हिब्रु 10:1 - बान्‍तावा राई

¹ निनाम्‍हाङ्‌य़ङ खाकालु मोसाओ य़ङ्‌हुप तामा म़मुयाङ्‌ओ अ़नुवाक य़ङ्‌चिओ अ़इप्‍नाम्‍मा ओन्‍ङाओसा मो अ़छ़ङ माआङ। खोन्‌ओसा अ़धुन अ़दोङ्‌खिन्‍तुम्‌ओ हेन्‍खोक्‌वालाम्‍पा निनाम्‍हाङ्‌ओ अ़चुच़क्‌दा ब़क्‍सि काता म़नाचि ओसाआ अ़नुछ्‍याङा सेङ्‌मा अ़ऱन्‍चिन।

हिब्रु 10:1 ပူးပေါင်းရင်းမြစ်များ

रोमि 8:3

आन्‍को हेवामि आन्‍मित्‍माचि मान्‍ऱकादा म़लिसाओसा य़ङ्‌हुप्‌आ दि मुमा मान्‍ऱदो, मो निनाम्‍हाङ्‌आ अ़मुवा। निनाम्‍हाङ्‌आ आप्‍पिओ अ़चुछा अ़याङाकि आन्‍कान्‌वाको हेवामिचिओ आन्‍हेवाचिओ निम्‍पाङ हेन्‍खोक्‌वा अ़पुवाकि हेवाओ अ़क़म्‍मा आन्‍कान्‌एदाङ्‌का अ़लुक्‍ता।

कलस्‍सि 2:17

ओचि ना म़तायाङ्‌ओ य़ङ्‌चिओ अ़लावाछामित ओन्‍ङा ओ। मेन अ़नुछ्‍या ना ख्रिस्‍त ओ।

हिब्रु 10:22

खोन्‌ओसा आन्‍कान सेङ्‌याङ्‌ओ साकोङ्‌वा खोन्‍कि अ़छ़ङ साकोङ्‌छ़ङ मुन्‌कि निनाम्‍हाङ्‌ओ अ़चुबुदा खारिन्‍ने। देकिनालो आन्‍छेन्‍खातायाचि ख्रिस्‍तओ अ़चुह़आ सेङ्‌माचि निकिना म़रेप्‍तायुङ्‌सा, खोन्‍कि आन्‍पोक्‌चि सेङ्‌याङ्‌ओ चाक्‌वाआ वाम़स़त्‍तापुवायुङ्‌सा।

हिब्रु 7:11

मोवात्‍नि मोसाओ अ़य़ङ्‌हुप्‌आ लेबिओ अ़छाचि काब़क लिमादोत्‌नि य़ङ्‌नुछाङ मो काब़क्‌चिआ साङ्‌छाङ सेङ्‌मा ऩऱन। खोन्‌ओसा हारुन्‌ओ अ़खिम्‍लुम्‍पादाङ्‌का काब़क ताओ माआङ, आन्‍कान मल्‍किसेदेक्‌ओ छान्‌वा नि काब़क दोत।

हिब्रु 8:5

मोचिआ सेङ्‌याङ्‌ओदाओ ब़त्‍मायु काचि निनाम्‍मादुओ अ़छ़ङ य़ङ्‌ओ अ़मात्‍ऩङ खोन्‍कि अ़इप्‍नाम्‍मा ओ। देकिनालो निनाम्‍हाङ्‌य़ङ खाकालु मोसाआ सेङ्‌याङ्‌ओ तित्‍खिम मुङुहिदा निनाम्‍हाङ्‌आ ओवात्‍नि अ़लोवा, “भ़ऱदु खाना खाङ्‌मेत्‍नाओ अ़मात्‍ऩङ्‌वा खाना झारा नुलोक मुचि।”

हिब्रु 9:11

मेन ख्रिस्‍त आइमित साऱङ म़ताचिआओ अ़नुवाक य़ङ्‌चिओ मुलो काब़क्‍पा म़लिसा। खोक्‍को निनाम्‍मादुओ च़लोक तोक्‍पो खोन्‍कि अ़च़क़ल़क तित्‍खिम्‌दा म़खारा। मो छुक्‌आ मुमाय़ङ्‌ओ माआङ खोन्‍कि ओ मुन्‍माय़ङ हेन्‍खामाओ अ़धाङ माआङ।

हिब्रु 9:23

मोवात्‍नि निनाम्‍मादुओ अ़नुछ्‍याओ य़ङ्‌चिओ अ़मात्‍ऩङ सायाम्‍पोक हेन्‍खोक्‌वालाम्‍पा सेङ्‌मा दोराङानालो, निनाम्‍मादुओ अ़नुछ्‍याओ य़ङ्‌चि सेङ्‌मा च़लोक अ़नुवाक हेन्‍खोक्‌वा दोरा।

हिब्रु 9:25

मुलो काब़क्‍पा अ़दोङ्‌खिन्‍तुम साक्‍स़ङ्‌चिओ अ़ह़ खुयुकि तोक्‍पो सेङ्‌याङ्‌ओ हुत्‌दा वाङ। मेन येसुआ खोक्‍को आप्‍पि अ़दु-अ़दु हेन्‍खोक्‌वा प़सि म़वाङाओ माआङ।