एफिसि 4:22 - बान्‍तावा राई

²² म़प्‍मा मित्‍माआ अ़त्‍लो लिसाओ आम्‍नुओ बुयाओ ह़ङ्‌म़ङ्‌ओ च़माथाङ्‌माओ अ़तुक्‌वादा बुयाओ आम्‍नुओ ह़ङ्‌म़ङ छिरानुम,

एफिसि 4:22 ပူးပေါင်းရင်းမြစ်များ

रोमि 6:6

आन्‍कान सिन्‍तुम्‌योम बुयाओ हेवामि आन्‍ह़ङ्‌म़ङ क्रुस्‌दा ख्रिस्‍तएनान ख़न्‍तायुङ्‌सा। खोन्‌ओसा आन्‍ह़ङ्‌म़ङ्‌चिदा हेवाओ अ़सावाआ अ़क़म्‍तुन्‍ने। हान्‌दाङ्‌का ह्‍यात्‍नि आन्‍कान हेवाओ अ़हारुक माआङ।

रोमि 7:11

देकिनालो हेवाआ लोमाय़ङ्‌लाम्‍पा अ़वाखाम तोक्‍तुकि अ़ङ्‌का अ़म़प्‍ताङ, खोन्‍कि मो लोमाय़ङ्‌लाम्‍पा अ़ङ्‌का अ़सेराङ।

२ कोरिन्‍थि 11:3

मेन देत्‍नि प़ओ अ़चाप्‍चाआ हब्‍बा म़प्‍तु, मोवात्‍निङा ख्रिस्‍तएदा आम्‍नुओ अ़छ़ङ खोन्‍कि सेङ्‌याङ्‌ओ ब़क्‍मालाम्‍पा आम्‍नुओ मिन्‍माचि फेन्‍मादा म़छुक हे निकिना अ़ङ्‌क़मा कात्‌याङ।

गलाति 1:13

अ़ङ्‌का यहुदि साम्‌योक्‌दा याआङ्‌याङ्‌हिदा बुया अ़ङ्‌का द्‍याक्‍को मुवाङ्‌याङ्‌निओ य़ङ्‌ओ अ़तुक्‌वादा खानानिन्‌आ त़एनुम्‌युङ्‌सुम, देत्‍नि अ़ङ्‌का निनाम्‍हाङ्‌ओ अ़चुसाम्‍भुङ्‌चि चाअ़त्‍लो दुखा प़ङ्‌च़ङ, खोन्‍कि मोचि लुक्‍मा लाप्‍तुङ्‌च़ङ।

एफिसि 2:3

अ़नुछ्‍या झारा आन्‍कान्‌छाङ मोचिओ अ़चुरादा अ़क्‍दु आन्‍पोक्‌ओ हेवामि च़माथाङ्‌मा च़क्‍ख़य़चिदा आन्‍ऩङानुवाङा, खोन्‍कि आप्‍पि आन्‍मित्‍माचि खोन्‍कि मिन्‍माचिवात्‍नि च़न्‌येन। नि म़नाचिवात्‍नि आन्‍कान च़माथाङ्‌माआ हेवामि लिसिन्‌ओसा आन्‍कान निनाम्‍हाङ्‌ओ अ़चुलोमा मान्‍काङ्‌दान्‌येन।

एफिसि 4:17

हान अ़ङ्‌का हाङ्‌पाओ अ़चुओ ऩङ्‌दा क़न्‍नान्‍चिन्‍सा य़ङ्‌ङा, खोन्‍कि हाङ्‌पादा सालुम्‍स़ङ प़ङ, निरावाचि देत्‍नि मोचिओ अ़चुमित्‍माचिओ सोज्‍जेदा म़ह़ङ, मोवात्‍नि खानानिन हान्‌दाङ्‌का मोह्‍यात्‍नि मान्‍ह़ङ्‌दानिन।

एफिसि 4:25

खोन्‌ओसा खानानिन झारासा म़प्‍मा छिरानुम, खोन्‍कि आम्‍नुओ तेन्‍पाङ्‌चिएनान अ़छ़ङ चेवानिन, देकिनालो आन्‍कान झारा अ़क्‌तात पोक्‌ओ अ़फुत्‍चि ओ।

एफिसि 4:31

झारा ख़क्‍लेप्‍पा य़ङ, माइसुङ, च़ऱपा, काचेङ्‌वा, सुङ्‌मा खोन्‍किना झाराकाखालाओ ऩङ्‌च़ छिरानुम।

कलस्‍सि 2:11

खानानिन ख्रिस्‍तदा तामाङा सिप्‍मायाम्‍बुन पाक्‍तिन्‌वाको ओ। म़नाओ अ़छुक्‌आ पाक्‍माय़ङ सिप्‍मायाम्‍बुन माआङ, मेन ख्रिस्‍तआ पाक्‍माय़ङ सिप्‍मायाम्‍बुन्‌आ हेवा मुमा सावादाङ्‌का म़फोङ।

