हिब्रु 1:13 - बान्‍तावा राई

¹³ मेन निनाम्‍हाङ्‌आ खाक्‍कोछाङ निनाम्‍हाङ काफा, “खाना अ़ङ्‌चुप्‍ताङ्‌छुक्‌लिप्‍पा युङा, देम्‍खातारि आम्‍ङेङ्‌चि आम्‍लाङ्‌थेम्‍भेन्‌यु अ़मुऩङ्‌च़ङ”नि देम्‍खा अ़लोवा कि?

हिब्रु 1:13 ပူးပေါင်းရင်းမြစ်များ

मत्‍ति 22:44

‘निनाम्‍हाङ्‌आ अ़ङ्‌हाङ्‌पा अ़लोवा, देम्‍खातारि अ़ङ्‌का आम्‍ङेङ्‌चि आम्‍लाङ्‌थेम्‍भेन्‌यु अ़मुऩङ्‌च़ङ, खोग़रितारि खाना अ़ङ्‌चुप्‍ताङ छुक्‌लिप्‍पा युङा।’

मर्कुस 12:36

दाउद्‍ङा सेङ्‌लावालाम्‍पा चेवा, ‘हाङ्‌पा निनाम्‍हाङ्‌आ अ़ङ्‌हाङ्‌पा अ़लोवा, अ़ङ्‌का आम्‍ङेङ्‌चि आम्‍लाङ्‌थेम्‍भेन्‌यु मान्‍मुयुक्‍तुङ्‌च़ङ्‌तारि खाना अ़ङ्‌चुप्‍ताङ्‌छुक्‌लिप्‍पा युङा!’

लुका 19:27

मेन अ़ङ्‌का हाङ मुङाओ ऩङाकाछित मो अ़ङ्‌ङेङ्‌चि ओदा बात्‍तानुम्‍च़म, खोन्‍कि अ़ङ्‌बुदा सेरानुम्‍च़म!’”

लुका 20:42

देकिनालो साम्‍ऱङ्‌भुङ्‍ओ छाप्‍लाखादा दाउद्‌आ आप्‍पि छाप्‍तुयुङ्‌सु, निनाम्‍हाङ्‌आ अ़ङ्‌हाङ्‌पा ख्रिस्‍त अ़लोवा, ‘देम्‍खातारि अ़ङ्‌का आम्‍ङेङ्‌चि आम्‍लाङ्‌थेम्‍भेन्‌यु अ़मुऩङ्‌च़ङ मोन्‌तारि खाना अ़ङ्‌चुप्‍ताङ्‌छुक्‌लिप्‍पा युङा।’

छाम्‍माय़ङ 7:55

मेन स्‍तिफनस सेङ्‌लावाआ भेप्‍तुकिना निनाम्‍मादुत्‍नि होन्‍नि खाचोवा, खोन्‍कि निनाम्‍हाङ्‌ओ अ़चुसाम खोन्‍कि येसु निनाम्‍हाङ्‌ओ अ़चुचुप्‍ताङ्‌छुक्‌लिप्‍पा म़एवाङाओ खा।

हिब्रु 1:3

येसुङा निनाम्‍हाङ्‌ओ अ़चुसाम्‌ओ अ़लेत्‍माओ, खोन्‍कि निनाम्‍हाङ देत्‍नि म़मुयाङ येसुछाङ मोवात्‍निङा म़मुयाङ। झारा हेन्‍खामा आप्‍पि अ़चुसावापोरिओ य़ङ्‌आ अ़क़क्‌याङ। आन्‍हेवाचि येसुआ वाअ़सुवाचिआकि साम्‍स़रिओ निनाम्‍हाङ्‌ओ अ़चुचुप्‍ताङ्‌छुक्‌लिप्‍पा निनाम्‍मादु खोक्‍को म़युङा।

खाङ्‌मुमा 20:15

साङ्‌कोओ अ़ऩङ ह़ङ्‌म़ङ्‌ओ छाप्‍लाखादा मान्‍छाप्‌याङ, मो लेराङाओ मिराक्‌दा वेइसादिसा।