गलाति 2:20 - बान्तावा राई20 अ़ङ्का ख्रिस्तएनान क्रुस्दा ख़न्ताङ्युङ्साङ। हान्दाङ्का काह़ङ अ़ङ्का माआङ, मेन ख्रिस्त अ़ङ्काएदा म़ह़ङ। ओन्ग़रि अ़ङ्का पोक्दा ह़ङ्ङाङा, मो ह़ङ्म़ङ निनाम्हाङ्ओ अ़चुछाएदा सोम्कुवालाम्पा ह़ङ्ङा। खोक्कोसाआ अ़ङ्का सोमाऩतुक्ताङ खोन्कि अ़ङ्को निम्पाङ खोक्को आप्पि म़पुवान्लावान्चिन। အခန်းကိုကြည့်ပါ။ |
गलाति 2:20
65 ပူးပေါင်းရင်းမြစ်များ
आम्नुओ पोक्ओ खाक्कोछाङ अ़फुत्चि हेवा मुमा निम्पाङ अ़अ़त्पाओ मित्चिऩङ्चिदा मान्याङ्दानुम्च़म। मेन स़मादाङ्का ह़ङ्म़ङ्दा काफान्नान्चिन म़नाचिवात्नि निनाम्हाङ्ओ अ़नुवाक अ़चुकाचि मुसि पुवालावानिन्चिन खोन्कि झारा आम्नुओ पोक्फुत्चि साम्योक्मिओ अ़मित्चिऩङ्चिओ निम्पाङ याङानुम्च़म।
खोन्नुछाङ आन्कान सिन्तुम्योम, य़ङ्हुप्ओ काचिलाम्पा म़ना साम्योक्मि अ़कान्निन, मेन येसु ख्रिस्तएदाओ साकोङ्छ़ङ्लाम्पा साम्योक्मि कान। खोन्ओसा आन्कान्छाङ आन्साकोङ्छ़ङ ख्रिस्त येसुएदा युङ्सुम, मोवात्नि आन्कान य़ङ्हुप्ओ काचिलाम्पा माआङ, मेन येसु ख्रिस्तएदाओ साकोङ्छ़ङ्लाम्पा साम्योक्मि कान्मा ऱन्चिन्ने। देकिनालो य़ङ्हुप्ओ काचिलाम्पा साङ्छाङ साम्योक्मि अ़कान्निन।
आन्कान सिन्तुम्योम निनाम्हाङ्ओ अ़चुछा म़तायुङ्सा, खोन्कि अ़छ़ङ निनाम्हाङ आन्कान खाङ्म़मेत्तायुङ्सा। मोवात्नि आन्कान निनाम्हाङ अ़छ़ङ म़मुयाङ निकिना सिन्तुम्ने। खोन्कि ओन्ग़रि आन्कान अ़छ़ङ निनाम्हाङ्एनान अ़क्नि याइन्येन, देकिनालो खोक्कोसोओ अ़चुओ छा येसु ख्रिस्तएनान आन्कान यावायोक्दा अ़क्नि याइन्येन। खोक्को अ़छ़ङ निनाम्हाङ खोन्कि अ़लुक्निन्ओ ह़ङ्म़ङ म़युङ्याङ।
ओ य़ङ्चिओ साकोङ्छ़ङ मुमा खान्तुओ सालुम्स़ङ खोन्कि म़सुवादाओचिदाङ्का बुदा म़खोन्तालोन्ताओ खोन्कि हेन्खामादाओ झारा हाङ्चिएदा हाङ्काचि कामु येसु ख्रिस्तलाम्पाछाङ खानानिन सोमातुक्मा खोन्कि सेवाङ्नि। खोक्कोसाआ आन्कान सोमाम़तुक, खोन्कि खोक्कोसोओ अ़चुस़मा हेन्खोक्वाआ आन्कान आन्हेवादाङ्का म़फोङ्सायुङ्सा।
ကြော်ငြာတွေ