गलाति 4:5 - बान्‍तावा राई

⁵ य़ङ्‌हुप्‌ओ अ़पाङ्‌दा कायुङ्‌चिओ अ़चुलुङ छोन्‍माकि लेन्‍माचि निकिना खोक्‍को अ़य़सा, खोन्‌ओसा आन्‍कान अ़चुछाचि लिमा ऱन्‍ने।

गलाति 4:5 ပူးပေါင်းရင်းမြစ်များ

मत्‍ति 20:28

मोवात्‍निङा म़नाओ अ़छाछाङ ब़त्‍लुसि माआङ, मेन ब़त्‍सि, खोन्‍कि ब़द्‍धेकापाङ फोङ्‌माओ अ़लुङ छोन्‍सि निकिना अ़ह़ङ्‌म़ङ प़सि ताओ।”

लुका 1:68

“इस्राएलिचिओ अ़चुहाङ्‌पा निनाम्‍हाङ्‌ओ अ़चुऩङ लोङ्‌ने। देकिनालो खोक्‍को म़य़कि अ़चुम़नाचि म़लेइसुचि।

युहन्‍ना 1:12

मेन देम्‍पाङ्‌साआ खोक्‍को अ़लोआ, खोन्‍कि खोक्‍कोएदा साकोङ्‌छ़ङ म़मुवा, खोक्‍कोसाआ मोचि निनाम्‍हाङ्‌ओ अ़चुछाचि लिमा पाङ म़प़चि।

छाम्‍माय़ङ 20:28

खानानिन आम्‍नुओ निम्‍पाङ खोन्‍कि सेङ्‌लावाआ खाङ्‌मा ऩप़न्‌ओ साम्‍भुङ्‌दाओ झारा साकोङ्‌छ़ङ कामुचिओ निम्‍पाङ चाप्‍चेत्‍तानिन्‍चिन। निनाम्‍हाङ्‌आ येसुओ अ़चुह़लाम्‍पा म़खिरुचिओ साम्‍भुङ काखाङ्‌चि लिसानिन।

रोमि 10:4

देकिनालो झारा साकोङ्‌छ़ङ कामु साम्‌योक्‍मि म़कान्‍ने निकिना ख्रिस्‍तआ य़ङ्‌हुप अ़तासाला।

रोमि 8:14

झारा साङ निनाम्‍हाङ्‌ओ अ़चुलावाआ म़तित्‍तुचि, मोचि निनाम्‍हाङ्‌ओ अ़चुछाचि ओ।

रोमि 8:15

देकिनालो किन्‍माकि हारुक मुमा लावा खानानिन्‌आ मान्‍तोक्‍त़युक्‍तुम, मेन तात्‍मा छा लिमाओ निम्‍पाङ निनाम्‍हाङ्‌ओ अ़चुलावा त़तोक्‍तुम्‌युङ्‌सुम। खोन्‌ओसा निनाम्‍हाङ लावालाम्‍पा आन्‍कान निनाम्‍हाङ “अब्‍बा! आपो!”नि बुत्‍तुम।

रोमि 8:19

अ़नुछ्‍याओ निनाम्‍हाङ्‌ओ अ़चुछाचि साङ्‌चिओ निकिना खाङ्‌मुमा झारा मुन्‍माय़ङ्‌आ राक्‌एनान तायाङ्‍ओ लेन हुङुङु।

रोमि 8:23

खोन्‍कि मुन्‍माय़ङ्‌आ ओन्‍ङा माआङ, मेन आन्‍कान आप्‍पि साङ्‍एदा सेङ्‌लावाओ बुयाओ अ़सिवा याक्‌याङ, तात्‍माछावात्‍नि लोक्‍लुमा खोन्‍कि आन्‍पोक लेन्‍माओ निम्‍पाङ राक्‌एनान हुङ्‌याङ्‌सा आन्‍कान आप्‍पिछाङ आन्‍कोङ्‌हुत्‌या ह़त्‍पा लुन्‌येन।

