गलाति 2:7 - बान्‍तावा राई

⁷ मेन च़लोक देङ्‌सा, देत्‍नि सिप्‍मायाम्‍बुन कापाक्‌चि नुय़ङ्‌खान खाएत्‍मा पाङ निनाम्‍हाङ्‌आ पत्रुस अ़पुवायुङ्‌साओ, मोवात्‍नि सिप्‍मायाम्‍बुन मान्‍पाक्‍कादाचि नुय़ङ्‌खान खालुमा पाङ अ़ङ्‌का निनाम्‍हाङ्‌आ ऩपुवाङ्‌युङ्‌साङ्‌नि मोचिआ अ़खा।

गलाति 2:7 ပူးပေါင်းရင်းမြစ်များ

छाम्‍माय़ङ 15:12

खोन्‍किना म़कोवान्‍चिन्‌ओ झारा म़नाचि वाइवेत म़युङा, खोन्‍कि निरावाचिओ अ़चुरादा खोचिलाम्‍पा बुन्‌चि खोन्‍कि म़दोम्‍दाओ काचिचि निनाम्‍हाङ्‌आ अ़मुवाओ अ़तुक्‌वादा बारनाबास खोन्‍कि पावल्‌आ खाअ़लुसाचुओ खोचिआ अ़एना।

छाम्‍माय़ङ 18:6

मेन यहुदिचिआ पावल ऩङाअ़छिरा, खोन्‍कि अ़सुङ्‌ता। खोसाआ अ़तित धाम्‍सुधान्‍तुकि मोचि लोचि, “निनाम्‍हाङ्‌एदाङ्‌का ताओ दन्‍दा खानानिन्‌ङा त़सिन्‍तिन! अ़ङ्‌का दित्‍छाङ अ़सिन्‍ऩङ! हान्‌दाङ्‌का अ़ङ्‌का निरावाचिएदा खात्‍ङा!”

छाम्‍माय़ङ 28:28

खानानिन्‌छाङ सिन्‍मादोत, निनाम्‍हाङ्‌ओ अ़लेन्‍मा निरावाचिएह्‍यात्‍नि अ़खाइसायुङ्‌सा, खोन्‍कि मोचिआ अ़एन।” [

छाम्‍माय़ङ 9:15

मेन हाङ्‌पाआ हननिया अ़लोवा, “खारा! देकिनालो निरावाचि, हाङ्‌चि खोन्‍कि इस्राएलि म़नाचिओ अ़चुबुदा अ़ङ्‌ऩङ खालुमा निकि खो अ़ङ्‌का छेन्‍तुङ्‌युङ्‌सुङ।

रोमि 1:5

आन्‍हाङ्‌पा येसु ख्रिस्‍तलाम्‍पा निनाम्‍हाङ्‌आ आन्‍कान सोमाम़तुक्‍ताकि छाम्‍माय़ङ लिमाओ अ़वाखाम म़पुवायुङ्‌सा, खोन्‌ओसा झारा रावाओ म़नाचि साकोङ्‌छ़ङ्‌दा खोन्‍कि लोमाय़ङ्‌दा तित्‍मा ऱम्‍च़म्‌कि निनाम्‍हाङ्‌ओ अ़चुऩङ अ़लोङ्‌ने।

रोमि 11:13

हान खानानिन निरावाचिओ निम्‍पाङ अ़ङ्‌का चेप्‍ङाङा। अ़ङ्‌का निरावाचिओ निम्‍पाङ छाम्‍माय़ङ्‌ओसा अ़ङ्‌का अ़ङ्‌काचिदा झारा अ़ङ्‌मिन्‍मा पाक्‍तुङ।

१ कोरिन्‍थि 9:17

ओ काचि अ़ङ्‌मिन्‍माआङा मुङ्‌नालो अ़ङ्‌का सिरिफा तोक्‍तुङ, मेन अ़ङ्‌मिन्‍मादाङ्‌का माआङ्‌नुछाङ अ़ङ्‌का अ़क्‌तात पाङ्‌खुन ऩपुवाङ्‌युङ्‌साङ।

गलाति 1:16

निरावाचिओ अ़चुरादा खोक्‍कोसोओ अ़चुनुय़ङ्‌खान खालुमा निम्‍पाङ अ़चुछा अ़ङ्‌काएदा खाङ्‌मुमा खोक्‍कोसोओ अ़चुऩङानुवा। मोन्‌हिदा अ़ङ्‌का खाक्‍कोछाङ म़नाएनान यायोक मान्‍मुङा,

गलाति 1:18

खोन्‍किना सुम्‌कादोङ्‌कि केफास तुप्‍सि अ़ङ्‌का यरुसलेम्‌दा खाराङ, खोन्‍कि खोएनान पन्‍द्रकालेन्‌तारि युङाङ।

