एफिसि 3:20 - बान्‍तावा राई

²⁰ हान खोक्‍कोसोओ निम्‍पाङ आन्‍कान्‌एदा काचि मुमा खोक्‍कोसोओ अ़चुसावाओ काचिवा आन्‍कान दोरुम्‌ओ माङ्‌लो मित्‍तुम्‌ओदाङ्‌का अ़न्‍नुनु च़लोक मुमा अ़ऱ।

एफिसि 3:20 ပူးပေါင်းရင်းမြစ်များ

मत्‍ति 3:9

खोन्‍कि ‘आन्‍कान अब्राहाम्‌ओ अ़छावारिचि लिसिन्‌ओसा निनाम्‍हाङ्‌ओ अ़चुमाइसुङ्‌दाङ्‌का लेरिन्‍का’नि आम्‍नुओ मिन्‍मादा मान्‌य़ङ्‌दानिन। अ़ङ्‌का खानानिन लोनाङ्‌नानिन, निनाम्‍हाङ्‌आ ओ लुङ्‌चिदाङ्‌काछाङ अब्राहाम्‌ओ अ़छावारिचि मुमा म़ऱचि।

युहन्‍ना 10:10

काख़ ना ख़सि, सेत्‍सि खोन्‍कि लुक्‍सि ओन्‍ङा ता। मेन अ़ङ्‌का ना भेराचिआ ह़ङ्‌म़ङ अ़तोक्‍ने खोन्‍कि मो ह़ङ्‌म़ङ च़लोक अ़तोक्‍ने निकिना ताङ्‌ओ।

रोमि 16:25

हान आन्‍कान झारासा निनाम्‍हाङ्‌ओ अ़चुऩङ्‌लोङ्‌सुम्‍ने! अ़ङ्‌का येसु ख्रिस्‍तओ अ़चुतुक्‌वादा खालुसुङ्‌ओ नुय़ङ्‌खान्‌लाम्‍पा खोक्‍कोसाआ खानानिन आम्‍नुओ साकोङ्‌छ़ङ्‌दा सावापोरिओ मुमा ऩऱन। मो नुय़ङ्‌खान्‌ओ अ़कोङ्‌दुम्‌ओ तुप्‍माय़ङ, जुगा-जुगायुङ्‌का कुम्‍सायुङ्‌सा।

रोमि 4:21

खो अ़हिप्‍ताओ य़ङ निनाम्‍हाङ्‌आ झारा तामालामा अ़ऱ निकिना अब्राहाम अ़नुछ्‍या साकोङ्‌छ़ङ मुवाङा।

१ कोरिन्‍थि 2:9

मेन ओवात्‍नि छाप्‌याङ, “म़नाआ देम्‍खाछाङ मान्‍खाङ्‌युक्‍तुओ, अ़नाबाक्‌आ मान्‌एन्‌युक्‍तुओ, देम्‍खाछाङ मान्‍मित्‌दोओ य़ङ निनाम्‍हाङ्‌आ खोक्‍को सोमाकातुक्‌चिओ निम्‍पाङ म़चुम्‍सुप़युङ्‌सुचि।”

२ कोरिन्‍थि 9:8

निनाम्‍हाङ्‌आ खानानिन झारा आसिखा च़लोक प़मा ऩऱन। खोन्‌ओसा खानानिन्‌एदा अ़धुन झारा य़ङ च़लोक युङ्‌ने, खोन्‍कि झारा अ़नुवाक काचिओ निम्‍पाङ च़लोक प़मा रुवानिन।

एफिसि 1:19

खोन्‍कि आन्‍कान साकोङ्‌छ़ङ कामुचिओ निम्‍पाङ खोक्‍कोसोओ तोङ्‌माखाङ्‌मा अ़ऱन्‍मिन्‌ओ तोक्‍पो अ़चुसावा दि ओ, खानानिन सिन्‍मा रुवानुम। मो सावाङा आन्‍कान्‌एदा तोक्‍पो सावापोरिओवात्‍नि काचि म़मुयाङ,

एफिसि 3:7

खोक्‍कोसोओ अ़चुसावाओ काचिवा अ़ङ्‌का प़माय़ङ निनाम्‍हाङ्‌ओ मो सोमातुक्‍माओ छुक्‍तुप्‍मावा ओ नुय़ङ्‌खान्‌ओ अ़ङ्‌का अ़क्‍छा अ़हारुक लिसाङ।

कलस्‍सि 1:29

मो काचिओ निम्‍पाङ अ़ङ्‌कोङ्‌दा काचि म़मुयाङ्‌ओ ख्रिस्‍तओ तोक्‍पो अ़चुसावाआ अ़ङ्‌का अ़न्‍नुनु चात्‍लो काचि मुङा।

१ तिमोथि 1:14

खोन्‍कि येसु ख्रिस्‍तएदाओ अ़ङ्‌साकोङ्‌छ़ङ खोन्‍कि अ़ङ्‌सोमातुक्‍माआ अ़ङ्‌को निम्‍पाङ आन्‍हाङ्‌पा येसुओ अ़चुसोम्‍तुक्‍मा च़लोक खाङ्‌ऩमेत्‍ताङ्‌युङ्‌साङ।

हिब्रु 11:19

निनाम्‍हाङ्‌आ म़नाचि म़सुवादाओदाङ्‌काछाङ लामाखोन्‍मालोन्‍मा म़ऱचि निकिना अब्राहाम मिना, खोन्‍कि अब्राहाम्‌आ इसहाक सुवादाओदाङ्‌का लासिन्‍तोक्‍तिन्‌वा लिसा।

हिब्रु 7:25

खोन्‌ओसा खोक्‍कोलाम्‍पा निनाम्‍हाङ्‌ओ अ़चुच़क्‌दा काताचि खोक्‍कोसाआ ओन्‍ग़रि खोन्‍कि अ़धुन्‌तारि लेन्‍मा म़ऱचि। देकिनालो मोचिओ अ़चुलिप्‍पादा निनाम्‍हाङ्‌एदा यामात्‍सि खोक्‍को अ़धुन म़ह़ङ्‌युङ।

याकुब 4:12

य़ङ्‌हुप काप़ खोन्‍कि छ़ङ्‌काछेन ना निनाम्‍हाङ ओन्‍ङा म़युङ्‌याङ। खोक्‍कोसाआ लेन्‍मा खोन्‍कि लुक्‍माछाङ अ़ऱ। मेन आम्‍नुओ तेन्‍पाङ लाहि कापाक खानानिन साङ ओ?

२ पत्रुस 1:11

खोन्‍नालो खानानिन आन्‍हाङ्‌पा खोन्‍कि कालेन्‍पा येसु ख्रिस्‍तओ अ़धुन्‌ओ अ़चुहाङ्‌होन्‌दा अ़धिवो साऩङ्‌वाएनान वाङ्‌मा त़तोक्‍तुम।

यहुदा 1:24

निनाम्‍हाङ्‌आ खानानिन धाम्‍मादाङ्‌का लेन्‍मा ऩऱन, खोन्‍कि खोक्‍कोसोओ अ़चुसाम्‍स़रि थुपिमात्‍द़ङ्‌ओ तोक्‍पो ऩङानुमाएनान अ़चुबुदा एप्‍ऩमेत्‍तिन।