रोमि 9:4

मोचि इस्राएलिचि ओ, खोन्‍कि मोचि निनाम्‍हाङ्‌आ म़छेन्‍तुचिओ अ़चुतात्‍मा छाचि ओ। निनाम्‍हाङ्‌आ मोचि खोक्‍कोसोओ अ़चुसाम खाङ्‌म़मेत्‍तुचि। खोक्‍कोसाआ मोचि अ़छ़ङ म़हिप्‍तुचि, खोन्‍कि य़ङ्‌हुप म़प़चि। खोक्‍कोसाआ खोक्‍को ब़क्‍मा खोन्‍कि हिप्‍माय़ङ्‌चि तोक्‍माओ अ़वाखाम म़प़चि।

गलाति 3:13

आन्‍को निम्‍पाङ माङ्‌हिम म़लिसाकि य़ङ्‌हुप्‌आ तारुओ माङ्‌हिम्‌दाङ्‌का ख्रिस्‍तआ आन्‍कान म़लेइसा, देकिनालो “स़ङ्‌दा क़ङ्‌माय़ङ झारा माङ्‌हिम लि”नि छाप्‌याङ।

गलाति 3:26

देकिनालो साकोङ्‌छ़ङ्‌लाम्‍पा खानानिन झारा येसु ख्रिस्‍तएदा निनाम्‍हाङ्‌ओ अ़चुछाचि ओ।

गलाति 4:21

खानानिन य़ङ्‌हुप्‌ओ अ़क़म्‍मादा युङ्‌मा कालाम्‌आ, अ़ङ्‌का लोवाङ्‌ऩङ, य़ङ्‌हुप दे य़ङ दि खानानिन त़सिन्‍तिमिन्‌येन?

गलाति 4:7

खोन्‌ओसा खानानिन हान्‌दाङ्‌का हारुक्‌चि माआङ, मेन खोक्‍कोसोओ अ़चुछाचि ओ, खोन्‍कि अ़चुछाचिओनालो खानानिन पाङ्‌कातोक्‌चिछाङ ओ।

एफिसि 1:5

निनाम्‍हाङ्‌ओ अ़चुमिन्‍माओ मित्‍चिऩङ्‌वात्‍नि खोक्‍कोसाआ आन्‍कान ख्रिस्‍त येसुलाम्‍पा आन्‍कान अ़चुछाचि लिमा निम्‍पाङ बुयाङा अ़छ़ङ अ़मुवा।

एफिसि 1:7

निनाम्‍हाङ्‌ओ अ़न्‍नुनु अ़चुसोम्‍तुक्‍माआ ख्रिस्‍तओ अ़चुहेन्‍खोक्‌वालाम्‍पा खोक्‍कोसाआ म़फोङ्‌सा खोन्‍कि आन्‍हेवाचि म़लेत्‍ता।

एफिसि 5:2

देत्‍नि ख्रिस्‍तआ आन्‍कान सोमाम़तुक्‍ता खोन्‍कि निनाम्‍हाङ्‌ओ निम्‍पाङ नाम्‍नुयाङ्‌ओ छुक्‍दाम खोन्‍कि हेन्‍खोक्‌वावात्‍नि म़लिसाकि खोक्‍को आप्‍पि आन्‍को निम्‍पाङ म़सुवा, मोवात्‍नि खानानिन्‌छाङ सोमातुक मुवानिन।

तितस 2:14

झाराकापाराओ आन्‍हेवादाङ्‌का आन्‍कान फोङ्‌सि, आन्‍कान सेङ्‌सि, खोन्‍कि अ़नुवाक काचि मुमा कास़ आप्‍पिओ अ़चुम़ना मुसि येसु ख्रिस्‍तआ आन्‍को निकि अ़चुह़ङ्‌म़ङ म़पुवा।

