एफिसि 4:29 - बान्‍तावा राई

²⁹ आम्‍नुओ दोदाङ्‌का यासान्‍मा य़ङ अ़लोन्‍निन्‍ने, मेन ग़रिएनान तोङ्‌ओ खोन्‍कि अ़नुवाक यायोक अ़तोक्‌ओ ओन्‍ङा चेवानिन, ओ य़ङ्‌आ काएन्‌चिआ सोमातुक्‍मा अ़तोक्‍ने।

एफिसि 4:29 ပူးပေါင်းရင်းမြစ်များ

मत्‍ति 5:16

ओवात्‍निङा आम्‍नुओ साम म़नाचिओ अ़चुबुदा लेत्‍ने, खोन्‍कि मोचिआ आम्‍नुओ अ़नुवाक काचि अ़खाङ्‌ने खोन्‍कि निनाम्‍मादुओ आम्‍नुओ पापाओ अ़चुऩङ अ़लोङ्‌ने।

लुका 4:22

खोक्‍कोसोओ अ़चुय़ङ काएन्‌चि झारासाआ खोक्‍कोसोओ अ़चुतुक्‌वादा “अ़नुवाक”नि अ़लोवा। मेन खोक्‍को एन्‍नुलो म़चेवाओ अ़एनाकि मोचि दोम्‍तुदोचि खोन्‍कि “दि ओक्‍को योसेफ्‌ओङा अ़छा माआङ कि?”नि मोचि म़य़ङा।

युहन्‍ना 1:37

खो य़ङाओ ओ य़ङ अ़एनाचुकिना मो ह़वाङ अ़काखेङ्‌पाचिआ येसु अ़त़ङ्‌ताचु।

रोमि 14:19

खोन्‌ओसा आन्‍कान दिसाआ सेवाङ्‌नि म़प़, मो य़ङ्‌चि त़ङ्‌तुम्‍च़म्‍ने खोन्‍कि मोसाआ अ़क्‍छा निएदा सोम्‍कुवा पोइसु।

रोमि 15:2

आन्‍कान झारासाआ आन्‍तेन्‍पाङ मित्‍मादोत, खोन्‍कि अ़नुवाक य़ङ्‌चिआ खोसोओ साकोङ्‌छ़ङ पोन्‍मा फासु।

१ कोरिन्‍थि 14:19

खोन्‍नुछाङ, साम्‍भुङ्‌दा नि य़ङ्‌दा दस हजाराकाय़ङ्‌चिदा चेप्‍मादाङ्‌का ना तुप्‍तुम्‌ओ पाच्‌का य़ङ्‌आ निचि चिन्‍माचि अ़ङ्‌का चेप्‍मा स़ङा।

एफिसि 4:12

खोन्‌ओसा, ख्रिस्‍तओ अ़चुपोक पोन्‍ने खोन्‍कि ब़त्‍माओ काचिचि कामु निनाम्‍हाङ्‍ओ अ़चुम़नाचि म़चुम्‍नान्‍चिन्‍ने निकिना खोक्‍कोसाआ ओवात्‍नि अ़मुवा।

एफिसि 4:16

खोक्‍कोलाम्‍पाङा झारा आन्‍पोक काम्‍साओ खोन्‍कि छुम्‍साओ झारा अ़धाङ्‍आ तोङ्‌लो काचि मुयाङ्‌सा पोक्‌दा पोन खोन्‍कि सोमातुक्‍मादा पोन्‌याङ्‌सा खात।

कलस्‍सि 4:6

युम्‌आ चामायु चानुलो मुन्‌वात्‍नि आम्‍नुओ हान्‍मा चेप्‍मा अ़धुन सोमातुक्‍माओ मुवानुम्‌कि झारा देत्‍नि तोङ्‌लो य़ङ्‌लामाचिदोत्‌ओ, मो खानानिन सिन्‍तानुम।

१ थेसलोनिकि 5:11

खोन्‌ओसा अ़क्‍छा निएदा राक प़काप़ मुवानिन खोन्‍कि अ़क्‍छा निएदा निनाम्‍हाङ साकोङ्‌छ़ङ मुमादा फाकाफा मुवानिन, अ़नुछ्‍या मोवात्‍निङा खानानिन त़च़न्‌येन्‌छाङ।

१ पत्रुस 2:12

निरावाचिओ अ़चुरादा आम्‍नुओ च़माथाङ्‌मा अ़नुवाक मुवानुम। मोचिआ खानानिन अ़त्‍लो काच़चिनि आम्‍नुओ देङ्‌सालाप्‍पादा म़चेप्‌नुछाङ मोचिआ आम्‍नुओ अ़नुवाक काचिचि म़खाचिकि हाङ्‌पा म़ताओ लेन मोचिआ निनाम्‍हाङ्‌ओ अ़चुओ ऩङ अ़चोन्‍ने।

१ पत्रुस 3:1

मोवात्‍निङा खिम्‍हाङ्‌माचि ओ, खानानिन्‌छाङ आम्‍नुओ खिम्‍हाङ्‌पाचिओ अ़चुक़म्‍मादा युङानिन। खोन्‍नालो मोचि निनाम्‍हाङ्‌ओ अ़चुय़ङ्‌दा साकोङ्‌छ़ङ ऩमुनिन्‌नुछाङ, आम्‍नुओ च़माथाङ्‌माआ मोचि देत्‍छाङ मान्‍लोमाङ फान्‍मा त़ऱम्‍च़म।

२ पत्रुस 2:18

मोचि ऱक्‍भाक्‌एनान तोक्‍पो-तोक्‍पो खामान्‍सिन य़ङ म़मु, खोन्‍कि राक्‍काभाला अ़अ़त्‍पा लाम्‌दाङ्‌का म़लासाताओचि मोचिआ पोक मित्‍माय़ङ थालिदा म़धान्‍तुचि।