गलाति 6:8 - बान्‍तावा राई

⁸ साङ्‌आ अ़हेवामि च़माथाङ्‌मा अ़ऩङानुमाओ निम्‍पाङ लित्‍तु, मोसाआ अ़हेवामि च़माथाङ्‌मादाङ्‌काङा लुक्‍माखात्‍माओ अ़सिवा कोउ। मेन साङ्‌आ सेङ्‌लावाओ निम्‍पाङ लित्‍तु, मोसाआ सेङ्‌लावालाम्‍पाङा अ़लुक्‍निन्‌ओ ह़ङ्‌म़ङ कोउ।

गलाति 6:8 ပူးပေါင်းရင်းမြစ်များ

मत्‍ति 19:29

खोन्‍कि साङ-साङ्‌आ अ़ङ्‌ऩङ्‌ओ निम्‍पाङ अ़खिम माङ्‌लो अ़द़क्‍छा-बुवाचि माङ्‌लो अ़ना-निछाचि माङ्‌लो अ़पापा-अ़मामाचि माङ्‌लो अ़छाचि माङ्‌लो अ़व़क्‍स़ङ्‌चि छिरुयुङ्‌सुचि, मोसाआ सयेकास़रो तोक्‍तु, खोन्‍कि अ़लुक्‍निन्‌ओ ह़ङ्‌म़ङ्‌ओ पाङ तोक्‍तु।

मत्‍ति 25:46

खोन्‍किना मोचि अ़धुन दन्‍दा तोक्‍खादा म़खात, मेन साम्‌योक्‍मि म़नाचि अ़धुन ह़ङ्‌मायुङ्‌मा ह़ङ्‌म़ङ्‌दा म़वाङ।”

लुका 18:30

खोसाआ छिरुदोचिओदाङ्‌का ब़द्‍धेकास़रो ओ हेन्‍खामादा तोक्‍तु, खोन्‍कि निनाम्‍हाङ्‌ओ अ़चुहाङ्‌होन्‌दाछाङ अ़लुक्‍निन्‌ओ ह़ङ्‌म़ङ तोक्‍तु।”

युहन्‍ना 4:14

मेन साङ्‌आ अ़ङ्‌का प़ङ्‍ओ चाक्‌वा दुङु, मो देम्‍खाछाङ वामित्‍मा अ़स़निन। खाक्‍को चाक्‌वा अ़ङ्‌का मो प़ङ, मो मोएदा अ़लुक्‍निन्‌ओ ह़ङ्‌म़ङ्‌ओ निम्‍पाङ लोन्‌याङ्‍ओ बोन्‌वा लि!”

युहन्‍ना 4:36

साङ्‌आ चा कोउ मोसाआ अ़लुङ तोक्‍तुयुङ्‌सु, खोन्‍कि अ़लुक्‍निन्‌ओ ह़ङ्‌म़ङ्‌ओ निम्‍पाङ अ़सिवा कोउयुङ्‌सु, खोन्‌ओसा कावेत खोन्‍कि काकोप अ़क्‍नि अ़चुऩङानु।

युहन्‍ना 6:27

लुक्‍खात्‌ओ चामायुओ निम्‍पाङ काचि मान्‍मुदानिन, मेन अ़लुक्‍निन्‌ओ ह़ङ्‌म़ङ काप़ चामायुओ निम्‍पाङ काचि मुवानिन। मो चामायु म़नाओ अ़छाआ खानानिन ऩप़न। देकिनालो पापा निनाम्‍हाङ्‌आ म़नाओ अ़चुछाएदा अ़चुओ सेप्‍मा पाङ अ़पुवायुङ्‌सा।”

रोमि 13:14

मेन हाङ्‌पा येसु ख्रिस्‍तओ अ़मात्‍ऩङ त़ङ्‌तानुम खोन्‍कि हेवामि च़माथाङ्‌माओ मित्‍माचिदा देत्‍नि सोम्‍सेत्‍मान्‍चिन्‌ओ अ़तुक्‌वादा मिन्‍मा मान्‍पाक्‍दानुम।

रोमि 6:13

आम्‍नुओ पोक्‌ओ खाक्‍कोछाङ अ़फुत्‌चि हेवा मुमा निम्‍पाङ अ़अ़त्‍पाओ मित्‍चिऩङ्‌चिदा मान्‌याङ्‌दानुम्‍च़म। मेन स़मादाङ्‌का ह़ङ्‌म़ङ्‌दा काफान्‍नान्‍चिन म़नाचिवात्‍नि निनाम्‍हाङ्‌ओ अ़नुवाक अ़चुकाचि मुसि पुवालावानिन्‍चिन खोन्‍कि झारा आम्‍नुओ पोक्‍फुत्‌चि साम्‌योक्‍मिओ अ़मित्‍चिऩङ्‌चिओ निम्‍पाङ याङानुम्‍च़म।

रोमि 6:23

देकिनालो हेवाओ अ़लुङ स़मा ओ, मेन निनाम्‍हाङ्‌आ मोहा प़माय़ङ्‌ओ अ़चुआसिखा ख्रिस्‍त येसु आन्‍हाङ्‌पाएदा अ़लुक्‍निन्‌ओ ह़ङ्‌म़ङ ओ।