हिब्रु 1:3

येसुङा निनाम्‍हाङ्‌ओ अ़चुसाम्‌ओ अ़लेत्‍माओ, खोन्‍कि निनाम्‍हाङ देत्‍नि म़मुयाङ येसुछाङ मोवात्‍निङा म़मुयाङ। झारा हेन्‍खामा आप्‍पि अ़चुसावापोरिओ य़ङ्‌आ अ़क़क्‌याङ। आन्‍हेवाचि येसुआ वाअ़सुवाचिआकि साम्‍स़रिओ निनाम्‍हाङ्‌ओ अ़चुचुप्‍ताङ्‌छुक्‌लिप्‍पा निनाम्‍मादु खोक्‍को म़युङा।

हिब्रु 9:12

मेनेत्‍पा माङ्‌लो बोयोङ्‌ओ अ़ह़आ माआङ, मेन आप्‍पिओ अ़चुह़आ आन्‍कान अ़धुन्‌ओ निम्‍पाङ लेइसि अ़क्‍धुवा तोक्‍पो सेङ्‌याङ्‌ओ खोप्‌हुत्‌दा खोक्‍को म़वाङा।

हिब्रु 9:15

खोन्‌ओसा खोक्‍को निनाम्‍हाङ खोन्‍कि म़नाओ अ़चुरादाओ अ़ऩङ्‌वा य़ङ्‌छ़ङ कातुम म़मुयाङ। मोवात्‍नि म़बुत्‍तुचिओचिआ निनाम्‍हाङ्‌आ म़हिप्‍तुचिओ अ़धुन्‌ओ आसिखाचि तोक्‍मा अ़ऱ। देकिनालो बुयाओ य़ङ्‌छ़ङ्‌दा मोचिआ अ़फिसाओ हेवाओ दन्‍दादाङ्‌का फोङ्‌सि येसु म़सुवाचिआयुङ्‌सा।

१ पत्रुस 3:18

देकिनालो ख्रिस्‍त्‌छाङ आन्‍कान निनाम्‍हाङ्‌एदा तात्‍मा निम्‍पाङ साम्‌योक्‍मि म़ना मान्‍साम्‌योक्‍मिचिओ निकि खोक्‍को अ़धुन्‌ओ निम्‍पाङ हेवामिचिओ अ़चुफान्‌दा अ़क्‍दु म़सुवा। खोक्‍को पोक्‌दा म़सुवा, मेन लावादा म़खोन्‍तालोन्‍ता।

खाङ्‌मुमा 14:3

हाङ्‌युङ्‌खाओ खोन्‍कि चारकातात अ़ह़ङ साक्‍स़ङ्‌चिओ, खोन्‍कि साम्‌योक ताङ्‌पाचिओ अ़चुबुदा मोचिआ अ़क्‌तात अ़ऩङ्‌वा छाम अ़लुवाङा। हेन्‍खामादाङ्‌का अलुङ छोराकि लेन्‍माय़ङ्‌चि अ़क्‌लाखा चवालिसा हजारादाङ्‌का नि साङ्‌आछाङ मो छाम खेङ्‌मा मान्‍ऱअ़दाङा।

खाङ्‌मुमा 5:9

मोचिआ अ़क्‌तात अ़ऩङ्‌वा छाम अ़लुवा। “खानानिन ओ छाप्‍लाखाओ अ़भोङ कालोक खोन्‍कि मोसोओ अ़सेप्‍खाचि फोङ्‌मा त़खान्‍तिन्‌ओ त़मुन्‌येन। देकिनालो खानानिन ऩसेरिन, खोन्‍कि आम्‍नुओ स़मा हेन्‍खोक्‌वाआ खानानिन निनाम्‍हाङ्‌ओ निम्‍पाङ झारा भुङ्‌चि, य़ङ्‌चि, म़नाचि खोन्‍कि रावाचि त़खिरुम्‍च़म।