एफिसि 2:4 - बान्‍तावा राई

⁴ मेन निनाम्‍हाङ्‌ओ अ़चुसोमातुक्‍मा ब़द्‍धे याक्‌याङ, खोन्‍कि खोक्‍कोओ अ़चुसोमातुक्‍मा आन्‍कान्‌एदा अ़न्‍नुनु तोक्‍पो मुयाङ।

एफिसि 2:4 ပူးပေါင်းရင်းမြစ်များ

लुका 1:78

आन्‍निनाम्‍हाङ ब़द्‍धे सोमाकातुक म़युङ्‌याङ, खोन्‌ओसा खोक्‍कोसाआ लोन्‌याङ्‍ओ नाम्‍साम निनाम्‍माचोक्‌दुङ्‌का आन्‍कान्‌एदा अ़य़।

रोमि 10:12

यहुदि खोन्‍कि ग्रिक अ़क्‌तात्‌ओसा, खोक्‍को झारासोओ अ़क्‌तात अ़चुहाङ्‌पा म़युङ्‌याङ। खोन्‍कि खोक्‍को काबुक झारा च़लोक आसिखा म़प़चि।

रोमि 2:4

माङ्‌लो निनाम्‍हाङ्‌ओ अ़चुसोम्‍तुक्‍माआ खाना खोक्‍कोएदा लामान्‍चिन ऩतित्‌नि त़सिन्‍तुन कि, दि खोक्‍कोसोओ तोक्‍पो अ़चुसोम्‍तुक्‍मा, अ़चुआङ्‌मा खोन्‍कि अ़चुहुङ्‌मा त़सुङ्‌तुङु?

रोमि 5:8

मेन निनाम्‍हाङ्‌आ आन्‍कान्‌एदा खोक्‍कोसोओ तोक्‍पो अ़चुसोम्‍तुक्‍मा ओवात्‍नि खाङ्‌अ़मुसा, आन्‍कान हेवामि युङिन्‌येन्‌हिदाङा ख्रिस्‍त आन्‍को निम्‍पाङ म़सुवा।

रोमि 9:23

उवा, साम्‌ओ निम्‍पाङ बुया म़चुम्‍सुचिओ, खोन्‍कि खोक्‍कोसाआ सोमा म़तुक्‍तुचिओचि, ब़द्‍धे अ़चुऩङ्‌लोङ्‌मा खाङ्‌मेत्‍माचि निकिना खोक्‍कोसाआ ओवात्‍नि अ़मुवा।

एफिसि 1:7

निनाम्‍हाङ्‌ओ अ़न्‍नुनु अ़चुसोम्‍तुक्‍माआ ख्रिस्‍तओ अ़चुहेन्‍खोक्‌वालाम्‍पा खोक्‍कोसाआ म़फोङ्‌सा खोन्‍कि आन्‍हेवाचि म़लेत्‍ता।

एफिसि 2:7

येसु ख्रिस्‍तआ ओ आन्‍कान्‌एदाओ खोक्‍कोसोओ अ़चुसोम्‍तुक्‍मादा अ़न्‍नुनु तोक्‍पो अ़चुसोमातुक्‍मा तायाङ्‍ओ जुगादा खाङ्‌मुमा निम्‍पाङ ओ।

एफिसि 3:8

झारा निनाम्‍हाङ्‌ओ अ़चुम़नाचिएदा अ़ङ्‌का अ़न्‍नुनु अ़चुप्‍पा लिसाङ्‌नुछाङ ख्रिस्‍तओ तुप्‍माङा अ़ऱन्‍मिन्‌ओ अ़चुआसिखाओ नुय़ङ्‌खान निरावाचि खाएत्‍मा निम्‍पाङ अ़ङ्‌का ओ अ़वाखाम ऩपुवाङ्‌ओ।

२ थेसलोनिकि 2:13

हाङ्‌पाआ सोमाऩतुक्‍तिन्‌ओ ब़ब़, नाना खोन्‍कि निछाचि ओ, आम्‍नुओ निकि आन्‍कान्‍का अ़धुन निनाम्‍हाङ आलाङ मान्‍प़माङ अ़ऱन्‍मिन्‍का, देकिनालो बुयादाङ्‌काङा सेङ्‌लावाओ सेङ्‌मा काचिलाम्‍पा खोन्‍कि अ़छ़ङ्‌दाओ साकोङ्‌छ़ङ्‌लाम्‍पा ह़ङ्‌म़ङ प़मा निम्‍पाङ निनाम्‍हाङ्‌आ खानानिन ऩछेन्‍तिन।

१ तिमोथि 1:14

खोन्‍कि येसु ख्रिस्‍तएदाओ अ़ङ्‌साकोङ्‌छ़ङ खोन्‍कि अ़ङ्‌सोमातुक्‍माआ अ़ङ्‌को निम्‍पाङ आन्‍हाङ्‌पा येसुओ अ़चुसोम्‍तुक्‍मा च़लोक खाङ्‌ऩमेत्‍ताङ्‌युङ्‌साङ।

२ तिमोथि 1:9

खोक्‍कोसाआ आन्‍कान म़लेइसा, खोन्‍कि सेङ्‌याङ्‌ओ ह़ङ्‌म़ङ ह़ङ्‌सि आन्‍कान म़बुत्‍ता। आन्‍कान अ़नुवाक काचिचि मुन्‌ओसा माआङ, मेन खोक्‍कोसोओ आप्‍पिओ अ़नुवाक मित्‍चिऩङ खोन्‍कि सोमातुक्‍माआ ओ। मो सोमातुक्‍मा खोक्‍कोसा ख्रिस्‍त येसुलाम्‍पा अ़पुङ्‌चिपुक्‌दाङ्‌का बुयाङा आन्‍कान म़पुवा।

१ पत्रुस 1:3

आन्‍हाङ्‌पा येसु ख्रिस्‍तओ अ़चुपा, निनाम्‍हाङ्‌ओ अ़चुऩङ्‌लोङ्‌ने! खोक्‍कोसोओ तोक्‍पो अ़चुसोम्‍तुक्‍माआ म़सुवादाओदाङ्‌का येसु ख्रिस्‍तओ अ़चुलामाखोन्‍मालोन्‍मालाम्‍पा आन्‍कान अ़ऩङ्‌वा ह़ङ्‌म़ङ तोक्‍तुम। हान आन्‍कान अ़ह़ङ सोम्‍कुवादा आन्‍कान अ़क्‌तात लिसिन्‌युङ्‌सिन।