एफिसि 5:23 - बान्‍तावा राई

²³ देत्‍नि ख्रिस्‍त साम्‍भुङ्‍ओ अ़मुलो म़युङ्‌याङ, मोवात्‍नि खिम्‍हाङ्‌पा खिम्‍हाङ्‌माओ अ़मुलो ओ। मो साम्‍भुङ खोक्‍कोसोओ अ़चुपोक ओ, खोन्‍कि खोक्‍कोङा मोसोओ अ़कालेन्‍पा ओ।

एफिसि 5:23 ပူးပေါင်းရင်းမြစ်များ

छाम्‍माय़ङ 20:28

खानानिन आम्‍नुओ निम्‍पाङ खोन्‍कि सेङ्‌लावाआ खाङ्‌मा ऩप़न्‌ओ साम्‍भुङ्‌दाओ झारा साकोङ्‌छ़ङ कामुचिओ निम्‍पाङ चाप्‍चेत्‍तानिन्‍चिन। निनाम्‍हाङ्‌आ येसुओ अ़चुह़लाम्‍पा म़खिरुचिओ साम्‍भुङ काखाङ्‌चि लिसानिन।

१ कोरिन्‍थि 6:13

“चामायु बुक्‌ओ निम्‍पाङ ओ, बुक चामायुओ निम्‍पाङ ओ।” मेन निनाम्‍हाङ्‌आ ह्‍वातात्‍माङ म़लुक्‍तुचि। पोक ताङ्‌लान्‌ओ निम्‍पाङ माआङ, मेन हाङ्‌पाओ निम्‍पाङ ओ, खोन्‍कि हाङ्‌पा पोक्‌ओ निम्‍पाङ ओ।

एफिसि 4:15

माङ्‌लो, सोम्‍तुक्‍माएनान अ़छ़ङ चेप्‌याङ्‌सा, झारा य़ङ्‌दा आन्‍कान खोक्‍कोएदातारि माङ्‌लो ख्रिस्‍तएदातारि पोयिन्‍ने, खोक्‍कोङा अ़छोङ ओ।

एफिसि 5:24

देत्‍नि साम्‍भुङ ख्रिस्‍तओ अ़चुपाङ्‌दा युङ्‌याङ, मोवात्‍निङा खिम्‍हाङ्‌माचिछाङ झारा य़ङ्‌चिदा अ़चुखिम्‍हाङ्‌पाचिओ अ़चुक़म्‍मादा म़युङ्‌ने।

कलस्‍सि 1:18

खोक्‍को साम्‍भुङ्‌ओ अ़छोङ म़मुयाङ, खोन्‍कि मो साम्‍भुङ खोक्‍कोसोओ अ़चुपोक ओ। खोक्‍को अ़पुङ्‌चिपुक ओ, म़सुवादाओचिदाङ्‌का काखोन्‍लोन खोक्‍को बुयाओ म़मुयाङ। खोन्‌ओसा झारा य़ङ्‌चिदाङ्‌का खोक्‍को अ़छोङ्‌दुओ म़लिने।

१ थेसलोनिकि 1:10

खोन्‍कि निनाम्‍मादुङ्‌का काय़ निनाम्‍हाङ्‌ओ अ़चुछा येसु त़हुङुम्‌योम्‌निछाङ मोचि म़य़ङ्‌याङ। खोक्‍को निनाम्‍हाङ्‌आ म़सुवादाओदाङ्‌का अ़लासाखोन्‍तालोइसा, खोक्‍कोसाआङा तामा मुयाङ्‌ओ निनाम्‍हाङ्‌ओ अ़चुमाइसुङ्‌दाङ्‌का आन्‍कान म़लेन।

खाङ्‌मुमा 19:7

आन्‍कान आन्‍ऩङानुसिन्‍चिन्‍ने खोन्‍कि ऩङ्‌नुखालोक्‍ताखा मुन्‍ने, खोक्‍कोसोओ अ़चुऩङ लोङ्‌सुम्‍ने! देकिनालो थुबाछाओ अ़चुसायाकाम्‍मा ग़रि तायुङ्‌सा, खोन्‍कि खोक्‍कोसोओ अ़चुसायाकाकाम्‍मा आप्‍पि मोसोओ निम्‍पाङ म़चुम्‍सान्‌युङ्‌सान्‍चिन।

खाङ्‌मुमा 5:9

मोचिआ अ़क्‌तात अ़ऩङ्‌वा छाम अ़लुवा। “खानानिन ओ छाप्‍लाखाओ अ़भोङ कालोक खोन्‍कि मोसोओ अ़सेप्‍खाचि फोङ्‌मा त़खान्‍तिन्‌ओ त़मुन्‌येन। देकिनालो खानानिन ऩसेरिन, खोन्‍कि आम्‍नुओ स़मा हेन्‍खोक्‌वाआ खानानिन निनाम्‍हाङ्‌ओ निम्‍पाङ झारा भुङ्‌चि, य़ङ्‌चि, म़नाचि खोन्‍कि रावाचि त़खिरुम्‍च़म।