन्युङ्सिन, हाङ्पा येसु ख्रिस्तओ अ़चुऩङ्दा खोन्कि आन्निनाम्हाङ्ओ अ़चुलावालाम्पा खानानिन निनाम्हाङ्ओ अ़चुबुदा साम्योक्मि ऩकाइसिन्युङ्सिन।
देत्नि ख्रिस्तआ आन्कान सोमाम़तुक्ता खोन्कि निनाम्हाङ्ओ निम्पाङ नाम्नुयाङ्ओ छुक्दाम खोन्कि हेन्खोक्वावात्नि म़लिसाकि खोक्को आप्पि आन्को निम्पाङ म़सुवा, मोवात्नि खानानिन्छाङ सोमातुक मुवानिन।
खोक्कोसाआ साम्भुङ अ़च़क़ल़क मुमा निम्पाङ चाक्वाआ वाअ़स़कि निनाम्हाङ्य़ङ्लाम्पा सेङ्मा अ़ऱने,
मेन ख्रिस्तआ ना हेवाचि अ़धुन चुम्माखान्माओ निम्पाङ अ़क्तात्ङा हेन्खोक्वा अ़पुवा, खोन्किना खोक्को निनाम्हाङ्ओ अ़चुचुप्ताङ्लिप्पा म़युङायुङ्सा।
देकिनालो साङ्आ निनाम्हाङ्एदा म़नाचि तारुचि, अ़क्तात्ङा हेन्खोक्वालाम्पा खोक्कोसाआ अ़धुन्ओ निम्पाङ अ़नुछ्या म़सेङ्सुचि।
खोक्कोसोओ अ़चुस़मालाम्पा आन्को निम्पाङ अ़क्तात अ़ऩङ्वा लाम म़होत्तापुवायुङ्सा मोसाआ ह़ङ्म़ङ्दा म़तित। ओ लाम्आ आन्कान थेम्खातित लियाङ्सा तोक्पो सेङ्याङ्ओदा म़तात्ला।
खानानिन मित्तानुम, निनाम्हाङ्ओ अ़चुछा अ़लाङ्थेम भेन्यु कानेप्चि, खाक्को ह़आ म़सेङ खोन्कि निनाम्हाङ्ओ अ़चुय़ङ्छ़ङ अ़छ़ङ मु, मो ख्रिस्तओ अ़चुह़ दिसुवा मान्मित्कादा खोन्कि सोमाकातुक सेङ्लावा कासुङ्चिआ देम चात्लो दन्दा अ़तोक?
खोन्ओसा हेन्खामादा ख्रिस्त म़ताहिदा म़य़ङा, हेन्खोक्वा खोन्कि छुक्दाम खानानिन मान्लाम्त़दान, मेन खानानिन्आ अ़ङ्को निम्पाङ अ़क्तात पोक त़चुम्सुम्युङ्सुम।
मोवात्निओसा येसुआछाङ खोक्कोसोओ अ़चुह़लाम्पा म़नाचि अ़चुहेवादाङ्का सेङ्सि सहराओ अ़वाङ्खालाम्ओ बुङ्खालिप्पादा दुखा अ़आङ्ता।
हेवादाङ्का म़ना कासेङ येसु खोन्कि म़सेङ्सुओचि झारासोओ अ़चुपा अ़क्छाङा ओ। खोन्ओसा येसुआ मोचि निछानि लोमादा अ़चुलेजो अ़कात्निन।
मो छाचिएदा सा खोन्कि ह़ओ पोक याक्याङ्ओसा, येसुछाङ सा खोन्कि ह़ओ पोक म़लिसा। मोवात्नि खोक्कोसोओ अ़चुस़मालाम्पा स़मा सावाकातोक मो सैताना खोक्कोसाआ लुक्मा अ़ऱने।