गलाति 1:6

अ़ङ्‌का अ़दोम्‍ताङ्‌दाङ, ख्रिस्‍तओ अ़चुसोम्‍तुक्‍मादा खानानिन काबुत ओन च़क्‍नि त़छिरुम्‌कि नि य़ङ्‌खान्‌चिह्‍यात्‍नि खानानिन त़वाङिन्‌येन।

गलाति 2:11

मेन अ़क लेन केफास एन्‍तिओखियादा ता, खोन्‍कि अ़ङ्‌का खोसोओ अ़बुदाङा रुफोक्‍तुङ, देकिनालो खोसाआ काचि फिसुयुङ्‌सु।

गलाति 2:14

मोदा नुय़ङ्‌खान्‌ओ अ़छ़ङ्‌वा मोचि मान्‍च़याङ्‌चिओ अ़ङ्‌का खाङ्‌च़ङ, खोन्‍किना मोचि झारासोओ अ़चुबुदा अ़ङ्‌का केफास लोङ, “खानानिन अ़क्‍छा यहुदि त़लिसिन खोन्‍नुछाङ निरावावात्‍नि त़च़न्‌येन, देत्‍नि निरावाचि यहुदिचिवात्‍नि ह़ङ्‌मा राकाङ्‌थेत्‍नि त़मुम्‍च़म?”

गलाति 2:9

साम्‍भुङ्‌दाओ सायाकातोक खाबोचिनि मित्‍माय़ङ्‌चि याकुब, केफास खोन्‍कि युहन्‍ना, म़मित्‍तुचिकिना मोचिआ अ़ङ्‌का प़माय़ङ अ़च़वाङ काचि अ़सिन्‍ताकि अ़ङ्‌का खोन्‍कि बारनाबास यावायोक्‌ओ चुप्‍ताङ्‌छुक ऩपुवाच्‍या। ओवात्‍नि आन्‍काच्‍या निरावाचिएदा खात्‍मा खोन्‍कि खोचि यहुदिचिएदा खात्‍मा म़काङ्‌सा।

१ थेसलोनिकि 2:4

मेन निनाम्‍हाङ्‌आ आन्‍कान्‍का अ़चुनुय़ङ्‌खान प़मा अ़खान्‍तिन्‍काओ अ़काइसिन्‌युङ्‌सिन्‍का। खोन्‌ओसा आन्‍कान्‍का ओ य़ङ खालुसुम्‍का, म़नाचि अ़चुऩङानुमा निकिना माआङ, मेन निनाम्‍हाङ्‌ओ अ़चुऩङानुमा निकिना ओ, खोक्‍कोसाआ आन्‍काओ साकोङ्‌वा अ़धुन अ़खाङ्‌युङ।

१ तिमोथि 1:11

ओ अ़ङ्‌का ऩपुवाङ्‌ओ चिन्‍माय़ङ साम्‍स़रिओ नुय़ङ्‌खान चोन्‍मा खान्‍तुओ निनाम्‍हाङ्‌ओवात्‍निओ मुयाङ।

१ तिमोथि 2:7

ओ सालुम्‍स़ङ्‌ओ निम्‍पाङ साकोङ्‌छ़ङ खोन्‍कि अ़छ़ङ्‌ओ अ़तुक्‌वादा निरावाचि नुय़ङ्‌खान खाएत्‍माचि निम्‍पाङ अ़ङ्‌का खाकालु खोन्‍कि छाम्‍माय़ङ्‌दा ऩछेन्‍ताङ्‌ओ। अ़ङ्‌का अ़नुछ्‍या य़ङ्‌ङाङा, अ़ङ्‌का अ़म़प्‍ऩङ्‌ऩङ!

२ तिमोथि 1:11

खोन्‍कि ओ नुय़ङ्‌खान्‌ओ निम्‍पाङ अ़ङ्‌का अ़क्‍छा खाकालु, खोन्‍कि छाम्‍माय़ङ खोन्‍कि काचिन ऩछेन्‍ताङ।

२ पत्रुस 3:15

आन्‍हाङ्‌पाआ म़नाचि हेवादाङ्‌का लेन्‍मा अ़वाखाम म़प़चिहिदा खोक्‍कोसाआ देम अ़हुङा मो य़ङ मित्‍तानुम। मोवात्‍निङा आन्‍कान सोमातुक्‍तुम्‌योम्‌ओ निछा पावल्‌आछाङ निनाम्‍हाङ्‌आ अ़पुवाओ तायावात्‍नि खानानिन मो य़ङ्‌चि त़छाप्‍तिन।