एफिसि 4:24 - बान्‍तावा राई

²⁴ खोन्‍कि निनाम्‍हाङ्‌ओ अ़चुकात्‍मादा अ़नुछ्‍याओ साम्‌योक्‍मि खोन्‍कि सेङ्‌माय़ङ्‌दा मुयाओ अ़ऩङ्‌वा च़माथाङ्‌मा लोआनुम।

एफिसि 4:24 ပူးပေါင်းရင်းမြစ်များ

लुका 1:75

मोवात्‍नि आन्‍कान ह़ङिन्‌येन्‌ओन खोक्‍कोसोओ अ़चुबुदा सेङ्‌लो खोन्‍कि साम्‌योक काचि मुयाङ्‌सा ह़ङिन्‌येन्‌ओन खोक्‍को ब़क्‍मा ऱम्‍ने।

युहन्‍ना 17:17

आम्‍नुओ य़ङ अ़छ़ङ ओ। आम्‍नुओ अ़छ़ङ य़ङ्‌लाम्‍पा मोचि खानानिन ब़त्‍सि सेङ्‌सानुम्‍च़म।

रोमि 12:2

ओ हेन्‍खामादाओ अ़च़माथाङ्‌माचिवा मान्‍च़दानिन, मेन आम्‍नुओ मिन्‍मादा अ़ऩङ्‌वा लिसानिन्‌कि झारा फान्‍तानिन्‍चिन। खोन्‍किना निनाम्‍हाङ्‌ओ अ़नुवाक, अ़चुऩङानुओ खोन्‍कि अ़छ़ङ अ़चुमिन्‍मा दि ओ, मो खानानिन्‌आ सिन्‍मा त़ऱम।

रोमि 13:12

अ़खाखुत खाराचिआ खोन्‍कि लेन च़क्‌दा ताचिआ। खोन्‌ओसा कुन्‌यामादाओ काचिचि छिरुम्‍च़म्‌कि आन्‍कान साम्‌ओ अ़बान्‍छुबिछु लोउम्‍ने।

रोमि 13:14

मेन हाङ्‌पा येसु ख्रिस्‍तओ अ़मात्‍ऩङ त़ङ्‌तानुम खोन्‍कि हेवामि च़माथाङ्‌माओ मित्‍माचिदा देत्‍नि सोम्‍सेत्‍मान्‍चिन्‌ओ अ़तुक्‌वादा मिन्‍मा मान्‍पाक्‍दानुम।

रोमि 6:4

खोन्‌ओसा बप्‍तिस्‍मालाम्‍पा आन्‍कान खोक्‍कोएनान अ़क्‍नि खुम्‍तिन। देत्‍नि निनाम्‍हाङ पापाओ साम्‍स़रिओ अ़चुसावालाम्‍पा ख्रिस्‍त म़सुवादाओदाङ्‌का म़खोन्‍तालोन्‍ता, मोवात्‍निङा आन्‍कान्‌छाङ अ़ऩङ्‌वा ह़ङ्‌म़ङ्‌ओ लाम्‌दा कोलिन्‍ने।

रोमि 7:6

मेन ओन्‍ग़रि आन्‍कान काक़म य़ङ्‌हुप्‌ओ अ़सावा आन्‍कान्‌एदा मात्‍द़ङ, देकिनालो मोदा स़न्‌कि आन्‍कान य़ङ्‌हुप्‌दाङ्‌का फोङ्‌सिन्‌युङ्‌सिन। खोन्‌ओसा हान बुया छाप्‍ताओ य़ङ्‌हुप्‌दा काङ्‌याङ्‌सा माआङ, मेन सेङ्‌लावाओ अ़ऩङ्‌वा ह़ङ्‌म़ङ्‌दा आन्‍कान निनाम्‍हाङ ब़क्‍तुम।

रोमि 8:29

साङ-साङ खोक्‍कोसाआ बुयाङा म़सिन्‍तुयुङ्‌सुचि, निनाम्‍हाङ्‌आ मोचि आप्‍पिओ अ़चुछा ख्रिस्‍तवात्‍नि मुमा निम्‍पाङ म़छेन्‍तुचि। खोक्‍कोसाआ ओ अ़मुवा, खोन्‌ओसा ब़द्‍धे ब़ब़, नाना खोन्‍कि निछाचिएदा ख्रिस्‍त झारादाङ्‌का ब़ब़ म़लिने।

१ कोरिन्‍थि 15:53

देकिनालो ओ लुक्‍खात्‌ओ पोक्‌आ अ़लुक्‍निन्‍खात्‍निन्‌ओ खोन्‍कि ओ स़दाओ पोक्‌आ अ़स़निन्‍दानिन्‌ओ लोक्‍मादोत।

२ कोरिन्‍थि 3:18

खोन्‍कि आन्‍कान झारा मुन्‍जेत लाराखाइसाओ ङाइवाचिआ हाङ्‌पाओ अ़चुसाम खाङ्‌मुसुम। खोन्‍कि आन्‍कान खोक्‍कोसोओ अ़चुसाम्‌दा च़लोक्‌वा फान्‌याङ्‌सा खारिन। ओ हाङ्‌पाएदाङ्‌का ता, खोक्‍को सेङ्‌लावा ओ।

