गलाति 3:10 - बान्‍तावा राई

¹⁰ य़ङ्‌हुप्‌दा सोम्‍कुवा कामु झारा माङ्‌म़हिम, देकिनालो साम्‍कालिन्‌दा ओवात्‍नि छाप्‍तायुङ्‌सा, “य़ङ्‌हुप छाप्‍लाखादा छाप्‍ताओ झारा य़ङ्‌चिदा मान्‌युङ्‌कादा खोन्‍कि मो मान्‍मुकादाचि झारा माङ्‌म़हिम।”

गलाति 3:10 ပူးပေါင်းရင်းမြစ်များ

मत्‍ति 25:41

खोन्‍किना खोक्‍कोसाआ अ़चुओ बेङ्‌साङ्‌लिप्‍पाओ म़नाचि म़लोचि, ‘माङ्‌हिम्‍माय़ङ म़नाचि ओ! अ़ङ्‌काएदाङ्‌का माङ्‌सानिन। सैताना खोन्‍कि मोसोओ अ़काफाचिओ निम्‍पाङ चुम्‍सायुङ्‌साओ अ़लुक्‍निन्‌ओ मिदा खारानिन।

रोमि 4:15

देकिनालो म़ना य़ङ्‌हुप्‌वा च़मा अ़ऱनिन खोन्‌ओसा निनाम्‍हाङ्‌ओ अ़चुमाइसुङ ता। मेन य़ङ्‌हुप्‍ङा मात्‍द़ङ्‌नालो ना य़ङ्‌हुप फियाङ्‌सा हेवा मुमा काचिछाङ मान्‍लिओ।

रोमि 6:23

देकिनालो हेवाओ अ़लुङ स़मा ओ, मेन निनाम्‍हाङ्‌आ मोहा प़माय़ङ्‌ओ अ़चुआसिखा ख्रिस्‍त येसु आन्‍हाङ्‌पाएदा अ़लुक्‍निन्‌ओ ह़ङ्‌म़ङ ओ।

रोमि 8:7

साङ्‌आ हेवामि मित्‍माचिदा अ़मिन्‍मा पाउ, मो निनाम्‍हाङ्‌ओ अ़चुङेङ लि। मो देम्‍खाछाङ निनाम्‍हाङ्‌ओ अ़चुय़ङ्‌हुप्‌दा अ़प़नान्‍लाप्‍नान्‍चिमिन, खोन्‍कि अ़नुछ्‍याङा लिमा अ़ऱनिन।

२ कोरिन्‍थि 3:7

लुङ्‌ओ छाप्‍खाचिदा छाप्‍तुओ मो य़ङ्‌हुप ओवात्‍नि साम लिसा ताकिना मो साम्‌आ निनाम्‍हाङ्‌य़ङ खाकालु मोसाओ अ़ङाइवा लेराङाओसा इस्राएलिचिआ खाङ्‌मा मान्‍ऱअ़दा। खोन्‍नुछाङ मो साम माखात्‌याङ्‌सा खाराङा। स़मा कातात य़ङ्‌हुप्‌नुछाङ ओवाको साम लिसा तानालो ना,

गलाति 2:16

खोन्‍नुछाङ आन्‍कान सिन्‍तुम्‌योम, य़ङ्‌हुप्‌ओ काचिलाम्‍पा म़ना साम्‌योक्‍मि अ़कान्‍निन, मेन येसु ख्रिस्‍तएदाओ साकोङ्‌छ़ङ्‌लाम्‍पा साम्‌योक्‍मि कान। खोन्‌ओसा आन्‍कान्‌छाङ आन्‍साकोङ्‌छ़ङ ख्रिस्‍त येसुएदा युङ्‌सुम, मोवात्‍नि आन्‍कान य़ङ्‌हुप्‌ओ काचिलाम्‍पा माआङ, मेन येसु ख्रिस्‍तएदाओ साकोङ्‌छ़ङ्‌लाम्‍पा साम्‌योक्‍मि कान्‍मा ऱन्‍चिन्‍ने। देकिनालो य़ङ्‌हुप्‌ओ काचिलाम्‍पा साङ्‌छाङ साम्‌योक्‍मि अ़कान्‍निन।