एफिसि 4:30 - बान्‍तावा राई

³⁰ खोन्‍कि निनाम्‍हाङ्‌ओ अ़चुसेङ्‌लावा दुखा मान्‍प़दानुम, खोक्‍कोएदा लेन्‍माय़ङ लेन्‌ओ निम्‍पाङ खानानिन ऩसेप्‍तिन्‌युङ्‌सिन।

एफिसि 4:30 ပူးပေါင်းရင်းမြစ်များ

मर्कुस 3:5

खोक्‍कोसोओ अ़चुच़ऱपाआ मोचिओ अ़चुऱङ्‌कोप्‍नि म़चोउचि, देकिनालो खोक्‍को मोचिओ अ़चुऱक्‍भाक साकोङ्‌वाआ अ़न्‍नुनु अ़चुमिन्‍मा तुआ। खोन्‍किना खोक्‍कोसाआ मो म़ना अ़लोवा, “आम्‍छुक फेसु।” खोसाआ अ़छुक फेसु, खोन्‍कि बुयावाङा लासालिसा!

लुका 21:28

ओ य़ङ्‌चि लिमा पुङ्‌सुङुचिहिदा पुवालोन्‍तानिन्‌कि आम्‍नुओ ताङ्‌चि ङोङ्‌सानुम्‍च़म। देकिनालो निनाम्‍हाङ्‌आ खानानिन लेन्‍मा ग़रि च़क्‌दा तायाङ।”

युहन्‍ना 3:33

साङ्‌आ खोक्‍कोसोओ अ़सालुम्‍स़ङ लोउयुङ्‌सु, मोसाआ निनाम्‍हाङ अ़छ़ङ म़मुयाङ्‌निओ य़ङ अ़छ़ङ खाङ्‌मुसु।

छाम्‍माय़ङ 7:51

खानानिन लोमान्‍तेत म़नाचि ओ, ऱक्‍भाक साकोङ्‌वा कामु खोन्‍कि निनाम्‍हाङ्‌ओ अ़चुय़ङ मान्‌एन्‍कादा खानानिन अ़धुन सेङ्‌लावाओ अ़चुदेङ्‌सालाप्‍पा त़च़न। आम्‍नुओ सुन्‍तुम्‌चि देत्‍नि म़चुवा, खानानिन्‌छाङ मोवात्‍निङा त़च़न।

रोमि 8:11

येसु म़सुवादाओदाङ्‌का अ़ह़ङ कामुओ अ़चुलावा खानानिन्‌एदा म़याक्‌नालो ख्रिस्‍त येसु म़सुवादाओदाङ्‌का काह़ङ्‌लोन्‌आ खानानिन्‌एदा कायाक खोक्‍कोसोओ अ़चुलावालाम्‍पा स़दाओ आम्‍नुओ पोक्‌छाङ ह़ङ्‌म़ङ अ़प़।

रोमि 8:23

खोन्‍कि मुन्‍माय़ङ्‌आ ओन्‍ङा माआङ, मेन आन्‍कान आप्‍पि साङ्‍एदा सेङ्‌लावाओ बुयाओ अ़सिवा याक्‌याङ, तात्‍माछावात्‍नि लोक्‍लुमा खोन्‍कि आन्‍पोक लेन्‍माओ निम्‍पाङ राक्‌एनान हुङ्‌याङ्‌सा आन्‍कान आप्‍पिछाङ आन्‍कोङ्‌हुत्‌या ह़त्‍पा लुन्‌येन।

१ कोरिन्‍थि 1:30

निनाम्‍हाङ्‌आ खानानिन ख्रिस्‍त येसुएनान अ़क्‌तात ऩमुन्‌युङ्‌सिन। खोक्‍कोङा आन्‍को निम्‍पाङ निनाम्‍हाङ्‌एदाङ्‌काओ ताया माङ्‌लो आन्‍कान साम्‌योक्‍मि काकान, आन्‍कान कासेङ खोन्‍कि आन्‍कान कालेन्‍पा म़लिसायुङ्‌सा।

१ कोरिन्‍थि 15:54

मोन्‍ग़रि लुक्‍खात्‌ओसाआ अ़लुक्‍निन्‍खात्‍निन्‌ओ खोन्‍कि स़दाओसाआ अ़स़निन्‍दानिन्‌ओ लोउ, खोन्‍कि “स़मा छोमाआ ख़ङ्‌सुखात्‍तु”नि साम्‍कालिन्‌दा छाप्‍तायुङ्‌साओ य़ङ ताला।

१ थेसलोनिकि 5:19

सेङ्‌लावाओ अ़काचि मान्‍छेक्‍दानुम।

हिब्रु 10:29

खानानिन मित्‍तानुम, निनाम्‍हाङ्‌ओ अ़चुछा अ़लाङ्‌थेम भेन्‌यु कानेप्‌चि, खाक्‍को ह़आ म़सेङ खोन्‍कि निनाम्‍हाङ्‌ओ अ़चुय़ङ्‌छ़ङ अ़छ़ङ मु, मो ख्रिस्‍तओ अ़चुह़ दिसुवा मान्‍मित्‍कादा खोन्‍कि सोमाकातुक सेङ्‌लावा कासुङ्‌चिआ देम चात्‍लो दन्‍दा अ़तोक?

हिब्रु 3:10

खोन्‌ओसा मो दुङ्‌एनान अ़ङ्‌को अ़ङ्‌च़ऱपाकारा खोन्‍कि य़ङाङ, ‘मोचिओ अ़चुसाकोङ्‌वा अ़धुन अ़ङ्‌कादाङ्‌का थेम्‍खात, मोचिआ अ़ङ्‌लाम मान्‍सिन्‌अ़युक।’

हिब्रु 3:17

खोन्‍कि साङ्‌एनान खोक्‍को चालिस्‌कादोङ्‌तारि अ़चुच़ऱपाकारा? दि मोचि हेवा म़मुवाकि लेक्‍लेक्‍लेक्‌वाओदा म़सुवादाओचि माआङ?