Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




गलाति 1:6 - बान्‍तावा राई

6 अ़ङ्‌का अ़दोम्‍ताङ्‌दाङ, ख्रिस्‍तओ अ़चुसोम्‍तुक्‍मादा खानानिन काबुत ओन च़क्‍नि त़छिरुम्‌कि नि य़ङ्‌खान्‌चिह्‍यात्‍नि खानानिन त़वाङिन्‌येन।

အခန်းကိုကြည့်ပါ။ ကော်ပီ




गलाति 1:6
33 ပူးပေါင်းရင်းမြစ်များ  

खोन्‍कि मोचिआ साकोङ्‌छ़ङ मान्‍मुअ़दाओ अ़खाकि येसु दोम्‍तुदो। खोन्‍किना खोक्‍को झारा तेन्‌चिदात्‍नि चिन्‌याङ्‌सा म़खाराङा।


मो म़नाआ मोचि लासुलोचि, “दियाको अ़तोङ्‌निनिन्‌ओ य़ङ! खादाङ्‌का खोक्‍को म़ताओ खानानिन त़सिन्‍तिमिन! मेन अ़ङ्‌म़क खोक्‍कोसाआ खाकाखाङ ऩमेत्‍ताङ पुवाङ।


आन्‍कान साकोङ्‌छ़ङ मुन्‌कि आन्‍हाङ्‌पा येसुओ अ़चुसोमातुक्‍मालाम्‍पा आन्‍कान लेरिन्‌युङ्‌सिन, मोवात्‍निङा निरावाचिछाङ म़लेरायुङ्‌सा।”


देकिनालो निनाम्‍हाङ्‌दाङ्‌का ताओ साम्‌योक्‍मिओ अ़तुक्‌वादा मान्‍सिन्‌अ़दा खोन्‍कि मोचिआ आप्‍पिओ अ़चुकाचिआ अ़नुवाक लिमा म़लामा। मोवात्‍नि मोचि निनाम्‍हाङ्‌एदा प़मान्‍चिन म़छुन्‍ता।


खोक्‍कोएदाङ्‌का आन्‍कान ओ सोम्‍तुक्‍मादा साकोङ्‌छ़ङ्‌लाम्‍पा वाङ्‌मा तोक्‍तुम्‌युङ्‌सुम। मो सोम्‍तुक्‍मादा आन्‍कान युङिन्‌येन, खोन्‍कि निनाम्‍हाङ्‌ओ अ़चुसाम आन्‍कान्‌छाङ तोक्‍मा सोम्‍कुवादा आन्‍ऩङानुसिन्‍चिन्‍ने।


आन्‍कान सिन्‍तुम्‌योम, खोक्‍को सोमाकातुक्‌चि खोन्‍कि खोक्‍कोसोओ अ़चुमित्‍चिऩङ्‌वात्‍नि म़बुत्‍तुचिओचिओ निम्‍पाङ झारा य़ङ्‌चिदा निनाम्‍हाङ्‌आ नुलोक म़मुचि।


साङ-साङ खोक्‍कोसाआ बुयाङा म़छेन्‍तुचि, मोचि खोक्‍कोसाआ म़बुत्‍तुचिछाङ। खोन्‍कि साङ्‌चि खोक्‍कोसाआ म़बुत्‍तुचि, मोचि खोक्‍कोसाआ साम्‌योक्‍मिछाङ म़काइसुचि, खोन्‍कि साङ-साङ साम्‌योक्‍मि म़काइसुचि, मोचि खोक्‍कोसाआ साम्‍स़रिओछाङ म़मुचि।


देकिनालो ख्रिस्‍तदा आम्‍नुओ कातित्‌चि दस हजारा म़युङ्‌याङ्‌नुछाङ आम्‍नुओ लावामि पापा अ़क्‍छा ओन्‍ङा म़युङ्‌याङ। देकिनालो नुय़ङ्‌खान खाएत्‍निकि ख्रिस्‍त येसुदा अ़ङ्‌का आम्‍नुओपा लिसाङ।


