गलाति 1:5 - बान्‍तावा राई

⁵ अ़धुन-अ़धुन्‌तारि निनाम्‍हाङ्‌ओ अ़चुऩङ्‌लोङ्‌ने। ओवात्‍निङा लिने।

गलाति 1:5 ပူးပေါင်းရင်းမြစ်များ

मत्‍ति 28:20

अ़ङ्‌का खानानिन लोनानिन्‌ओ झारा य़ङ्‌चि मोचि मुमा चिन्‍तानुम्‍च़म। खानुम, अ़ङ्‌का जुगाओ आदेङ्‌तारि अ़धुन खानानिन्‌एनान युङ्‌ङायुङ्‌ङा।”

मत्‍ति 6:13

खोन्‍कि आन्‍कान्‍का चिन्‍माखाङ्‌मादा छुक्‍मा मान्‍प़दानि, मेन अ़अ़त्‍पादाङ्‌का लेन्‍नि। (देकिनालो हाङ्‌होन, सावा खोन्‍कि तोक्‍पो ऩङ अ़धुन खानानिन्‌एदाङा युङ्‌याङ। ओवात्‍निङा लिने।)

लुका 2:14

“झारादाङ्‌का धानि निनाम्‍मादु निनाम्‍हाङ्‌ओ अ़चुऩङ लोङ्‌ने, खोन्‍कि हेन्‍खामादा खाक्‍को म़नाचिएनान निनाम्‍हाङ्‌ओ अ़चुऩङानुयाङ, मोचिओ अ़चुमिन्‍मा चानुलो लिने।”

रोमि 11:36

देकिनालो झारा सामाचि खोक्‍कोएदाङ्‌का, खोक्‍कोलाम्‍पा खोन्‍कि खोक्‍कोसोओ निम्‍पाङ ओ। खोक्‍कोसोओ अ़धुन-अ़धुन्‌तारि अ़चुऩङ्‌लोङ्‌ने! मोवात्‍निङा लिने।

रोमि 16:27

अ़क्‍छा ओन्‍ङाओ निनाम्‍हाङ झारा खारुहाङ्‌पा, येसु ख्रिस्‍तलाम्‍पा अ़धुन-अ़धुन्‌तारि अ़चुऩङ्‌लोङ्‌युङ्‌ने! मोवात्‍निङा लिने।

१ कोरिन्‍थि 8:13

खोन्‌ओसा अ़ङ्‌का चाङ्‍ओ साआ साकोङ्‌छ़ङ कामु हेवादा धाखा लाम लिनालो अ़ङ्‌का देम्‍खाछाङ सा अ़चाऩङ, मोवात्‍नि अ़ङ्‌का साकोङ्‌छ़ङ कामु हेवादा अ़धान्‍ऩङ।

एफिसि 1:12

आन्‍कान ख्रिस्‍तदा बुयादाङ्‌का सोम्‍कुवा कामुचि खोक्‍कोसाआ अ़चुसाम चोन्‍माओ निम्‍पाङ ह़ङ्‌मा ऱन्‍काने निम्‍पाङ खोक्‍कोएदा बुया अ़छ़ङ अ़मुवायुङ्‌सा खोन्‍कि ऩछेन्‍तिन्‌युङ्‌सिन्‍का।

फिलिप्‍पि 4:20

हान आन्‍निनाम्‍हाङ खोन्‍कि आन्‍पापाओ अ़धुन-अ़धुन्‌तारि अ़चुऩङ्‌लोङ्‌ने! मोवात्‍निङा लिने।

१ तिमोथि 1:17

हान दुङ-दुङ्‌तारिओ हाङ, अ़लुक्‍निन्‌ओ खोन्‍कि अ़खान्‍मिन्‌ओ अ़क्‍छा ओन्‍ङा निनाम्‍हाङ्‌ओ अ़धुन-अ़धुन्‌तारि साया खोन्‍कि अ़चुऩङ लोङ्‌ने। मोवात्‍निङा लिने।

