गलाति 5:10 - बान्‍तावा राई

¹⁰ अ़ङ्‌का हाङ्‌पाएदा सोम्‍कुवा मुङाङा, खानानिन सोज्‍जेओ चिन्‍माय़ङ त़त़ङ्‌तिमिन। खानानिन दुखा काप़ साङ्‌आनुछाङ दन्‍दा आङ्‌मादोत।

गलाति 5:10 ပူးပေါင်းရင်းမြစ်များ

छाम्‍माय़ङ 15:24

आन्‍कान्‍का एनुम्‌युङ्‌सुम्‍का, आन्‍कान्‍काएदाओ खा-खाक्‍कोचि खानानिन्‌एदा म़बानाकि दुखा अ़चुचिन्‍माय़ङ्‍आ आम्‍नुओ मिन्‍मा चाअ़त्‍सालो ऩमेत्‍तिन्‍प़न्‌नि। मेन मोचि आन्‍कान्‍का मोवात्‍नि लोमेत्‍तुम्‍च़म्‍काओ माआङ।

१ कोरिन्‍थि 5:5

मो म़ना सैतानाओ अ़छुक्‌दा पाक्‍तानुम, ओवात्‍नि मोसोओ अ़पोक लुक्‍ने खोन्‍कि हाङ्‌पाओ अ़चुछ़ङ्‌छेन्‍मा लेन्‌दा मोसोओ अ़लावा लेत्‍ने।

२ कोरिन्‍थि 1:15

ओ य़ङ्‌दा अ़ङ्‌का अ़छ़ङ मुङाङाओसा, खानानिन ह्‍वास़रो आसिखा त़तोक्‍तुम्‍ने निकिना खानानिन्‌एदा बुया बान्‍मानि अ़ङ्‌का मिनाङ।

२ कोरिन्‍थि 10:2

खानानिन्‌एदा अ़ङ्‌का ताङाहिदा आन्‍कान्‍का हेन्‍खामादाओ च़माथाङ्‌माआ काचि मुन्‍कानि काय़ङ्‌चिएदा अ़ङ्‌का छाक्‍लो लिमा मित्‍चिऩङ मुङा। अ़ङ्‌का खानानिन लोनानिन, अ़ङ्‌का ताङाहिदा मोवात्‍नि खानानिन चात्‍लो रेन्‍मा अ़दोत्‍निन्‍ने।

२ कोरिन्‍थि 10:6

खाउग़रि आम्‍नुओ लोमाय़ङ त़तासुम्‍लाम, मोन्‍ग़रि झारा लोमावा मान्‍च़कादाचि दन्‍दा प़सि आन्‍कान्‍का चुम्‍सिन्‍चिन्‍का।

२ कोरिन्‍थि 13:10

खोन्‌ओसा, खानानिन्‌एदाङ्‌का अ़थाया युङ्‌ङाङाहिदा अ़ङ्‌का ओ छाप्‍तुङ्‌योङ, मोवात्‍नि खानानिन्‌एदा लाङाताङाहिदा हाङ्‌पाआ अ़ङ्‌का ऩपुवाङ्‌ओ पाङ चाअ़त्‍लो अ़ङ्‌का याङ्‌मा अ़दोत्‍निन्‍ने। ओ पाङ खोक्‍कोसाआ अ़ङ्‌का खानानिन काऱ मुमा निम्‍पाङ ऩपुवाङ ओ, भुङ्‌माखान्‍माओ निम्‍पाङ माआङ।

२ कोरिन्‍थि 2:3

मेन अ़ङ्‌का दिसु य़ङ छाप्‍तुङ, मो ओ मिन्‍माआ छाप्‍तुङ, अ़ङ्‌का बान्‍ङाहिदा साङ्‌चिलाम्‍पा अ़ङ्‌का सेवाङ्‌नि लिमा दोराङा, मोचिलाम्‍पा अ़ङ्‌राक अ़स़निन्‍ने। देकिनालो अ़ङ्‌सेवाङ्‌नि खानानिन झारासोओ सेवाङ्‌नि लि निकिना खानानिन झाराएदा अ़ङ्‌सोम्‍कुवा याआङा।

२ कोरिन्‍थि 2:6

ब़द्‍धेसाआ खो फित्‍चि अ़मुवा, खोन्‍कि मोङा दन्‍दाओ निम्‍पाङ थात्‍तुलो लिसायुङ्‌सा।

२ कोरिन्‍थि 5:16

खोन्‌ओसा हान्‌दाङ्‌का आन्‍कान्‍का साङ्‌आछाङ म़नाओ अ़मिन्‍मावा अ़खान्‍मिन्‍का। आन्‍कान्‍का ख्रिस्‍त अ़क्‍दु म़नाओ अ़मिन्‍माआ खाम्‍का ओ, हान्‌दाङ्‌का ओवात्‍नि अ़खान्‍मिन्‍का।

२ कोरिन्‍थि 7:16

अ़ङ्‌को अ़ङ्‌ऩङानु, देकिनालो खानानिन्‌एदा झारा अ़ङ्‌सोम्‍कुवा याक्‌याङ।

२ कोरिन्‍थि 8:22

मोचिएनान आन्‍काओ निछा बाइसुम्‌योम्‍का, खो आन्‍कान्‍का ब़द्‍धेकादु चिन्‍तुम्‍खोम्‍का, खोन्‍कि ब़द्‍धे य़ङ्‌चिदा अ़राक्‌एनान्‌ओ आन्‍कान्‍का खो धिरुम्‌युङ्‌सुम्‍का। खानानिन्‌एदाओ अ़धिवा अ़सोम्‍कुवाआ खो च़लोक राक्‌एनान्‌ओ लिसायुङ्‌सा।