रोमि 8:11

येसु म़सुवादाओदाङ्‌का अ़ह़ङ कामुओ अ़चुलावा खानानिन्‌एदा म़याक्‌नालो ख्रिस्‍त येसु म़सुवादाओदाङ्‌का काह़ङ्‌लोन्‌आ खानानिन्‌एदा कायाक खोक्‍कोसोओ अ़चुलावालाम्‍पा स़दाओ आम्‍नुओ पोक्‌छाङ ह़ङ्‌म़ङ अ़प़।

रोमि 8:13

देकिनालो हेवामि मित्‍मावात्‍नि त़ह़ङिन्‌नालो खानानिन त़स़न, मेन सेङ्‌लावालाम्‍पा पोक्‌ओ हेवामि काचिचि त़लुक्‍तुम्‍च़म्‌नालो खानानिन त़ह़ङिन।

रोमि 8:6

हेवामि पोक मित्‍माचिदा मिन्‍मा पाक्‍मानिओ स़मा ओ, मेन सेङ्‌लावादा मिन्‍मा पाक्‍मानिओ ह़ङ्‌म़ङ खोन्‍कि सेवाङ्‌नि ओ।

१ कोरिन्‍थि 15:42

खोन्‌ओसा म़सुवादाओचिओ अ़चुखोन्‍मालोन्‍माछाङ मोवात्‍निङा लि। मो पोक लुक्‍माखात्‍मादा खुम, मो देम्‍खाछाङ अ़लुक्‍निन्‍खात्‍निन्‌ओदा अ़ह़ङ लि।

गलाति 6:7

आप्‍पि मान्‍धान्‍दानिन्‍चिन, निनाम्‍हाङ धान्‍मा अ़ऱन्‍मिन। देकिनालो म़नाआ दि लित्‍तु खोसाआ मोङा कोउ।

१ तिमोथि 1:16

मेन अ़ङ्‌का निनाम्‍हाङ्‌आ सोमाऩतुक्‍ताङ, देकिनालो हेवामिचिदाङ्‌का मुलो लिसाङ्‌किछाङ येसु ख्रिस्‍तओ अ़धिवाङ अ़चुहुङ्‌माआ अ़ङ्‌का अ़मात्‍ऩङ्‌वात्‍नि खाङ्‌मुमा अ़ऱङाने। खोन्‌ओसा निचिआ अ़सिन्‌कि खोक्‍कोएदा मोचिछाङ साकोङ्‌छ़ङ म़मुने खोन्‍कि अ़धुन्‌ओ ह़ङ्‌म़ङ अ़तोक्‍ने।

तितस 3:7

ओवात्‍नि निनाम्‍हाङ्‌ओ अ़चुसोम्‍तुक्‍माआ आन्‍कान खोक्‍कोसोओ अ़चुबुदा अ़नुवाक म़काइसायुङ्‌सा, खोन्‍किना अ़नुछ्‍याङा अ़लुक्‍निन्‌ओ ह़ङ्‌म़ङ तोक्‍तुम निकिना मित्‍चिऩङ कामु पाङ्‌कातोक लिसिन।

याकुब 3:18

कातोङ्‌चिआ सेवाङ्‌निदा अ़वेत, खोन्‍कि मोचिआ साम्‌योक्‍मिओ अ़सिवा अ़कोप।

२ पत्रुस 2:12

मेन ओ म़नाचिआ ऩतुप्‍तुन्‌ओ य़ङ्‌चि म़सुङ्‌तुचि। ओचि अ़चुखारु मात्‍द़ङ्‌ओ सायाम्‍पोक्‌चिवात्‍नि म़मुयाङ, ओचि लाप्‍माकि सेत्‍मा निम्‍पाङ म़लिसाओवा म़मुयाङ। खोन्‍कि ओचिछाङ सायाम्‍पोक्‌चिवाङा म़लुक्‍खात।

२ पत्रुस 2:19

मो सोज्‍जे काचिन्‍पाचिआ म़नाचि “फोङ”नि ना म़हिप्‍तुचि, मेन मोचि आप्‍पिङा अ़अ़त्‍पा च़माथाङ्‌माओ अ़हारुक म़मुयाङ। देकिनालो खाक्‍को य़ङ्‌आ म़ना क़म्‍तु, मो म़ना मोसोओङा अ़हारुक लि।

यहुदा 1:21

खानानिन निनाम्‍हाङ्‌ओ अ़चुसोमातुक्‍मादा नुलोक युङ्‌सानिन्‍चिन, खोन्‍कि अ़लुक्‍निन्‌ओ ह़ङ्‌म़ङ्‌ओ निम्‍पाङ आन्‍हाङ्‌पा येसु ख्रिस्‍तओ सोम्‌योक्‍मा हुङानुम।

खाङ्‌मुमा 22:11

साङ अ़अ़त्‍पा काचि कामु मुयाङ, मो अ़अ़त्‍पा काचिङा मुयुङ्‌ने, खोन्‍कि साङ चिप्‍माकात्‍तुओ काचि मुयाङ, मो चिप्‍माकात्‍तुओ काचिङा मुयुङ्‌ने, साङ अ़नुवाक काचि मुयाङ, मो अ़नुवाक काचिङा मुयुङ्‌ने, खोन्‍कि साङ सेङ्‌याङ मो सेङ्‌युङ्‌ने।”