२ तिमोथि 4:18

हाङ्‌पाआ अ़ङ्‌का झारा अ़अ़त्‍पाचिदाङ्‌का ऩलेन्‍ङा, खोन्‍कि खोक्‍कोसोओ निनाम्‍मादुओ अ़चुहाङ्‌होन्‌ओ निम्‍पाङ अ़ङ्‌का ऩलेन्‍ङा। खोक्‍कोसोओ अ़धुन-अ़धुन्‌तारि अ़चुऩङ लोङ्‌युङ्‌ने। मोवात्‍निङा लिने।

हिब्रु 13:21

खोक्‍कोसोओ अ़चुमिन्‍मा तामालामा रुवानुम निकिना झारा अ़नुवाक य़ङ्‌चिआ ऩयाङ्‌सिन्‍प़न्‍ने। दिसु य़ङ्‌आ निनाम्‍हाङ्‌ओ अ़चुऩङानुयाङ, येसु ख्रिस्‍तलाम्‍पा खोक्‍कोसाआ खानानिन्‌एदा ओ अ़मुने। अ़धुन-अ़धुन्‌तारि खोक्‍कोसोओ अ़चुऩङ्‌लोङ्‌ने! मोवात्‍निङा लिने।

१ पत्रुस 5:11

खोक्‍कोसोओ अ़चुसावा अ़धुन-अ़धुन्‌तारि युङ्‌युङ्‌ने। मोवात्‍निङा लिने।

२ पत्रुस 3:18

मेन आन्‍हाङ्‌पा खोन्‍कि कालेन्‍पा येसु ख्रिस्‍तओ अ़चुताया खोन्‍कि अ़चुसोम्‍तुक्‍मादा पोन्‌याङ्‌सा खारानिन। ओन्‍ग़रि खोन्‍कि अ़धुन हाङ्‌पाओ अ़चुऩङ्‌लोङ्‌ने। मोवात्‍निङा लिने!

यहुदा 1:25

खोक्‍को अ़क्‍छा ओन्‍ङा निनाम्‍हाङ आन्‍कालेन्‍पा म़युङ्‌याङ, मो येसु ख्रिस्‍त आन्‍हाङ्‌पालाम्‍पा म़लेन। निनाम्‍हाङ्‌ओ अ़चुऩङ्‌लोङ्‌मा, तोक्‍पो ऩङ, सावा खोन्‍कि पाङ आराङ्‌राङ्‌दाङ्‌का ओन्‍ग़रि खोन्‍कि अ़धुन्‌तारि युङ्‌युङ्‌ने! मोवात्‍निङा लिने!

खाङ्‌मुमा 14:7

खोसाआ अ़धिवा य़ङ्‌दा य़ङा, “निनाम्‍हाङ कित्‍तानुम, खोन्‍कि खोक्‍कोसोओ अ़चुऩङ लोङ्‌सानुम, देकिनालो खोक्‍कोसाआ म़नाचिओ अ़चुछ़ङ्‌छेन्‍मा ग़रि तायुङ्‌सा। निनाम्‍मा, हेन्‍खामा, धियाङ्‌वामा खोन्‍कि चाक्‌वाओ अ़लित्‍खा कामुन्‍पा निनाम्‍हाङ ब़क्‍तानुम।”

खाङ्‌मुमा 5:12

मोचि अ़धिवा य़ङ्‌दा छाम म़लुवाङाओ अ़ङ्‌का एनुङ्‌च़ङ। “सेत्‍माय़ङ थुबाछा सावा, चासुम्‍छेन्‍बि, खारु, खोन्‍कि ऱमा, साऩङ्‌वा, साम खोन्‍कि चोन्‍मा लोक्‍माखान्‍तुओ म़मुयाङ!”

खाङ्‌मुमा 7:12

“मोवात्‍निङा लिने! चोन्‍मा, साम, खारु, आलाङ, साया, सावा खोन्‍कि छोमा अ़धुन-अ़धुन्‌तारि आन्‍निनाम्‍हाङ्‌एदा युङ्‌युङ्‌ने। मोवात्‍निङा लिने!”