एफिसि 5:20 - बान्‍तावा राई

²⁰ अ़धुन झारा य़ङ्‌चिओ निम्‍पाङ आन्‍हाङ्‌पा येसु ख्रिस्‍तओ अ़चुऩङ्‌दा निनाम्‍हाङ पापा आलाङ पुवानुम।

एफिसि 5:20 ပူးပေါင်းရင်းမြစ်များ

युहन्‍ना 15:16

अ़ङ्‌का खानानिन्‌आ मान्‍छेन्‍त़दाङ्‌ऩङ, मेन अ़ङ्‌का खानानिन छेन्‍नानिन खोन्‍कि खानानिन खात्‍मा छाम्‍नानिन। खानानिन खारानिन खोन्‍कि सिवा लिसानिन, खोन्‍कि आम्‍नुओ सिवा याक्‌युङ्‌ने। खोन्‍किना खानानिन्‌आ अ़ङ्‌पापा अ़ङ्‌ऩङ्‌दा दि त़दोत्‍तुम, खोक्‍कोसाआ खानानिन मो ऩप़न।

छाम्‍माय़ङ 5:41

खोन्‍किना छाम्‍माय़ङ्‌चि येसुओ अ़चुऩङ्‌दा साया ऩपेप्‍तिन्‍काओ आङ्‌मा अ़खान्‍तिन्‍काओ लिसिन्‌युङ्‌सिन्‍का निकिना अ़चुऩङानुयाङ्‌सा धियायोक्‍खादाङ्‌का बुङ्‌खाया म़लोन्‍ताखारा।

रोमि 1:8

झारादाङ्‌का बुया, अ़ङ्‌का अ़ङ्‌निनाम्‍हाङ येसु ख्रिस्‍तलाम्‍पा खानानिन झारासोओ निम्‍पाङ आलाङ प़ङ। देकिनालो आम्‍नुओ साकोङ्‌छ़ङ्‌ओ अ़तुक्‌वादा झारा हेन्‍खामादा खालुसायुङ्‌सा।

१ कोरिन्‍थि 1:4

ख्रिस्‍त येसुदा निनाम्‍हाङ्‌आ खानानिन सोमा ऩतुक्‍तिन्‌ओसा आम्‍नुओ निकि अ़ङ्‌का अ़धुन निनाम्‍हाङ आलाङ प़ङ।

१ कोरिन्‍थि 15:24

खोन्‍किना अ़लुक्‍मा ता, खोन्‍कि खोक्‍कोसाआ झारा हाङ्‌काचिचि, पाङ्‌चि खोन्‍कि सावाचि म़लुक्‍तुचिकिना पापा निनाम्‍हाङ हाङ्‌होन अ़प़।

एफिसि 5:4

खाक्‍कोछाङ चिप्‍माकात्‍तुओ य़ङ, खामान्‍सिन चेप्‍मा माङ्‌लो सोज्‍जेओ चुत्‍माय़ङ अ़मुन्‍मिन्‍ने। ओ य़ङ्‌चिआ खानानिन त़खान्‍तिमिन, मेन खानानिन्‌आ निनाम्‍हाङ आलाङ प़मादोत।

फिलिप्‍पि 1:3

अ़ङ्‌का खानानिन झारा मित्‍नानिन्‌ओ ग़रि अ़ङ्‌का अ़ङ्‌निनाम्‍हाङ आलाङ प़ङ।

फिलिप्‍पि 4:6

खाक्‍कोछाङ य़ङ्‌दा मिन्‍राक मान्‍मुदानिन, मेन झारा य़ङ्‌दा आम्‍नुओ यामात्‍मा खोन्‍कि दोत्‍माय़ङ्‌लाम्‍पा आलाङ्‌एनान खानानिन दोत्‌ओचि निनाम्‍हाङ दोत्‍तानुम।

