5 देकिनालो आन्कान झारासाआ आप्पिओ काचि मुमादोत।
देकिनालो म़नाओ अ़छा अ़चुपापाओ अ़चुसाम्दा निनाम्हाङ काफाचिएनान य़, खोन्कि मोन्ग़रि खोसाआ झारा म़नाचिआ अ़मुवाओ अ़चुकाचिवाको सिरिफा म़प़चि।
विउ कालित खोन्कि चाक्वा कापाक्ओ अ़चुमित्चिऩङ अ़क्तात्ङा मु, खोन्कि निनाम्हाङ्आ अ़चुकाचिवा सिरिफा झारा म़प़चि।
खोन्ओसा काइसाओ ग़रिदाङ्का बुया दित्छाङ छ़ङ्मान्छेन्दानिन। हाङ्पा म़तालो हुङानुम। दि कुइयामादा कुमायुङ्सा, खोक्कोसाआ साम्दा म़तारुचि खोन्कि म़नाचिओ अ़चुसाकोङ्वादाओ अ़चुमित्चिऩङ्चि खाङ्म़मुसुचि। मोन्ग़रि झारा म़नाचिआ निनाम्हाङ्एदाङ्का अ़चुचोन्मा अ़तोक।
अ़ङ्का मो कात़ङ्चि सेरुङ्च़ङ। खोन्कि झारा साम्भुङ्चिआ अ़सिन, अ़ङ्का खोङा ओ, झारासोओ अ़चुमिन्माचि खोन्कि अ़चुसाकोङ्वाचि लामुङ्च़ङ, खोन्कि खानानिन झारासा त़मुम्ओ आम्नुओ काचिचिओ सिरिफा अ़ङ्का लानाप़नानिन।
येसु म़य़ङ्याङ “खानुम! अ़ङ्का च़क्निङा ताङाङा! झारा म़नाआ मुओवा प़मा सिरिफा अ़ङ्काएदा युङ्याङ।
