गलाति 2:14 - बान्‍तावा राई

¹⁴ मोदा नुय़ङ्‌खान्‌ओ अ़छ़ङ्‌वा मोचि मान्‍च़याङ्‌चिओ अ़ङ्‌का खाङ्‌च़ङ, खोन्‍किना मोचि झारासोओ अ़चुबुदा अ़ङ्‌का केफास लोङ, “खानानिन अ़क्‍छा यहुदि त़लिसिन खोन्‍नुछाङ निरावावात्‍नि त़च़न्‌येन, देत्‍नि निरावाचि यहुदिचिवात्‍नि ह़ङ्‌मा राकाङ्‌थेत्‍नि त़मुम्‍च़म?”

गलाति 2:14 ပူးပေါင်းရင်းမြစ်များ

छाम्‍माय़ङ 10:28

खोन्‍कि खोसाआ मोचि लोचि, “अ़क्‍छा यहुदिआ ओवात्‍नि निरावाचिएनान यावा मुमा खोन्‍कि अ़चुखिम्‌दा वाङ्‌मा आन्‍काओ य़ङ्‌हुप्‌ओ अ़देङ्‌सालाप्‍पा ओ निकिना खानानिन्‌आ नुलोक त़सिन्‍तुम्‌योम। मेन निनाम्‍हाङ्‌आ साङ्‌छाङ अ़सेङ्‌निनिन्‌ओनि अ़मित्‍तिमिन निकिना अ़ङ्‌का खाङ्‌ऩमेत्‍ताङ्‌युङ्‌साङ।

छाम्‍माय़ङ 15:1

खा-खाक्‍को म़नाचि यहुदियादाङ्‌का एन्‍तिओखियादा म़ताकि काखेङ्‌चि “निनाम्‍हाङ्‌य़ङ खाकालु मोसाओ अ़य़ङ्‌हुप्‌वा सिप्‍मायाम्‍बुन त़मुन्‍मिन्‌नालो ना खानानिन त़लेरिमिन”नि साकोङ्‌छ़ङ कामुचि म़चिन्‍तुचि।

छाम्‍माय़ङ 15:24

आन्‍कान्‍का एनुम्‌युङ्‌सुम्‍का, आन्‍कान्‍काएदाओ खा-खाक्‍कोचि खानानिन्‌एदा म़बानाकि दुखा अ़चुचिन्‍माय़ङ्‍आ आम्‍नुओ मिन्‍मा चाअ़त्‍सालो ऩमेत्‍तिन्‍प़न्‌नि। मेन मोचि आन्‍कान्‍का मोवात्‍नि लोमेत्‍तुम्‍च़म्‍काओ माआङ।

छाम्‍माय़ङ 15:5

मेन फरिसि रुहुप्‌दाओ देम्‌कापाङ येसु साकोङ्‌छ़ङ कामुचि म़एवाकि, “साकोङ्‌छ़ङ कामु निरावाचिआछाङ सिप्‍मायाम्‍बुन पाक्‍माङादोत। खोन्‍कि खोचिआ निनाम्‍हाङ्‌य़ङ खाकालु मोसाओ अ़य़ङ्‌हुप्‌वा च़मादोत”नि म़य़ङा।

रोमि 14:14

अ़ङ्‌का सिन्‍तुङ्‌योङ खोन्‍कि हाङ्‌पा येसुआ अ़ङ्‌का अ़छ़ङ ऩमुवाङ्‌युङ्‌साङ, खाक्‍कोछाङ चामायु आप्‍पि अ़पोप्‍निन, मेन साङ्‌आ मो पोप्‍ताओनि मित्‍तुनालो मोसोओ निम्‍पाङ मो पोप्‌ओङा लि।

गलाति 1:18

खोन्‍किना सुम्‌कादोङ्‌कि केफास तुप्‍सि अ़ङ्‌का यरुसलेम्‌दा खाराङ, खोन्‍कि खोएनान पन्‍द्रकालेन्‌तारि युङाङ।

गलाति 1:6

अ़ङ्‌का अ़दोम्‍ताङ्‌दाङ, ख्रिस्‍तओ अ़चुसोम्‍तुक्‍मादा खानानिन काबुत ओन च़क्‍नि त़छिरुम्‌कि नि य़ङ्‌खान्‌चिह्‍यात्‍नि खानानिन त़वाङिन्‌येन।