तितस 3:3

देकिनालो आन्‍कान आप्‍पिछाङ अ़क्‍दु खामान्‍सिन, लोमावा मान्‍च़कादा खोन्‍कि लाम मान्‍तुम्‍केसुम्‌युङ्‌सुम। आन्‍कान झाराकापाराओ राका खोन्‍कि ताकावा च़माओ अ़हारुक्‌चि मुन्‌येन। आन्‍ह़ङ्‌म़ङ अ़त्‍लो मित्‍मा खोन्‍कि छुन्‌दा खाइसुम्‌योम, चिप्‍माकात्‍लो मुन्‌येन, खोन्‍कि अ़क्‍छा निआ चिप्‍मा कात्‍काकात मुन्‌येन।

हिब्रु 12:1

आन्‍ऱङ्‌कोप्‌नि ओन ब़द्‍धे म़ना मुक्‍लाओ सालुम्‍स़ङ्‌चि म़युङ्‌याङ, खोन्‌ओसा आन्‍कान झारा बुया खात्‍मा काछेक झारा य़ङ्‌चिदाङ्‌का खोन्‍कि हेवाओ वाय़दाङ्‌का फोङ्‌सिन्‍चिन्‍ने, खोन्‍कि आन्‍बुदा म़युक्‍ताओ लोत्‍मा राक मान्‍सेत्‍माङ लोरिन्‍ने।

हिब्रु 3:13

मेन “आय़ओ लेन”निओ य़ङ युङ्‌याङ्‌तारि अ़लेन्‍खिन्‍तुम अ़क्‍छा निएदा राक प़मुवानिन, खोन्‌ओसा हेवाओ म़प्‍माआ आम्‍नुओ साङ्‌कोछाङ साकोङ्‌वा छाक्‍लो अ़लिनिन्‍ने।

याकुब 1:21

खोन्‌ओसा झारा अ़त्‍लो य़ङ खोन्‍कि झारा अ़अ़त्‍पादाङ्‌का फेआनिन्‍चिन, आम्‍नुओ साकोङ्‌वादा लित्‍ताओ निनाम्‍हाङ्‌ओ अ़चुय़ङ सिम्‍नान्‍चिन्‍सा लोआनुम। देकिनालो निनाम्‍हाङ्‌ओ अ़चुय़ङ्‌आ आम्‍नुओ ह़ङ्‌म़ङ रात्‍तु।

याकुब 1:26

साङ साम्‌योक्‍मिनि मित्‍नान्‍चिन्‌कि अ़लेम अ़क़म्‍तुन्‌नालो खोङा धान्‍नान्‍चिन, खोन्‍कि खोसोओ अ़साम्‌योक सोज्‍जेओ लि।

१ पत्रुस 1:18

खानानिन त़सिन्‍तुम्‌योम, आम्‍नुओ सुन्‍तुम्‌चिदाङ्‌का त़तोक्‍तुम्‌ओ सोज्‍जेओ च़माथाङ्‌मादाङ्‌का खानानिन ऩफोङ्‌सिन। ओ फोङ्‌मा ना हाराक्‌वा खोन्‍कि रुपावाको लुक्‍खात्‌ओ सामालाम्‍पा आम्‍नुओ लुङ अ़छोराकि त़तोक्‍तुम्‌ओ माआङ।

१ पत्रुस 4:3

खाराओ लेन्‍चिदा निरावाचिआवात्‍नि खानानिन्‌आ ताङ्‌लान, अ़अ़त्‍पा मिन्‍मा, खाबात्‍सेत्‍चाले, ताकावा च़मा, खाबात्‌दुङ्‌खा रुहुप्‌दा खोन्‍कि चिप्‍माकात्‍तुओ सेम्‍पोक ब़क्‍मादा आम्‍नुओ ग़रि च़लोक त़क़प्‍तुम्‌युङ्‌सुम।

२ पत्रुस 2:13

मोचिआ नि म़नाचि दुखा म़प़चिवात्‍नि मोचिआछाङ दुखा आङ्‌मादोत। मोचिओ अ़चुमिन्‍मादा अ़खोलेन्‌ङा कुक्‍भुक्‍नि चामा खोन्‍कि दुङ्‌मा अ़चुऩङानु। आम्‍नुओ रादा मोचि लेजो खोन्‍कि सायापेप्‍माय़ङ ओ। मोचि आम्‍नुओ यावायोक खाबाचादा चासि त़युङिन्‌हिदाछाङ धान्‍मा अ़चुऩङानु।

२ पत्रुस 2:7

खोन्‍कि खोक्‍कोसाआ अ़त्‍लोकाच़चिओ अ़चुहात्‍मादाङ्‌का चाअ़त्‍लो दुखादा छुक्‍ताओ साम्‌योक्‍मि लोत अ़लेइसा।