एफिसि 4:16 - बान्‍तावा राई

¹⁶ खोक्‍कोलाम्‍पाङा झारा आन्‍पोक काम्‍साओ खोन्‍कि छुम्‍साओ झारा अ़धाङ्‍आ तोङ्‌लो काचि मुयाङ्‌सा पोक्‌दा पोन खोन्‍कि सोमातुक्‍मादा पोन्‌याङ्‌सा खात।

एफिसि 4:16 ပူးပေါင်းရင်းမြစ်များ

युहन्‍ना 15:5

अङ्‌गुरा ताङ अ़ङ्‌का ओ, खोन्‍कि अ़खेक्‌चि खानानिन ओ। साङ अ़ङ्‌काएदा याक, खोन्‍कि अ़ङ्‌का खोएदा याक्‍ङानालो मोसाआ ब़द्‍धे सिवा सिसु। अ़ङ्‌कादाङ्‌का अ़थाया त़युङिन्‌कि खानानिन्‌आ दित्‍छाङ मुमा त़ऱन्‍मिन।

रोमि 12:4

देत्‍नि आन्‍को अ़क्‌तात ओ आन्‍पोक्‌दा ब़द्‍धे आन्‍पोक्‍फुत्‍चि म़याक खोन्‍कि झारा पोक्‍फुत्‍चिओ अ़क्‌तात्‌ङा अ़चुकाचि अ़मुनिन,

१ कोरिन्‍थि 10:17

मोदा पेम्‍पाक अ़क्‌तात्‌ङा युङ्‌याङ, आन्‍कान ब़द्‍धेकापाङ्‌नुछाङ अ़क्‌याम्‌ङा ओ, देकिनालो आन्‍कान झारासाआ अ़क्‌तात पेम्‍पाक्‌दाङ्‌का चान।

१ कोरिन्‍थि 13:13

साकोङ्‌छ़ङ मुमा, तामामित्‍मा, खोन्‍कि सोम्‍तुक्‍मा, ओचि सुम्‌कातात अ़धुन्‌तारि म़युङ्‌युङ। मेन ओचिदाओ तोक्‍पो सोम्‍तुक्‍मा ओ।

१ कोरिन्‍थि 8:1

हान सेम्‍पोक्‌चि प़माय़ङ चामायुओ अ़तुक्‌वादा खाम्‍ने। आन्‍कान सिन्‍तुम्‌योम, आन्‍कान झाराएदा आन्‍खारु याक्‌याङ। खारुआ ऱक्‍भाक तारु, मेन सोम्‍तुक्‍माआ उन्‍निज़ङ्‌नि मुयाङ्‌सा खात्‍तु।

गलाति 5:22

मेन सेङ्‌लावाओ अ़चुसिवा सोम्‍तुक्‍मा, मिन्‍माचानुमा, सेवाङ्‌नि, हुङ्‌मा, सोम्‍तुक्‍मा खाङ्‌मुमा, नुलोक मुमायु, सोम्‍कुवामुमायु,

गलाति 5:6

ख्रिस्‍त येसुएदा सिप्‍मायाम्‍बुन पाक्‍तुम्‌नुछाङ अ़पाक्‍तिमिन्‌नुछाङ मो अ़च़वाङ य़ङ माआङ। मेन साकोङ्‌छ़ङ सोमातुक्‍मालाम्‍पा खाङ्‌मु।

एफिसि 1:4

निनाम्‍हाङ्‌ओ अ़चुबुदा सेङ्‌याङ्‌ओ खोन्‍कि थुपि मात्‍द़ङ्‌ओ लिसिन्‍ने निकिना हेन्‍खामा मुन्‍मा बुयाङा आन्‍कान सोमाम़तुक्‍ताकि ख्रिस्‍तएदा आन्‍कान म़छेन्‍ता।

एफिसि 3:17

खोन्‍कि साकोङ्‌छ़ङ्‌लाम्‍पा ख्रिस्‍त आम्‍नुओ साकोङ्‌वाचिदा म़याक्‍ने, खोन्‍कि सोम्‍तुक्‍मादा आम्‍नुओ भेन पाक्‍तुओ खोन्‍कि छ़ङ युङ्‌सानुम निम्‍पाङ अ़ङ्‌का यामात्‍ङा।

एफिसि 3:7

खोक्‍कोसोओ अ़चुसावाओ काचिवा अ़ङ्‌का प़माय़ङ निनाम्‍हाङ्‌ओ मो सोमातुक्‍माओ छुक्‍तुप्‍मावा ओ नुय़ङ्‌खान्‌ओ अ़ङ्‌का अ़क्‍छा अ़हारुक लिसाङ।

एफिसि 4:12

खोन्‌ओसा, ख्रिस्‍तओ अ़चुपोक पोन्‍ने खोन्‍कि ब़त्‍माओ काचिचि कामु निनाम्‍हाङ्‍ओ अ़चुम़नाचि म़चुम्‍नान्‍चिन्‍ने निकिना खोक्‍कोसाआ ओवात्‍नि अ़मुवा।

एफिसि 4:15

माङ्‌लो, सोम्‍तुक्‍माएनान अ़छ़ङ चेप्‌याङ्‌सा, झारा य़ङ्‌दा आन्‍कान खोक्‍कोएदातारि माङ्‌लो ख्रिस्‍तएदातारि पोयिन्‍ने, खोक्‍कोङा अ़छोङ ओ।