कलस्‍सि 3:17

दे-दे त़य़ङिन, दे-दे त़च़न, मो झारा हाङ्‌पा येसुओ अ़चुऩङ्‌दा खोक्‍कोलाम्‍पा निनाम्‍हाङ पापा आलाङ प़याङ्‌सा मुवानुम।

१ थेसलोनिकि 3:9

आम्‍नुओ सोम्‍कुवाओ निम्‍पाङ आन्‍निनाम्‍हाङ्‌ओ अ़चुबुदा ब़द्‍धे आन्‍काओ ऩङानुवायुङ्‌सा। खोन्‍कि मोसोओ निकिना आन्‍कान्‍का निनाम्‍हाङ दियाको आलाङ प़मा ऱम्‍का?

१ थेसलोनिकि 5:18

झारा ग़रिचिदा निनाम्‍हाङ आलाङ पुवानुम। देकिनालो ख्रिस्‍त येसुलाम्‍पा आम्‍नुओ निम्‍पाङ निनाम्‍हाङ्‌ओ अ़चुमिन्‍मा ओङा ओ।

२ थेसलोनिकि 1:3

ब़ब़, नाना खोन्‍कि निछाचि ओ, आम्‍नुओ निकिना अ़धुन आन्‍कान्‍का निनाम्‍हाङ आलाङ प़माङादोत, देकिनालो आम्‍नुओ सोम्‍कुवा च़लोक पोन्‌याङ, खोन्‍कि अ़क्‍छा निएदा झारासोओ आम्‍नुओ सोम्‍तुक्‍मा पोन्‌याङ।

२ थेसलोनिकि 2:13

हाङ्‌पाआ सोमाऩतुक्‍तिन्‌ओ ब़ब़, नाना खोन्‍कि निछाचि ओ, आम्‍नुओ निकि आन्‍कान्‍का अ़धुन निनाम्‍हाङ आलाङ मान्‍प़माङ अ़ऱन्‍मिन्‍का, देकिनालो बुयादाङ्‌काङा सेङ्‌लावाओ सेङ्‌मा काचिलाम्‍पा खोन्‍कि अ़छ़ङ्‌दाओ साकोङ्‌छ़ङ्‌लाम्‍पा ह़ङ्‌म़ङ प़मा निम्‍पाङ निनाम्‍हाङ्‌आ खानानिन ऩछेन्‍तिन।

हिब्रु 13:15

मोवात्‍नि येसुओ अ़चुऩङ्‌दा निनाम्‍हाङ चोन्‍माओ हेन्‍खोक्‌वा अ़धुन आन्‍कान प़म्‍ने। ओ ना हाङ्‌पानि काबुत म़नाचिआ दोसिवादाङ्‌का चोन्‍माय़ङ य़ङ ओ।

१ पत्रुस 2:5

खोन्‍कि खानानिन्‌छाङ येसु ख्रिस्‍तलाम्‍पा निनाम्‍हाङ्‌आ लोक्‍माखान्‍तुओ लावामि हेन्‍खोक्‌वाचि काधान सेङ्‌याङ्‌ओ काब़क्‍पा लिमा निम्‍पाङ अ़ह़ङ लुङ्‌चिवात्‍नि लावामि खिम लियाङ्‌सा त़खारिन।

१ पत्रुस 4:11

साङ चेप्‌नालो निनाम्‍हाङ्‌ओ अ़चुय़ङ खालुसिन्‌वा चेप्‍ने। काब़त निनाम्‍हाङ्‌आ प़माय़ङ्‌ओ सावालाम्‍पा ब़रुने। ओवात्‍नि झारा य़ङ्‌दा येसु ख्रिस्‍तलाम्‍पा निनाम्‍हाङ्‌ओ अ़चुऩङ चोन्‍ने। तोक्‍पो सावा खोन्‍कि अ़चुऩङ्‌चोन्‍मा अ़धुन-अ़धुन्‌तारि खोक्‍कोसोओ लियुङ्‌ने। मोवात्‍निङा लिने!