गलाति 5:4 - बान्‍तावा राई

⁴ खानानिन य़ङ्‌हुप्‌लाम्‍पा साम्‌योक्‍मि कान्‍मा त़लामिन्‌येन्‌ओचि, ख्रिस्‍तएदाङ्‌का खानानिन त़लोइसिन्‍खाइसिन्‌युङ्‌सिन्‍चिन। खोन्‍कि खानानिन निनाम्‍हाङ्‌ओ अ़चुसोम्‍तुक्‍मादाङ्‌का त़धान्‍खारिन्‌युङ्‌सिन।

गलाति 5:4 ပူးပေါင်းရင်းမြစ်များ

रोमि 11:6

मेन ओ सोम्‍तुक्‍मालाम्‍पाओ ओ, देम्‍खाछाङ काचिचिओ अ़तुक्‌वाआ माआङ। माङ्‌नालोना सोम्‍तुक्‍मा अ़नुछ्‍याओ सोम्‍तुक्‍माङा अ़लिनिन।

रोमि 3:20

खोन्‌ओसा य़ङ्‌हुप्‌ओ काचिआ खाक्‍को म़नाछाङ खोक्‍कोसोओ अ़चुबुदा साम्‌योक्‍मि अ़कान्‍निन, देकिनालो य़ङ्‌हुप्‌आङा आन्‍कान देम हेवामि मुन्‌येन्‌ओ खाङ्‌म़मु।

गलाति 2:21

निनाम्‍हाङ्‌ओ अ़चुसोम्‍तुक्‍मा अ़ङ्‌का सोज्‍जेनि अ़मित्‍ऩङ, देकिनालो य़ङ्‌हुप्‌लाम्‍पा साम्‌योक्‍मि कान्‌ओदेना ख्रिस्‍त सोज्‍जेङा म़सुवा।

गलाति 5:2

एनानुम, अ़ङ्‌का पावल्‌आ खानानिन लोनाङ्‌नानिन, खानानिन सिप्‍मायाम्‍बुन त़मुन्‍चिन्‌नालो ख्रिस्‍तआ आम्‍नुओ निम्‍पाङ अ़मुवाओ काचि अ़काचि मात्‍द़ङ्‌ओ लि।

हिब्रु 12:15

मिन्‍मा पाक्‍तानुम, खाक्‍कोछाङ म़ना निनाम्‍हाङ्‌ओ अ़चुसोम्‍तुक्‍मा तोक्‍मादाङ्‌का देङ्‌सा अ़लानिन्‍ने। मोवात्‍नि खाक्‍कोछाङ ख़क्‌याङ्‌ओ छ़क्‌ओ अ़ताङ लित्‌किना मोसाआ झारा खान्‌अ़त्‍लो त़मुन खोन्‍कि मोसाआ ब़द्‍धेकापाङ त़पोप्‍तिन।

हिब्रु 4:1

निनाम्‍हाङ्‌ओ अ़चुसावातोम्‍खादा वाङ्‌माओ हिप्‍माय़ङ हान्‍छाङ युङ्‌याङ। खोन्‌ओसा आन्‍कान चाप्‍चेत्‍मान्‍चिन्‍दोत खोन्‍कि खानानिन्‌एदाङ्‌का साङ्‌छाङ मो हिप्‍माय़ङ सावातोम्‍खादा मान्‍तालामादामादा त़छुक्‍तिमिन्‍ने।

खाङ्‌मुमा 2:5

खोन्‌ओसा निनाम्‍हाङ्‌ओ अ़चुखाङ्‌मादाङ्‌का खाना त़धाखाराओ, मो मित्‍तु, खोन्‍कि अ़ङ्‌काएदा लासाता, खोन्‍कि खाना बुया त़मुङुओ काचिचि मुचि। खाना अ़ङ्‌काएदा त़लानान्‍तानान्‌नालो अ़ङ्‌का खानाएदा ताङाकि आम्‍कुपियुङ्‌खा मोसोओ अ़युङ्‌खादाङ्‌का चुमुङ।