येसु अ़चुपोक्दा म़युङाङाहिदा खोक्को स़मादाङ्का साङ्आ लेन्मा अ़ऱ, खोक्कोएदा अ़न्नुनु पात्याङ्सा खोन्कि अ़चुम़क्वाएनान याम़मारा। खोन्किना खोक्कोसाआ सिम्नान्चिन्सा निनाम्हाङ साया अ़मेत्ताओसाआ अ़चुयामात्मा अ़एना।
नि मुलो काब़क्पाचिआ बुया अ़चुहेवाचिओ निम्पाङ खोन्कि म़नाचिओ अ़चुहेवाओ निम्पाङ अ़लेन्खिन्तुम हेन्खोक्वा प़मायुङ्मा दोराङा। मेन येसुआ मान्दोत। खोक्को आप्पि हेन्खोक्वा म़लिसाकि म़नाचिओ अ़चुहेवाचिओ निम्पाङ खोक्कोसाआ मो काचि अ़धुन्ओ निम्पाङ अ़क्धुवा अ़मुवा।
मेनेत्पा माङ्लो बोयोङ्ओ अ़ह़आ माआङ, मेन आप्पिओ अ़चुह़आ आन्कान अ़धुन्ओ निम्पाङ लेइसि अ़क्धुवा तोक्पो सेङ्याङ्ओ खोप्हुत्दा खोक्को म़वाङा।
ओ अ़छ़ङ य़ङ ओनालो, ख्रिस्तओ अ़चुह़आ देम च़लोक आन्छेन्खाताया हेवा काचिचिदाङ्का सेङ, खोन्ओसा आन्कान अ़ह़ङ निनाम्हाङ ब़क्मा ऱम। देकिनालो खोक्कोसाआ अ़धुन्ओ लावाओ सावाआ आप्पि अ़च़क़ल़क हेन्खोक्वा म़लिसाकि निनाम्हाङ अ़पुवालावा।
माङ्नालोना हेन्खामाओ अ़पुङ्चिपुक्दाङ्काङा खोक्कोसाआ अ़दु-अ़दु अ़चाअ़त्मा आङ्मादोराओ। मेन ओ जुगाओ अ़देङ्दा खोक्कोसोओङा अ़चुहेन्खोक्वालाम्पा हेवा चुम्खाइसि खोक्को अ़धुन्ओ निम्पाङ अ़क्धुवा खाङ्म़मुसान्युङ्सान्चिन।
मोवात्नि ख्रिस्त्छाङ ब़द्धेकापाङ्सोओ अ़चुहेवा चुम्खाइसि अ़क्दु हेन्खोक्वा म़लिसा, खोन्कि खोक्को ह्वादुओदु हेवा चुम्खाइसि माआङ, मेन अ़चुऩङानुयाङ्सा खोक्को काहुङ्चि लेइसिओ निम्पाङ खाङ्म़मुनान्चिन।
हेवाओ अ़सावा आन्कान्एदा दित्छाङ अ़युङ्निन्ने, खोन्कि साम्योक्मिओ निम्पाङ ह़ङिन्ने निकिना क्रुस्दा खोक्कोसाआ आप्पि आन्हेवा अ़खुया। खोक्कोसोओ अ़चुखेन्चिलाम्पा खानानिन त़नुन्युङ्सिन।
देकिनालो ख्रिस्त्छाङ आन्कान निनाम्हाङ्एदा तात्मा निम्पाङ साम्योक्मि म़ना मान्साम्योक्मिचिओ निकि खोक्को अ़धुन्ओ निम्पाङ हेवामिचिओ अ़चुफान्दा अ़क्दु म़सुवा। खोक्को पोक्दा म़सुवा, मेन लावादा म़खोन्तालोन्ता।
मो खोक्कोङा ओ, येसु ख्रिस्त चाक्वा खोन्कि ह़लाम्पा म़ता। खोक्को चाक्वादा ओन्ङा माआङ, मेन चाक्वा खोन्कि ह़लाम्पा म़ता।