एफिसि 4:11 - बान्‍तावा राई

¹¹ खोन्‍कि खोक्‍कोसोओ अ़चुओ मोहामाय़ङ्‌चि ओचिङा ओ, खा-खाक्‍को छाम्‍माय़ङ्‌चि, खा-खाक्‍को निनाम्‍हाङ्‌य़ङ खाकालुचि, खा-खाक्‍को नुय़ङ्‌खान खाकालुचि, खा-खाक्‍को साम्‍भुङ्‌दाओ काखाङ्‌चि खोन्‍कि खा-खाक्‍को काचिन्‌चि म़छेन्‍तुचि।

एफिसि 4:11 ပူးပေါင်းရင်းမြစ်များ

मत्‍ति 28:20

अ़ङ्‌का खानानिन लोनानिन्‌ओ झारा य़ङ्‌चि मोचि मुमा चिन्‍तानुम्‍च़म। खानुम, अ़ङ्‌का जुगाओ आदेङ्‌तारि अ़धुन खानानिन्‌एनान युङ्‌ङायुङ्‌ङा।”

छाम्‍माय़ङ 13:1

एन्‍तिओखिया सहरादाओ साम्‍भुङ्‌दा निनाम्‍हाङ्‌य़ङ खाकालुचि खोन्‍कि काचिन्‍पाचि म़याआङा। मोचि बारनाबास, माक़च़क्‍पानि लोवाङाओ सिमियोन, कुरेनिदाओ लुकियस, हेरोद हाङ एन्‍तिपास्‌ओ अ़छायुङ्‌काओ अ़यावा मनेन खोन्‍कि सावल म़याआङा।

छाम्‍माय़ङ 20:28

खानानिन आम्‍नुओ निम्‍पाङ खोन्‍कि सेङ्‌लावाआ खाङ्‌मा ऩप़न्‌ओ साम्‍भुङ्‌दाओ झारा साकोङ्‌छ़ङ कामुचिओ निम्‍पाङ चाप्‍चेत्‍तानिन्‍चिन। निनाम्‍हाङ्‌आ येसुओ अ़चुह़लाम्‍पा म़खिरुचिओ साम्‍भुङ काखाङ्‌चि लिसानिन।

छाम्‍माय़ङ 21:8

अ़माङ्‌कोलेन तोलेमाइस सहरा छिरुम्‍दोम्‍काकि आन्‍कान्‍का कैसरिया सहरादा तान्‍लान्‍का। आन्‍कान्‍का मोदा नुय़ङ्‌खान खाकालु फिलिप्‌ओ अ़खिम्‌दा याइन्‍का। खो सात्‌कापाङ साम्‍भुङ्‌काफाचिदाङ्‌का अ़क्‍छा ओ।

रोमि 12:7

ओ ब़त्‍मा काचि ओनालो मोसाआ ब़रुने, चिन्‍मा काचि ओनालो मोसाआ चिन्‍तुचिने,

१ कोरिन्‍थि 12:4

लावामि सावाचि अ़खाला-अ़खालाओ म़मुयाङ, मेन सेङ्‌लावा अ़क्‍छा म़युङ्‌याङ।

एफिसि 2:20

देकिनालो खानानिन छाम्‍माय़ङ्‌चि खोन्‍कि निनाम्‍हाङ्‌य़ङ खाकालुचिओ अ़चुछ़ङ्‌दा त़लिसिन्‌युङ्‌सिन, खोन्‍कि ख्रिस्‍त आप्‍पि मुलो खुचुरोङ लुङ म़लिसायुङ्‌सा।

एफिसि 3:5

मो य़ङ खोक्‍कोसोओ म़सेङ्‌याङ्‌ओ छाम्‍माय़ङ्‌चि खोन्‍कि निनाम्‍हाङ्‌य़ङ खाकालुचि सेङ्‌लावालाम्‍पा आइमित खाङ्‌अ़मुसायुङ्‌सा, मो बुयाओ दुङ्‌चिदाओ म़नाचि सिन्‍मान्‍मेत्‌चि।

एफिसि 4:8

खोन्‌ओसा ओवात्‍नि म़य़ङायुङ्‌सा, “खोक्‍को झोन्‌याङ्‌ओदु म़वाङाखाराहिदा काछेक्‌चि म़छेक्‍तुखात्‍तुचि, खोन्‍कि म़नाचि आसिखा म़प़चि।”

२ तिमोथि 4:5

मेन खाना झारा ग़रि क़म्‍तान्‍चिन। दुखा आङ्‌तु, नुय़ङ्‌खान खालुमा काचि मुवा, खोन्‍कि आम्‍ब़क्‍मा काचि तासुलो।

हिब्रु 5:12

अ़ङ्‌य़ङ्‌मा ओक्‍को ओ, ओन्‍ग़रितारि ना खानानिन काचिन लिमाचिन्‍मा दोराङाओ, मेन हान्‍छाङ खानानिन निनाम्‍हाङ्‌ओ अ़चुतुक्‌वादाओ ताक्‍पेत्‍निओ य़ङ्‌चि चिन्‍मा म़दोत्‌याङ। खानानिन छाक्‌याङ्‌ओ चामायु चामा माआङ, मेन ओम्‍पिवा दुङ्‌मा दोत्‌याङ।

यहुदा 1:17

मेन सोमातुक्‍नाङ्‌नानिन्‌ओ यावाचि ओ, खानानिन्‌आ आन्‍हाङ्‌पा येसु ख्रिस्‍तओ अ़चुछाम्‍माय़ङ म़नाचिआ बुया खाअ़लुसाओ य़ङ्‌चि मित्‍तानुम्‍च़म।

खाङ्‌मुमा 18:20

खोन्‍किना निनाम्‍मादुङ्‌का अ़क्‌तात य़ङ ता, “निनाम्‍मादु कायुङ्‌चिओ, आम्‍नुओ ऩङानुसानिन्‍चिन! निनाम्‍हाङ काब़क्‌चि, छाम्‍माय़ङ म़नाचि खोन्‍कि निनाम्‍हाङ्‌य़ङ खाकालुचि ओ, ऩङानुसानिन्‍चिन! मोसाआ खानानिन्‌एदा मुओ अ़त्‍लोओ निनाम्‍हाङ्‌आ छ़ङ्‌अ़छेन्‍तायुङ्‌सा।”

खाङ्‌मुमा 21:14

सहरादाओ कुदारिओ अ़छ़ङ्‌चि बारकातात म़याआङा। मो झारा दुङ्‌दा थुबाछाओ बारकापाङ छाम्‍माय़ङ म़नाचिओ अ़चुऩङ छाप्‍ताङा।