गलाति 3:14 - बान्‍तावा राई

¹⁴ खोक्‍कोसाआ आन्‍को आन्‍लुङ अ़छोराकि म़लेइसा, खोन्‌ओसा अब्राहाम प़माय़ङ आसिखा ख्रिस्‍त येसुलाम्‍पा निरावाचिएदा ताने, मोवात्‍नि आन्‍कान सोम्‍कुवालाम्‍पा हिप्‍माय़ङ्‌ओ सेङ्‌लावा तोक्‍मा ऱम्‍ने।

गलाति 3:14 ပူးပေါင်းရင်းမြစ်များ

लुका 11:13

मोवात्‍नि खानानिन अ़अ़त्‍पा त़मुन्‌येन्‌नुछाङ आम्‍नुओ छाचि अ़नुवाक सामाचि प़मा त़लेसिन्‌येन्‌नालो आम्‍नुओ निनाम्‍मादुओ पापाआ खोक्‍कोएदा कादोत्‍चि देम च़लोक सेङ्‌लावा म़प़चि!”

लुका 24:49

अ़ङ्‌पापा निनाम्‍हाङ्‌आ य़सुङ निकिना ऩहिप्‍तिन्‌ओ, अ़ङ्‌का खानानिन्‌एदा मो य़सुङ। मेन धानाङ्‌का सावा मान्‍तोक्‍त़युक्‍तुम्‌तारि खानानिन ओ यरुसलेम्‌दाङा युङायुङ्‌सानिन।”

युहन्‍ना 7:39

ओ य़ङ खोक्‍कोसाआ सेङ्‌लावाओ अ़चुतुक्‌वादा म़य़ङाओ। मो सेङ्‌लावा खोक्‍कोएदा साकोङ्‌छ़ङ म़मुवाओचिआ तोक्‍मा अ़मुवाङा। सेङ्‌लावा ओन्‍ग़रितारि मान्‍प़म़युक्‍तुचि, देकिनालो निनाम्‍हाङ्‌आ येसु झारा साऩङ्‌वा मान्‍प़अ़युक्‍ता।

छाम्‍माय़ङ 2:33

खोन्‌ओसा निनाम्‍हाङ्‌आ येसु अ़झोइसाकि तोक्‍पो अ़मुवा, खोन्‍कि निनाम्‍हाङ्‌आ अ़हिप्‍ताओ सेङ्‌लावा येसु अ़पुवा, खोन्‍किना येसुआ आन्‍कान सेङ्‌लावा च़लोक म़पुवायुङ्‌सा। मो खानानिन ओन्‍ग़रि त़खाम्‌योम खोन्‍कि त़एनुम्‌योम।

छाम्‍माय़ङ 4:12

खोन्‍कि येसुएदाङ्‌का नि साङ्‌आछाङ लेन्‍मा म़ऱनिन, देकिनालो ओ झारा हेन्‍खामादा आन्‍कान हेवादाङ्‌का लेन्‍मा निम्‍पाङ निनाम्‍हाङ्‌आ येसुओ अ़ऩङ ओन्‍ङा म़पुवायुङ्‌सा।”

छाम्‍माय़ङ 5:32

आन्‍कान्‍का ओ य़ङ्‌चिओ अ़सालुम्‍स़ङ युङिन्‌येन्‍का, खोन्‍कि सेङ्‌लावाछाङ ओ य़ङ्‌चिओ अ़सालुम्‍स़ङ म़युङ्‌याङ। खोन्‍कि निनाम्‍हाङ्‌आ लोचिवा काच़चि सेङ्‌लावा म़प़युङ्‌सुचि।”

१ कोरिन्‍थि 12:13

अ़क्‌तात सेङ्‌लावालाम्‍पाङा आन्‍कान झारासा अ़क्‌तात पोक्‌दा बप्‍तिस्‍मा तोक्‍तुम्‌युङ्‌सुम, यहुदि माङ्‌लो ग्रिक, हारुक माङ्‌लो फोङ्‌माय़ङ, आन्‍कान झारा अ़क्‌तात सेङ्‌लावा म़पाक्‍तापुवायुङ्‌सा।