गलाति 1:7

अ़नुछ्‍याङा नि नुय़ङ्‌खान खाक्‍कोछाङ मात्‍द़ङ, मेन खा-खाक्‍को म़नाचिआ खानानिन ऩथेम्‍सिन्‍खाइसिन्‌येन खोन्‍कि मोचिआ ख्रिस्‍तओ अ़चुनुय़ङ्‌खान अ़हुखान्‌याङ।

गलाति 2:4

देम्‌कापाङ सोज्‍जेओ साकोङ्‌छ़ङ कामुचिएदाङ्‌का सिप्‍मायाम्‍बुन्‌ओ अ़तुक्‌वादा खा-खाक्‍कोचिआ ओ य़ङ अ़लोइसा। मोचि आन्‍रुहुप्‌दा मान्‍सिन्‍माङ म़वाङाकि आन्‍कान हारुक मुमा निम्‍पाङ ख्रिस्‍तएदाओ आन्‍फोङ्‌माय़ङ्‌दा म़सुक्‍ताखा।

गलाति 2:6

खा-खाक्‍को अ़चुऩङ्‌ऱङाओ तोक्‍पो बुसुवाचिनि म़लोवाङाओ म़नाचि म़युङाङानुछाङ ओसाआ अ़ङ्‌का देत्‍छाङ अ़सिन्‍ऩङ। निनाम्‍हाङ्‌आ म़नाओ अ़ङाइवा अ़खाङ्‌कि छ़ङ ऩछेन्‍निन। अ़ङ्‌का य़ङ्‌ङा, मोचिआ अ़ङ्‌य़ङ्‌खान्‌दा दित्‍छाङ मान्‍तेप्‌अ़दा।

गलाति 3:1

खामान्‍सिन गलातिचि ओ! साङ्‌आ खानानिन ऩधान्‍तिन? आम्‍नुओ म़क्‌ओ अ़बुदाङा येसु ख्रिस्‍त क्रुस्‌दा म़ख़न्‍ताओ छेङ्‌छेङ्‌छेङ्‌वा खालुसाओ।

गलाति 4:11

आम्‍नुओ निम्‍पाङ अ़ङ्‌का मुङ्‌ओ अ़ङ्‌काचि सोज्‍जे लिसा निकिना अ़ङ्‌का अ़ङ्‌क़मा कात्‌याङ।

गलाति 4:17

खानानिन्‌एदा मो म़नाचिआ अ़न्‍नुनु राक खाङ्‌अ़मु, अ़नुवाक मिन्‍माआ माआङ। खानानिन च़लोक आम्‍नुओ राक्‌एनान मोचि त़लोउम्‍च़म्‍ने निकिना मोचिआ आन्‍कान्‍काएदाङ्‌का फेक्‍मा ऩलाप्‍तिन।

गलाति 4:20

ओन्‍ग़रि खानानिन्‌एनान अ़क्‍नि युङ्‌ङाकि खानानिन्‌एनान अ़ङ्‌चेप्‍मा फान्‍मा ऱङ्‌दे देम अ़नुवाक लिसाओ, देकिनालो आम्‍नुओ तुक्‌वादा अ़ङ्‌का हाक्‍हाक्‍किरा लिसाङ्‌युङ्‌साङ।

गलाति 5:12

खानानिन काफोम्‌चिआ ना अ़चुयाम्‌ङे अ़सिप्‌नुछाङ नुओ।

गलाति 5:7

खानानिन नुलोक त़लोरिन्‌येन्‌ओ, साङ्‌आ खानानिन अ़छ़ङ लोमाय़ङ मुमादाङ्‌का ऩछेक्‍तिन?

गलाति 6:17

हान्‌दाङ्‌का साङ्‌आछाङ अ़ङ्‌का दुखा ऩप़ऩङ्‌ने, देकिनालो अ़ङ्‌पोक्‌दा येसुओ अ़चुथुपिचि अ़ङ्‌का खुयुङ्‌योङ्‌च़ङ।

फिलिप्‍पि 3:15

आन्‍कान लावामिदा पोयिन्‌ओचि झारा ओवाको मिन्‍माओ मुन्‍ने। मेन खानानिन दि-दिसु य़ङ्‌दा नि मिन्‍माओ त़मुन्‌येन्‌नालो निनाम्‍हाङ्‌आ खानानिन मोछाङ नुलोक तुप्‍मा ऩप़न।

२ थेसलोनिकि 3:4

आन्‍कान्‍का लोनिओवा खानानिन त़च़न्‌युङ्‌सिन्‌येन, खोन्‍कि त़च़न्‌युङ्‌सिन निकिना आम्‍नुओ तुक्‌वादा आन्‍कान्‍का हाङ्‌पाएदा सोम्‍कुवा मुन्‍का।

१ तिमोथि 1:20

मोचिएदाओ हुमेनियस खोन्‍कि अलेक्‍जेन्‍दर ओ। मोचिआ निनाम्‍हाङ रुमान्‍फोक्‍दामा चिन्‍चिचिन्‍ने निम्‍पाङ अ़ङ्‌का मोचि सैतानाओ अ़छुक्‌दा पाक्‍तुङ्‌प़ङ्‌युङ्‌सुङ्‌च़ङ।

फिलेमोन 1:21

अ़ङ्‌का लोनिओ खाना त़मेत्‍निप़नि खोन्‍कि हान च़लोक्‌छाङ त़मेत्‍निप़निनि सोम्‍कुवा मुयाङ्‌सा ओ छाप्‍लावा छाप्‍तुङ्‌योङ।