गलाति 2:8 - बान्‍तावा राई

⁸ देकिनालो देत्‍नि निनाम्‍हाङ पत्रुस्‌ओ अ़छाम्‍माय़ङ अ़काचिदा यहुदिचिओ अ़चुरादा काचि म़मुवा, मोवात्‍निङा अ़ङ्‌छाम्‍माय़ङ काचिदाछाङ निरावाचिओ अ़चुरादा निनाम्‍हाङ काचि म़मुवा।

गलाति 2:8 ပူးပေါင်းရင်းမြစ်များ

छाम्‍माय़ङ 1:25

खोन्‍कि खोसाआ यहुदाओ अ़फान्‌दा छाम्‍माय़ङ काचि मुमा ऱने, देकिनालो यहुदाआ अ़छिरिन्‍दान्‍काकि खादा खात्‍मा खान्‍तुओ खोदाङा खारायुङ्‌सा।”

छाम्‍माय़ङ 1:8

मेन सेङ्‌लावा खानानिन्‌एदा म़य़कि खानानिन सावा त़तोक्‍तुम, खोन्‍किना खानानिन यरुसलेम्‌दा खोन्‍कि झारा यहुदियादा खोन्‍कि सामरियादाकिना झारा हेन्‍खामादाओ म़नाचि अ़ङ्‌तुक्‌वादा खात़एत्‍तुम्‍च़म।”

छाम्‍माय़ङ 15:12

खोन्‍किना म़कोवान्‍चिन्‌ओ झारा म़नाचि वाइवेत म़युङा, खोन्‍कि निरावाचिओ अ़चुरादा खोचिलाम्‍पा बुन्‌चि खोन्‍कि म़दोम्‍दाओ काचिचि निनाम्‍हाङ्‌आ अ़मुवाओ अ़तुक्‌वादा बारनाबास खोन्‍कि पावल्‌आ खाअ़लुसाचुओ खोचिआ अ़एना।

छाम्‍माय़ङ 19:26

मेन खानानिन त़खाम्‌योम खोन्‍कि त़एनुम्‌योम्‌ङा, ओ एफिसस्‌दा ओन्‍ङा लिसाओ माआङ, मेन झारा एसिया धिखाहुप्‌दा छुक्‌आ मुमाय़ङ माङ्‌चि माङ्‌चिङा माआङ्‌ओनि य़ङ्‌याङ्‌सा पावल्‌आ ब़द्‍धे म़ना रुहुप्‌चि सोन्‍तुखात्‍तुङुचि।

छाम्‍माय़ङ 21:19

पावल्‌आ मोचि सेवा मेत्‍तुचिकि खोसोओ अ़काचिलाम्‍पा निनाम्‍हाङ्‌आ निरावाचिओ अ़चुरादा अ़मुवाओ झारा काचिचि अ़सिसिपेन खाएत्‍तुचि।

छाम्‍माय़ङ 22:21

खोन्‍किना हाङ्‌पाआ अ़ङ्‌का ऩलोवाङ, ‘खारा, देकिनालो अ़ङ्‌का खाना अ़थायातारि अ़ङ्‌तुक्‌वादा निरावाचिएदा अ़ङ्‌सालुम्‍स़ङ प़सि खान्‍ना।’”

छाम्‍माय़ङ 4:4

मेन मो निनाम्‍हाङ्‌य़ङ काएन्‍चिएदाङ्‌का ब़द्‍धेकापाङ्‌आ येसुदा साकोङ्‌छ़ङ म़मुवा, खोन्‍कि साकोङ्‌छ़ङ कामुपाचिओ अ़चुखिप्‍मा पोयाकि आप्‍फात पाच हजारा म़लिसा।

छाम्‍माय़ङ 8:17

खोन्‍किना पत्रुस खोन्‍कि युहन्‍नाआ अ़चुछुक मोचिएदा अ़युङ्‌साचु, खोन्‍कि मोचिआ सेङ्‌लावा अ़तोक्‍ता।

छाम्‍माय़ङ 9:15

मेन हाङ्‌पाआ हननिया अ़लोवा, “खारा! देकिनालो निरावाचि, हाङ्‌चि खोन्‍कि इस्राएलि म़नाचिओ अ़चुबुदा अ़ङ्‌ऩङ खालुमा निकि खो अ़ङ्‌का छेन्‍तुङ्‌युङ्‌सुङ।

१ कोरिन्‍थि 15:10

मेन अ़ङ्‌का देत्‍नि मुङाङा, मो निनाम्‍हाङ्‌ओ अ़चुसोमातुक्‍मालाम्‍पा मुङाङा, खोन्‍कि निनाम्‍हाङ्‌आ अ़ङ्‌का सोमा ऩतुक्‍ताङ्‌ओ सोज्‍जे मान्‍लि। मेन अ़ङ्‌का ना मोचि झाराएदाङ्‌का च़लोक काचि मुवाङ। खोन्‍नुछाङ ओवाको च़लोक काचि मुमा ऱङाओ ना अ़ङ्‌सावाआ माआङ, मेन अ़ङ्‌काएदा कायुङ निनाम्‍हाङ्‌ओ अ़चुसोम्‍तुक्‍माआ ओ।

१ कोरिन्‍थि 9:2

अ़ङ्‌का निचिओ निम्‍पाङ अ़चुछाम्‍माय़ङ माआङ्‌नुछाङ आम्‍नुओ ना अ़नुछ्‍याङा छाम्‍माय़ङ ओ! देकिनालो हाङ्‌पाओ अ़चुछाम्‍माय़ङ लिमा अ़ङ्‌को अ़ङ्‌बुत्‍माय़ङ्‌ओ अ़सालुम्‍स़ङ खानानिन त़याइन्‌येन।

गलाति 3:5

साङ्‌आ खानानिन सेङ्‌लावा ऩप़न, खोन्‍कि आम्‍नुओ रादा म़दोम्दाओ काचिचि म़मुचि, दि ओ झारा खोक्‍कोसाआ य़ङ्‌हुप्‌दाओ आम्‍नुओ काचिओ अ़तुक्‌वाआ अ़मुवा ओ? हे त़एनुम्‌ओ य़ङ्‌दा खानानिन्‌आ साकोङ्‌छ़ङ त़मुम्‌ओसा ओ?

कलस्‍सि 1:29

मो काचिओ निम्‍पाङ अ़ङ्‌कोङ्‌दा काचि म़मुयाङ्‌ओ ख्रिस्‍तओ तोक्‍पो अ़चुसावाआ अ़ङ्‌का अ़न्‍नुनु चात्‍लो काचि मुङा।

१ थेसलोनिकि 2:13

खोन्‌ओसा आन्‍कान्‍का अ़धुन निनाम्‍हाङ आलाङ प़म्‍का, देकिनालो खानानिन्‌आ आन्‍कान्‍काएदाङ्‌का त़एनुम्‌ओ निनाम्‍हाङ्‌ओ अ़चुय़ङ खानानिन्‌आ म़नाओ अ़य़ङ्‌वा मान्‍लोक्‍त़दोम, मेन अ़नुछ्‍या निनाम्‍हाङ्‌ओ अ़चुय़ङ्‌वात्‍तिङा त़लोउम। मो य़ङ्‌आ खानानिन साकोङ्‌छ़ङ कामुचिएदा काचि मुङु।