एफिसि 6:23 - बान्‍तावा राई

²³ निनाम्‍हाङ आन्‍पापा खोन्‍कि हाङ्‌पा येसु ख्रिस्‍तदाङ्‌का ब़ब़, नाना खोन्‍कि निछाचिओ सेवाङ्‌नि, खोन्‍कि साकोङ्‌छ़ङ्‍एनान्‌ओ सोम्‍तुक्‍मा युङ्‌ने!

एफिसि 6:23 ပူးပေါင်းရင်းမြစ်များ

युहन्‍ना 14:27

सेवाङ्‌नि अ़ङ्‌का खानानिन छित्‍नादानाप़नानिन। अ़ङ्‌को अ़ङ्‌सेवाङ्‌नि खानानिन प़नानिन। हेन्‍खामाआ प़न्‌वा अ़ङ्‌का खानानिन अ़प़नानिमिन। आम्‍नुओ साकोङ्‌वा चाअ़त्‍लो अ़लिनिन्‍ने खोन्‍कि अ़क़मा अ़कात्‍निन्‍ने।

रोमि 1:7

रोम्‌दा कायुङ खानानिन झारा अ़ङ्‌का छाप्‍नाङ्‌नानिन, निनाम्‍हाङ्‌आ सोमाऩतुक्‍तिन्‌येन्‌ओचि, खानानिन निनाम्‍हाङ्‌ओ अ़चुम़नाचि लिसि ऩबुत्‍तिन्‌युङ्‌सिन: आन्‍पापा निनाम्‍हाङ खोन्‍कि हाङ्‌पा येसु ख्रिस्‍तएदाङ्‌का खानानिन्‌आ सोम्‍तुक्‍मा खोन्‍कि सेवाङ्‌नि त़तोक्‍तुम्‍ने।

रोमि 15:33

सेवाङ्‌नि काप़ निनाम्‍हाङ खानानिन झाराएनान अ़धुन म़युङ्‌ने। मोवात्‍निङा लिने।

१ कोरिन्‍थि 1:3

आन्‍पापा निनाम्‍हाङ खोन्‍कि हाङ्‌पा येसु ख्रिस्‍तदाङ्‌का खानानिन सोमातुक्‍मा खोन्‍कि सेवाङ्‌नि लिसानिन।

२ कोरिन्‍थि 13:11

देङ्‌दा, ब़ब़, नाना खोन्‍कि निछाचि ओ, हासिन्‍चिन्‍ने। अ़च़वाङ्‍ओ निम्‍पाङ मित्‍चिऩङ मुवानिन। अ़ङ्‌य़ङ एनानुम! अ़क्‍छा निएदा तोङानिन। सेवाङ्‌नि युङानिन। खोन्‍कि निनाम्‍हाङ्‌ओ अ़चुसोमातुक्‍मा खोन्‍कि सेवाङ्‌नि खानानिन्‌एनान युङ।

गलाति 5:6

ख्रिस्‍त येसुएदा सिप्‍मायाम्‍बुन पाक्‍तुम्‌नुछाङ अ़पाक्‍तिमिन्‌नुछाङ मो अ़च़वाङ य़ङ माआङ। मेन साकोङ्‌छ़ङ सोमातुक्‍मालाम्‍पा खाङ्‌मु।

गलाति 6:16

हान देम ओ चिन्‍माय़ङ्‌दा म़कोन, मोचिएदा सेवाङ्‌नि खोन्‍कि सोमातुक्‍मा युङ्‌ने, मोचि निनाम्‍हाङ्‌ओ इस्राएलि अ़चुरावाचि ओ।

एफिसि 6:24

आन्‍हाङ्‌पा येसु ख्रिस्‍त अ़धुन अ़लुक्‍निन्‍लो सोमाकातुक्‌चि झाराएदा सोमातुक्‍मा युङ्‌ने।

१ थेसलोनिकि 5:8

मेन आन्‍कान अ़खोलेन्‌ओ म़ना लिसिन्‌ओसा चाप्‍चेत्‍तिन्‍चिन्‍ने, खोन्‍कि सोम्‍कुवा खोन्‍कि सोमातुक्‍माओ कोङ्‌कोम रात्‍खा, खोन्‍कि ताङ्‌बोप्‍खावा लेन्‍माय़ङ्‌ओ सोम्‍कुवा आन्‍कान बोम्‍सिन्‍ने।

२ थेसलोनिकि 1:3

ब़ब़, नाना खोन्‍कि निछाचि ओ, आम्‍नुओ निकिना अ़धुन आन्‍कान्‍का निनाम्‍हाङ आलाङ प़माङादोत, देकिनालो आम्‍नुओ सोम्‍कुवा च़लोक पोन्‌याङ, खोन्‍कि अ़क्‍छा निएदा झारासोओ आम्‍नुओ सोम्‍तुक्‍मा पोन्‌याङ।

२ थेसलोनिकि 3:16

हान सेवाङ्‌निओ हाङ्‌पाआ खानानिन अ़धुन खोन्‍कि झाराकापाराआ सेवाङ्‌नि ऩमुन्‍ने। हाङ्‌पा खानानिन झाराएदा म़युङ्‌ने।

१ तिमोथि 1:14

खोन्‍कि येसु ख्रिस्‍तएदाओ अ़ङ्‌साकोङ्‌छ़ङ खोन्‍कि अ़ङ्‌सोमातुक्‍माआ अ़ङ्‌को निम्‍पाङ आन्‍हाङ्‌पा येसुओ अ़चुसोम्‍तुक्‍मा च़लोक खाङ्‌ऩमेत्‍ताङ्‌युङ्‌साङ।

१ तिमोथि 1:3

अ़ङ्‌का माकेदोनिया खाराङ्‌याङ्‌हिदा खाना यायोक प़नादानाओ वात्‍नि, खाना एफिसस्‌दा युङा, खोन्‍कि सोज्‍जे काचिन्‌चि देत्‍निकिछाङ मोदा मान्‍चिन्‍दानुम्‍च़म्‌नि लोचि।

१ तिमोथि 5:8

साङ्‌आ अ़म़नाचिओ खोन्‍कि च़लोक्‌वा अ़खिम्‍लुम्‍पा अ़खान्‍चिन्‌नालो मोसाआ अ़साकोङ्‌छ़ङ ऩङाछिरु, खोन्‍कि साकोङ्‌छ़ङ मान्‍मुकादादाङ्‌का अ़अ़त्‍पा लि।

१ पत्रुस 5:14

अ़क्‍छा निएदा सोमातुक्‍माओ सेवा मेत्‍मुवानिन। ख्रिस्‍तदा कायुङ खानानिन झाराएदा सेवाङ्‌नि लिने।

३ युहन्‍ना 1:14

अ़ङ्‌का खाना च़क्‍नि तुप्‍मा स़ङाङा, खोन्‍कि अ़क्‍नि आन्‍चुओ दोआङा हान्‍चिने।

खाङ्‌मुमा 1:4

एसियादाओ सात्‌कातात साम्‍भुङ्‌चिएदा युहन्‍नाओ अ़सेवा। खोक्‍कोसोओ अ़चुहाङ्‌मुखा बुदाओ सात्‌कातात लावादाङ्‌का खानानिन सोमातुक्‍मा खोन्‍कि सेवाङ्‌नि लिसानिन। खोक्‍को म़युङ्‌याङ, म़युङाङा, खोन्‍कि म़तायाङ।