एफिसि 5:6 - बान्‍तावा राई

⁶ साङ्‌आछाङ खानानिन सोज्‍जेओ य़ङ्‌आ ऩधान्‍तिमिन्‍ने, देकिनालो मो य़ङ्‍ओ अ़तुक्‌वाआ लोमान्‍तेत्‍चिएदा निनाम्‍हाङ्‌ओ अ़चुच़ऱपा छुक।

एफिसि 5:6 ပူးပေါင်းရင်းမြစ်များ

मत्‍ति 24:24

देकिनालो सोज्‍जेओ ख्रिस्‍तचि, खोन्‍कि सोज्‍जेओ निनाम्‍हाङ्‌य़ङ खाकालुचि म़लोन, खोन्‍कि लिमा ऱनालो छेन्‍माय़ङ्‌चिछाङ थेम्‍माखात्‍माचि निम्‍पाङ अ़धिवो बुन्‌चि खोन्‍कि म़दोम्‍दाओ काचिचिछाङ म़मुचि।

मत्‍ति 24:4

खोन्‍कि येसुआ मोचि म़लासुलोचि, “चाप्‍चेत्‍तानिन्‍चिन, साङ्‌आछाङ खानानिन ऩथेम्‍सिमिन्‍ने।

मर्कुस 13:22

देकिनालो सोज्‍जेओ ख्रिस्‍तचि, खोन्‍कि सोज्‍जेओ निनाम्‍हाङ्‌य़ङ खाकालुचि म़लोन, खोन्‍कि लिमा ऱनालो छेन्‍माय़ङ्‌चिछाङ थेम्‍माखात्‍माचि निम्‍पाङ बुन्‌चि खोन्‍कि म़दोम्‍दाओ काचिचिछाङ म़मुचि।

मर्कुस 13:5

खोन्‍कि येसुआ मोचि म़लासुलोचि, “चाप्‍चेत्‍तानिन्‍चिन, साङ्‌आछाङ खानानिन ऩथेम्‍सिमिन्‍ने।

रोमि 1:18

निनाम्‍हाङ्‌ओ अ़चुच़ऱपा झारा म़नाचिओ अ़चुहेवा खोन्‍कि अ़चुओ अ़अ़त्‍पाओ अ़देङ्‌सालाप्‍पादा निनाम्‍मादुङ्‌का खाङ्‌मुसायुङ्‌सा। मो अ़चुओ अ़अ़त्‍पा काचिआ अ़छ़ङ तिमुयुङ्‌सु।

कलस्‍सि 2:18

सिम्‍सिन्‍चिन्‌वा च़सा खाङ्‌कामु म़नाचि खोन्‍कि निनाम्‍हाङ काफाचि काब़क म़नाचिआ खानानिन ऩसुङ्‌तिमिन्‍ने। मोचिआ ओचिओ सेन्‍चि खाम्‌योम्‍कानि म़य़ङ, मेन ओ झारा सोज्‍जे ओ, देकिनालो मोचिओ अ़चुमिन्‍माचि हेवामि मित्‍माआ भेप्‍तुकि ऱक्‍भाक लिसायुङ्‌सा।

कलस्‍सि 2:4

साङ्‌आछाङ सोज्‍जेओ चाप्‍चाय़ङ्‌चिआ खानानिन ऩधान्‍तिमिन्‍ने निकिना अ़ङ्‌का खानानिन ओ लोनानिन।

कलस्‍सि 2:8

चाप्‍चेत्‍तानिन्‍चिन, साङ्‌आछाङ खानानिन म़नाचिएदाङ्‌का ताओ सोज्‍जेओ खोन्‍कि अ़होम्‍पा चिन्‍माय़ङ्‌दाङ्‌का ऩथेम्‍सिन्‍खात्‍तिमिन्‍ने। मो य़ङ्‌चि ख्रिस्‍तदाङ्‌का माआङ, मेन म़नाचिओ अ़चुच़माथाङ्‌मा खोन्‍कि हेन्‍खामादाओ तायादाङ्‌का म़ताओ य़ङ्‌चि ओ।

कलस्‍सि 3:6

ओ अ़अ़त्‍पा य़ङ्‌चिओ अ़तुक्‌वाआ निनाम्‍हाङ्‌ओ अ़चुच़ऱपा लोमावा मान्‍च़कादाचिएदा तायाङ।

२ थेसलोनिकि 2:3

साङ्‌आछाङ खानानिन देत्‍निकिछाङ ऩधान्‍तिमिन्‍ने। देकिनालो बुया ङेन मान्‍लिमाङ्‌तारि माङ्‌लो य़ङ्‌हुप्‌वा मान्‍च़कादा, लुक्‍मादा काखात म़ना खाङ्‌मान्‍मुयुक्‍नान्‍चिन्‌तारि मो लेन अ़तानिन।

हिब्रु 13:9

अ़खाला-खालाओ मान्‍सिन्‍माय़ङ्‌ओ चिन्‍माय़ङ्‌चिआ खानानिन ऩतित्‍तिन्‍खातिमिन्‍ने। देकिनालो चामायु दुङ्‌मायुओ य़ङ्‌हुप्‌आ माआङ, मेन निनाम्‍हाङ्‌ओ अ़चुसोमातुक्‍माआ साकोङ्‌वा छोलो मुमादा अ़नुवाक मु। चामायु दुङ्‌मायुओ य़ङ्‌हुप्‌आ मो य़ङ्‌हुप कात़ङ्‌चि नुलोक मान्‍मुयुक्‍तुचि।

हिब्रु 3:19

खोन्‌ओसा आन्‍कान खाम, अ़चुसाकोङ्‌छ़ङ मान्‍मुदामाआ मोचि सावातोम्‍खादा वाङ्‌मा मान्‍ऱचि।

१ पत्रुस 2:8

खोन्‍कि, “मोक्‍को अ़क्‍ताक लुङ्‌ताक्‌आङा म़नाचि धुङ्‌म़मेत्‍तुचि, खोन्‍कि मोक्‍को लुङ्‌छ़ङ्‌आङा म़नाचि काधाम म़मुचि।” देकिनालो मोचि निनाम्‍हाङ्‌ओ अ़चुय़ङ ऩङाअ़छित, मोचिओ निकि ओवात्‍नि लिमाङा निनाम्‍हाङ्‌ओ अ़चुमिन्‍मा याआङा।

१ युहन्‍ना 4:1

सोमातुक्‍नाङ्‌नानिन्‌ओ यावाचि ओ, झारा लावाचि साकोङ्‌छ़ङ मान्‍मुदानुम्‍च़म, मेन लावाचि निनाम्‍हाङ्‌दाङ्‌का म़ताओ हे माआङ, मोचि सिन्‍मा निम्‍पाङ चिन्‍ताखानुम्‍च़म, देकिनालो सोज्‍जेओ निनाम्‍हाङ्‌य़ङ खाकालुचि ओ हेन्‍खामादा झारादात्‍नि म़खारायुङ्‌सा।