देकिनालो अ़क्‍छा म़ना ताकि आन्‍कान्‍का खालुसुम्‍काओ येसुदाङ्‌का नि येसुओ अ़चुनुय़ङ्‌खान खालुसु माङ्‌लो खानानिन्‌आ त़तोक्‍तुम्‌ओ लावादाङ्‌का नि लावा मोचिआ खानानिन लोक्‍ऩमेत्‍तिन माङ्‌लो खानानिन्‌आ त़लोउम्‌ओ नुय़ङ्‌खान्‌दाङ्‌का नि नुय़ङ्‌खान मोचिआ खानानिन लोक्‍ऩमेत्‍निन्‌नालो खानानिन नुसुम्‍पेन्‍ताङा त़आङ्‌तुम।


देकिनालो ब़द्‍धे निचिवा आन्‍कान्‍का निनाम्‍हाङ्‌ओ अ़चुय़ङ काखित काइन्‌चि माआङ, मेन निनाम्‍हाङ्‌आ ऩछुत्‍तिन्‍काओ अ़चुमिन्‍मा सेङ्‌याङ्‌ओ म़नाचिवा आन्‍कान्‍का निनाम्‍हाङ्‌ओ अ़चुबुदा ख्रिस्‍तओ अ़चुतुक्‌वादा चेविन्‍का।


ब़ब़, नाना खोन्‍कि निछाचि ओ, खानानिन्‌आ ओ सिन्‍मादोत्‌नि अ़ङ्‌का मिन्‍ङा, अ़ङ्‌का खालुसुङ्‌ओ नुय़ङ्‌खान म़नाओ अ़नुय़ङ्‌खान माआङ।


मेन अ़ङ्‌लिमा बुयाङा अ़ङ्‌का काछेन, खोन्‍कि अ़चुओ सोमातुक्‍मालाम्‍पा काबुत निनाम्‍हाङ,


अ़नुछ्‍याङा नि नुय़ङ्‌खान खाक्‍कोछाङ मात्‍द़ङ, मेन खा-खाक्‍को म़नाचिआ खानानिन ऩथेम्‍सिन्‍खाइसिन्‌येन खोन्‍कि मोचिआ ख्रिस्‍तओ अ़चुनुय़ङ्‌खान अ़हुखान्‌याङ।


मोदा नुय़ङ्‌खान्‌ओ अ़छ़ङ्‌वा मोचि मान्‍च़याङ्‌चिओ अ़ङ्‌का खाङ्‌च़ङ, खोन्‍किना मोचि झारासोओ अ़चुबुदा अ़ङ्‌का केफास लोङ, “खानानिन अ़क्‍छा यहुदि त़लिसिन खोन्‍नुछाङ निरावावात्‍नि त़च़न्‌येन, देत्‍नि निरावाचि यहुदिचिवात्‍नि ह़ङ्‌मा राकाङ्‌थेत्‍नि त़मुम्‍च़म?”


निनाम्‍हाङ्‌आ खाङ्‌ऩमेत्‍ताङ्‌वा अ़ङ्‌का मोदा खाराङ, खोन्‍कि मोचिओ अ़चुबुदा मो नुय़ङ्‌खान खालुसुङ, मो अ़ङ्‌का निरावाचिओ अ़चुरादा खाएत्‍तुङ्‌युङ्‌सुङ्‌योङ्‌च़ङ्‌ओ। मेन साम्‍भुङ्‌दाओ बुसुवावाको म़काराङाओचिओ अ़चुबुदा अ़ङ्‌का मो सुकुलादा खालुसुङ, देकिनालो अ़ङ्‌का खाक्‍को लोत्‍मा लोराङ माङ्‌लो लोत्‍ङाङा, मो सोज्‍जे अ़लिनिन्‍ने।


नुय़ङ्‌खान्‌ओ अ़छ़ङ आम्‍नुओ निम्‍पाङ रात्‌युङ्‌ने निकिना मोचिओ अ़चुबुदा आन्‍कान्‍का अ़क्‍दुछाङ मान्‍काङ्‌दान्‍का।


मेन च़लोक देङ्‌सा, देत्‍नि सिप्‍मायाम्‍बुन कापाक्‌चि नुय़ङ्‌खान खाएत्‍मा पाङ निनाम्‍हाङ्‌आ पत्रुस अ़पुवायुङ्‌साओ, मोवात्‍नि सिप्‍मायाम्‍बुन मान्‍पाक्‍कादाचि नुय़ङ्‌खान खालुमा पाङ अ़ङ्‌का निनाम्‍हाङ्‌आ ऩपुवाङ्‌युङ्‌साङ्‌नि मोचिआ अ़खा।