२ कोरिन्‍थि 1:22

खोक्‍कोसाआ आन्‍कान्‌एदा अ़चुसेप्‍मा म़पाक्‍तायुङ्‌सा, खोन्‍कि आन्‍साकोङ्‌वादा चिनोयाङ्‌वात्‍नि खोक्‍कोसोओ अ़चुलावा म़पुवायुङ्‌सा।

गलाति 3:16

निनाम्‍हाङ्‌आ अब्राहाम खोन्‍कि अ़छाओ निम्‍पाङ हिप्‍माय़ङ्‌चि म़प़चिओ। साम्‍कालिन्‌आ “आम्‍छाचि”नि अ़य़ङ्‌निन, ओसाआ ना ब़द्‍धे म़नाचि खाङ्‌मुसुचि, मेन साम्‍कालिन्‌आ “आम्‍छा”नि य़ङ, ओसाआ अ़क्‍छा म़ना ओन्‍ङा खाङ्‌मुसु, खोक्‍को ख्रिस्‍त ओ।

गलाति 3:2

ओ ओन्‍ङा अ़ङ्‌का खानानिन सेन्‍मा स़ङाङा, खानानिन्‌आ सेङ्‌लावा य़ङ्‌हुप्‌ओ काचिलाम्‍पा त़तोक्‍तुम हे त़एनुम्‌ओ य़ङ्‌दा साकोङ्‌छ़ङ त़मुन कि?

गलाति 4:6

खानानिन निनाम्‍हाङ्‌ओ अ़चुछाचि त़लिसिन्‌ओसा, निनाम्‍हाङ्‌आ अ़चुछाओ अ़चुलावा आन्‍साकोङ्‌वादा म़पाक्‍तापुवा, मो लावाआ “अब्‍बा, आपो!”नि य़ङ्‌सा अ़बुत।

एफिसि 2:18

देकिनालो ख्रिस्‍तलाम्‍पाङा आन्‍कान झारा यहुदि खोन्‍कि निरावा अ़क्‌तात सेङ्‌लावालाम्‍पा आन्‍निनाम्‍हाङ पापाएदा तामालामा ऱन।

एफिसि 2:22

खोन्‍किना सेङ्‌लावादा निनाम्‍हाङ्‌ओ अ़चुयुङ्‌खा लिसि खानानिन्‌छाङ खोक्‍कोएदा अ़क्‍नि त़लिसिन्‌येन।

एफिसि 3:16

अ़ङ्‌का यामात्‍ङा, निनाम्‍हाङ्‌ओ अ़न्‍नुनु तोक्‍पो सायाआ अ़चुलावाओ सावालाम्‍पा आम्‍नुओ कोङ्‌हुत्‌दा त़छोसिन्‍लो ऩमुन्‍ने।

एफिसि 4:30

खोन्‍कि निनाम्‍हाङ्‌ओ अ़चुसेङ्‌लावा दुखा मान्‍प़दानुम, खोक्‍कोएदा लेन्‍माय़ङ लेन्‌ओ निम्‍पाङ खानानिन ऩसेप्‍तिन्‌युङ्‌सिन।

१ पत्रुस 1:22

हान खानानिन अ़छ़ङ य़ङ्‌दा लोमाय़ङ्‌वा त़च़न्‌किना आम्‍नुओ मिन्‍मा त़सेङ्‌सुम्‌ओसा आम्‍नुओ साकोङ्‌छ़ङ कामु यावाचि सोमातुक्‍तानुम्‍च़म। अ़क्‍छा निएदा साकोङ्‌वादाङ्‌का राक्‌एनान सोम्‍तुक्‍मुवानिन।

१ पत्रुस 3:9

अ़त्‍लोओ अ़फान्‌दा अ़त्‍लो मान्‍च़दानिन, माङ्‌लो रुफोक्‍माओ अ़फान्‌दा रुमान्‍फोक्‍दानिन, मेन मोसोओ अ़फान्‌दा आसिखा पुवानुम्‍च़म। देकिनालो ओसोओ निम्‍पाङ निनाम्‍हाङ्‌आ खानानिन ऩबुत्‍तिन्‌ओ, खोन्‌ओसा आसिखा तोक्‍तानुम।