गलाति 2:3

मेन अ़ङ्‌काएनान अ़क्‍नि कायुङ तितस ग्रिक्‌नुछाङ सिप्‍मायाम्‍बुन लिमादोत निकिना साङ्‌आछाङ राकाङ्‌थेत्‍नि मान्‍मुअ़दा।

गलाति 2:5

नुय़ङ्‌खान्‌ओ अ़छ़ङ आम्‍नुओ निम्‍पाङ रात्‌युङ्‌ने निकिना मोचिओ अ़चुबुदा आन्‍कान्‍का अ़क्‍दुछाङ मान्‍काङ्‌दान्‍का।

गलाति 2:7

मेन च़लोक देङ्‌सा, देत्‍नि सिप्‍मायाम्‍बुन कापाक्‌चि नुय़ङ्‌खान खाएत्‍मा पाङ निनाम्‍हाङ्‌आ पत्रुस अ़पुवायुङ्‌साओ, मोवात्‍नि सिप्‍मायाम्‍बुन मान्‍पाक्‍कादाचि नुय़ङ्‌खान खालुमा पाङ अ़ङ्‌का निनाम्‍हाङ्‌आ ऩपुवाङ्‌युङ्‌साङ्‌नि मोचिआ अ़खा।

गलाति 2:9

साम्‍भुङ्‌दाओ सायाकातोक खाबोचिनि मित्‍माय़ङ्‌चि याकुब, केफास खोन्‍कि युहन्‍ना, म़मित्‍तुचिकिना मोचिआ अ़ङ्‌का प़माय़ङ अ़च़वाङ काचि अ़सिन्‍ताकि अ़ङ्‌का खोन्‍कि बारनाबास यावायोक्‌ओ चुप्‍ताङ्‌छुक ऩपुवाच्‍या। ओवात्‍नि आन्‍काच्‍या निरावाचिएदा खात्‍मा खोन्‍कि खोचि यहुदिचिएदा खात्‍मा म़काङ्‌सा।

गलाति 6:12

ख्रिस्‍तओ अ़चुक्रुस्‌ओ अ़तुक्‌वाआ दुखादा ऩछुक्‍निन्‍ने निम्‍पाङ पोक्‌दा नुलोक खाङ्‌मुमान्‍चिन कालाम्‌चिआ खानानिन सिप्‍मायाम्‍बुन पाक्‍मा राकाङ्‌थेत्‍नि ऩमुन।

कलस्‍सि 1:5

निनाम्‍हाङ्‌आ आम्‍नुओ निम्‍पाङ निनाम्‍मादु अ़युङ्‌साओ आसिखा अ़नुछ्‍याङा त़तोक्‍तुम निकिना त़मित्‍तुम्‌युङ्‌सुम्‌योम्‌ओसा खानानिन्‌आ मोवात्‍नि सोमात़तुक्‍तुम्‌युङ्‌सुम्‌योम्‌ओ। मो आसिखाओ अ़तुक्‌वादा खानानिन बुयाङा अ़छ़ङ्‌य़ङ माङ्‌लो नुय़ङ्‌खान्‌दा त़एनुम्‌युङ्‌सुम।

१ तिमोथि 5:20

हेवा कामुचि, झारा साम्‍भुङ्‌ओ अ़बुदा रेन्‍तानुम्‍च़म, खोन्‌ओसा निचिछाङ म़क़ने।

हिब्रु 12:13

आम्‍नुओ लाङ्‌चिओ निम्‍पाङ लाम्‌चि ऩऱक्‍निन्‍लो मुवानुम्‍च़म, खोन्‌ओसा पेसोला लाङ्‌चि ऩलुक्‍निन्‍खात्‍निन्‍ने, मेन मोचि म़नुने।

हिब्रु 9:10

मो चामायु, दुङ्‌मायु खोन्‍कि अ़खाला-खालाओ सेङ्‌मान्‍चिन च़माथाङ्‌माचि बुङ्‌खालिप्‍पाओ य़ङ्‌हुप ओन्‍ङा ओ। ओवाको बुयाओ य़ङ्‌हुप्‌चि अ़ऩङ्‌वा य़ङ्‌हुप अ़तानिन्‌तारि ओन्‍ङा अ़काचि याक।