फिलिप्‍पि 1:9

अ़ङ्‌यामात्‍मा ओङा ओ: अ़नुछ्‍याओ ताया खोन्‍कि तुप्‍मा सावादा आम्‍नुओ सोमातुक्‍मा च़लोक पोन्‌याङ्‌सा खात्‍ने।

कलस्‍सि 2:19

ख्रिस्‍त ताङ्‌ओनुछाङ मोचि खोक्‍कोएनान मान्‍चोक्‍म़युक। खोसाआ सावाऱक खोन्‍कि अ़तुम्‌चिलाम्‍पा पोक्‌दा दोत्‌याङ्‌ओ झारा खाइसुकि झारा पोक्‍फुत्‍चि अ़क्‍नि लाउचि। खोन्‍कि मो पोक निनाम्‍हाङ्‌ओ अ़चुमिन्‍मावा पोन।

कलस्‍सि 2:2

मोचिआ अ़चुसाकोङ्‌वादा राक अ़तोक्‍ने, खोन्‍कि सोम्‍तुक्‍मादा अ़क्‍नि म़लिने निकिना अ़ङ्‌का ओ दुखा मुङ्‌योङ्‌ओ। मोचिआ निनाम्‍हाङ्‌ओ अ़चुकोङ्‌दुम्‌ओ ताया सिन्‍मादा मोचि नुछ्‍याङा अ़छ़ङ म़लिनेनि मिन्‍ङाङा। मो कोङ्‌दुम ख्रिस्‍त आप्‍पि ओ।

१ थेसलोनिकि 1:3

आन्‍निनाम्‍हाङ पापाओ अ़चुबुदा आम्‍नुओ साकोङ्‌छ़ङ्‌दाङ्‌का त़मुम्‌ओ काचि, खोन्‍कि सोमातुक्‍माआ त़मुम्‌ओ काचि खोन्‍कि आन्‍हाङ्‌पा येसु ख्रिस्‍तएदा त़मुम्‌ओ सोम्‍कुवाआ खानानिन त़छोसिन्‌ओ आन्‍कान्‍का अ़धुन मित्‍तुम्‌युङ्‌सुम्‍का।

१ थेसलोनिकि 2:13

खोन्‌ओसा आन्‍कान्‍का अ़धुन निनाम्‍हाङ आलाङ प़म्‍का, देकिनालो खानानिन्‌आ आन्‍कान्‍काएदाङ्‌का त़एनुम्‌ओ निनाम्‍हाङ्‌ओ अ़चुय़ङ खानानिन्‌आ म़नाओ अ़य़ङ्‌वा मान्‍लोक्‍त़दोम, मेन अ़नुछ्‍या निनाम्‍हाङ्‌ओ अ़चुय़ङ्‌वात्‍तिङा त़लोउम। मो य़ङ्‌आ खानानिन साकोङ्‌छ़ङ कामुचिएदा काचि मुङु।

१ थेसलोनिकि 3:12

खोन्‍कि आन्‍कान्‍का खानानिन सोमातुक्‍निवा हाङ्‌पाआ खानानिन खोन्‍कि झारा म़नाचिएनान अ़क्‍छा निएदा सोम्‍तुक्‍मुमादा च़लोक ऩपोइसिन्‍ने।

२ थेसलोनिकि 1:3

ब़ब़, नाना खोन्‍कि निछाचि ओ, आम्‍नुओ निकिना अ़धुन आन्‍कान्‍का निनाम्‍हाङ आलाङ प़माङादोत, देकिनालो आम्‍नुओ सोम्‍कुवा च़लोक पोन्‌याङ, खोन्‍कि अ़क्‍छा निएदा झारासोओ आम्‍नुओ सोम्‍तुक्‍मा पोन्‌याङ।

१ तिमोथि 1:5

अ़ङ्‌को ओ लोमाय़ङ्‌ओ मित्‍चिऩङ ओवाको ओ: सेङ्‌याङ्‌ओ साकोङ्‌वा, अ़नुवाक छेन्‍खाताया खोन्‍कि अ़नुछ्‍याओ साकोङ्‌छ़ङ्‌लाम्‍पा ताओ सोमातुक्‍माआ म़भेप्‍तुचिने।

१ पत्रुस 1:22

हान खानानिन अ़छ़ङ य़ङ्‌दा लोमाय़ङ्‌वा त़च़न्‌किना आम्‍नुओ मिन्‍मा त़सेङ्‌सुम्‌ओसा आम्‍नुओ साकोङ्‌छ़ङ कामु यावाचि सोमातुक्‍तानुम्‍च़म। अ़क्‍छा निएदा साकोङ्‌वादाङ्‌का राक्‌एनान सोम्‍तुक्‍मुवानिन।

१ युहन्‍ना 4:16

खोन्‍कि ओवात्‍नि निनाम्‍हाङ्‌आ आन्‍कान सोमाम़तुक्‍ताओ आन्‍कान सिन्‍तुम्‌योम, खोन्‍कि साकोङ्‌छ़ङ मुन्‌येन। निनाम्‍हाङ सोमाकातुक म़युङ्‌याङ, खोन्‍कि साङ सोमातुक्‍मादा युङ, मो निनाम्‍हाङ्‌एदा युङ, खोन्‍कि निनाम्‍हाङ मोएदा म़युङ।