देकिनालो झारा य़ङ्‌हुप अ़क्‌तात य़ङ्‌आङा तालायुङ्‌सा, “खाना आम्‍तेन्‍पाङ आप्‍पिवात्‍निङा सोमातुक्‍तु।”


खानानिन य़ङ्‌हुप्‌लाम्‍पा साम्‌योक्‍मि कान्‍मा त़लामिन्‌येन्‌ओचि, ख्रिस्‍तएदाङ्‌का खानानिन त़लोइसिन्‍खाइसिन्‌युङ्‌सिन्‍चिन। खोन्‍कि खानानिन निनाम्‍हाङ्‌ओ अ़चुसोम्‍तुक्‍मादाङ्‌का त़धान्‍खारिन्‌युङ्‌सिन।


खोन्‌ओसा आन्‍कान्‍का खालुसुम्‍काओ नुय़ङ्‌खान्‌लाम्‍पा आन्‍हाङ्‌पा येसु ख्रिस्‍तओ अ़चुऩङ्‌चोन्‍मा खानानिन्‌आछाङ तोक्‍तानुम निम्‍पाङ खोक्‍कोसाआ खानानिन ऩबुत्‍तिन।


खोन्‍कि येसु ख्रिस्‍तएदाओ अ़ङ्‌साकोङ्‌छ़ङ खोन्‍कि अ़ङ्‌सोमातुक्‍माआ अ़ङ्‌को निम्‍पाङ आन्‍हाङ्‌पा येसुओ अ़चुसोम्‍तुक्‍मा च़लोक खाङ्‌ऩमेत्‍ताङ्‌युङ्‌साङ।


अ़ङ्‌का माकेदोनिया खाराङ्‌याङ्‌हिदा खाना यायोक प़नादानाओ वात्‍नि, खाना एफिसस्‌दा युङा, खोन्‍कि सोज्‍जे काचिन्‌चि देत्‍निकिछाङ मोदा मान्‍चिन्‍दानुम्‍च़म्‌नि लोचि।


खोक्‍कोसाआ आन्‍कान म़लेइसा, खोन्‍कि सेङ्‌याङ्‌ओ ह़ङ्‌म़ङ ह़ङ्‌सि आन्‍कान म़बुत्‍ता। आन्‍कान अ़नुवाक काचिचि मुन्‌ओसा माआङ, मेन खोक्‍कोसोओ आप्‍पिओ अ़नुवाक मित्‍चिऩङ खोन्‍कि सोमातुक्‍माआ ओ। मो सोमातुक्‍मा खोक्‍कोसा ख्रिस्‍त येसुलाम्‍पा अ़पुङ्‌चिपुक्‌दाङ्‌का बुयाङा आन्‍कान म़पुवा।


खोन्‌ओसा, अ़ङ्‌छा तिमोथि, ख्रिस्‍त येसुओ अ़चुसोम्‍तुक्‍मादा खाना काछो लिसा।


मेन खानानिन काबुत सेङ्‌लो म़मुयाङ्‌वा खानानिन्‌छाङ झारा आम्‍नुओ च़माथाङ्‌मादा सेङानिन।


खोक्‍कोसोओ अ़चुसावालाम्‍पा आन्‍कान ह़ङ्‌म़ङ खोन्‍कि साम्‌योक्‍मिदा दोत्‌ओ झारा सामाचि आन्‍कान म़पुवायुङ्‌सा। खोक्‍कोसोओ आप्‍पिओ अ़चुसाम खोन्‍कि अ़च़वाङ्‌लाम्‍पा आन्‍कान म़बुत्‍तायुङ्‌साओ निनाम्‍हाङ आन्‍कान सिन्‍तुम्‌ओसा ओ झारा सामाचि तोक्‍तुम।


हाङ्‌पा येसु ख्रिस्‍तओ अ़चुसोम्‍तुक्‍मा झारा निनाम्‍हाङ्‌ओ अ़चुम़नाचिएदा युङ्‌ने। मोवात्‍निङा लिने।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