२ कोरिन्‍थि 4:16

खोन्‌ओसा देम्‍खाछाङ आन्‍काओ राक अ़स़निन। आन्‍काओ बुङ्‌खालिप्‍पाओ पोक लुक्‌याङ्‌सा खात्‌याङ, खोन्‍नुछाङ आन्‍काओ लावामि ह़ङ्‌म़ङ अ़लेन्‍खिन्‍तुम अ़ऩङ्‌वा लियाङ्‌सा खात्‌याङ।

२ कोरिन्‍थि 5:17

देकिनालो साङ ख्रिस्‍तदा युङ्‌याङ, खो अ़ऩङ्‌वा मुन्‍माय़ङ ओ। बुयाओ खाराचिआयुङ्‌सा, खानुम, अ़ऩङ्‌वा तायुङ्‌सा।

गलाति 3:27

देकिनालो खानानिन्‌एदाओ देम्‍पाङ्‌साआ ख्रिस्‍तदा बप्‍तिस्‍मा त़लोउम, खानानिन झारासाआ अ़ऩङ्‌वा तित त़हुम्‍सिन्‌येन्‌वा ख्रिस्‍तवाको त़लिसिन्‌युङ्‌सिन।

गलाति 6:15

सिप्‍मायाम्‍बुन पाक्‍तुम्‌नुछाङ अ़पाक्‍तिमिन्‌नुछाङ, मेन अ़ऩङ्‌वा लावामि ह़ङ्‌म़ङ तोक्‍मा अ़च़वाङ ओ।

एफिसि 2:10

देकिनालो आन्‍कान अ़नुवाक काचिचिओ निम्‍पाङ ख्रिस्‍त येसुदा मुन्‍माय़ङ खोक्‍कोसोओ अ़चुसिकि ओ। आन्‍कान अ़नुवाक काचि मुन्‍ने निम्‍पाङ निनाम्‍हाङ्‌आ बुयाङा अ़चुम्‍सायुङ्‌सा ओ।

एफिसि 2:15

खोन्‍कि खोक्‍कोसाआ यहुदि य़ङ्‌हुप, मोसोओ अ़लोमाय़ङ्‌चि खोन्‍कि साम्‌योक्‍मि य़ङ्‌हुप्‌चि अ़चुस़मालाम्‍पा अ़लुक्‍ता। खोक्‍कोसोओ अ़चुमित्‍चिऩङ आप्‍पि खोक्‍कोएदाङा ह्‍वा रुहुप म़नाचि अ़क रुहुप अ़ऩङ्‌वा म़ना मुमा दोराङा, ओवात्‍नि खोक्‍कोसाआ अ़चुरादा सेवाङ्‌नि म़मुचि।

एफिसि 6:11

सैतानाओ अ़मित्‍चिऩङ्‌ओ अ़देङ्‌सालाप्‍पादा पुक्‍मालोन्‍मा ऱमा निम्‍पाङ निनाम्‍हाङ्‌ओ झारा अ़चुबान्‍छुबिछुचि बित्‍तानुम्‍च़म।

तितस 2:14

झाराकापाराओ आन्‍हेवादाङ्‌का आन्‍कान फोङ्‌सि, आन्‍कान सेङ्‌सि, खोन्‍कि अ़नुवाक काचि मुमा कास़ आप्‍पिओ अ़चुम़ना मुसि येसु ख्रिस्‍तआ आन्‍को निकि अ़चुह़ङ्‌म़ङ म़पुवा।

हिब्रु 1:8

मेन अ़चुछाओ अ़तुक्‌वादा खोक्‍को म़य़ङ, “अ़ङ्‌निनाम्‍हाङ, आम्‍नुओ हाङ्‌युङ्‌खा अ़धुन-अ़धुन्‌तारिओ निम्‍पाङ युङ्‌युङ, खोन्‍कि खानानिन साम्‌योक छ़ङ्‌त़छेन्‍तिन।

हिब्रु 12:14

झारा म़नाचिएनान नुलोक तोङानिन्‌कि युङानिन। सेङ्‍ओ ह़ङ्‌म़ङ ह़ङानिन। सेङ्‌लो मान्‍ह़ङ्‌माङ साङ्‌आछाङ हाङ्‌पा अ़खान।

१ पत्रुस 2:2

अ़ऩङ्‌वा म़पुक्‍तान्‍चिन्‌ओ छाचिवात्‍नि अ़च़क़ल़क लावामि ओम्‍पिवा अ़न्‍नुनु मित्‍मा सुवानिन, खोन्‌ओसा खानानिन ओलाम्‍पा लेन्‍मादा पोन्‌याङ्‌सा खात्‍मा त़ऱन्‍ने।

२ पत्रुस 1:4

ओलाम्‍पाङा अ़लुङ्‌स़रिओ खोन्‍कि तोक्‍पो अ़चुहिप्‍माय़ङ्‌चि आन्‍कान म़पुवायुङ्‌सा, खोन्‌ओसा ओ हेन्‍खामादाओ पोप्‍माय़ङ अ़अ़त्‍पा मित्‍माचिदाङ्‌का फुङ्‌सानिन खोन्‍किना खानानिन निनाम्‍हाङ्‌ओ अ़चुच़माथाङ्‌मादा वाङानिन।