एफिसि 2:21 - बान्‍तावा राई

²¹ खोक्‍कोएदा झारा खिम नुलोक अ़क्‍नि काम, खोन्‍कि हाङ्‌पाएदा अ़क्‌तात सेङ्‌याङ्‌ओ निनाम्‍हाङ ब़क्‍खाखिम लिसि पोन।

एफिसि 2:21 ပူးပေါင်းရင်းမြစ်များ

१ कोरिन्‍थि 3:9

देकिनालो आन्‍काच्‍या ना निनाम्‍हाङ्‌ओ निम्‍पाङ अ़क्‍नि अ़चुकाचि कामुचिओ। खानानिन निनाम्‍हाङ्‌ओ अ़चुव़क ओ, निनाम्‍हाङ्‌ओ अ़चुखिम्‌ओ।

२ कोरिन्‍थि 6:16

सेम्‍पोक्‌एनान निनाम्‍हाङ्‌ओ अ़चुब़क्‍खाखिम देत्‍नि तोङ्‌मा? देकिनालो आन्‍कान अ़ह़ङ निनाम्‍हाङ्‌ओ अ़चुब़क्‍खाखिम ओ। निनाम्‍हाङ ओवात्‍नि म़य़ङायुङ्‌सा, “‘अ़ङ्‌का मोचिएदा याक्‍ङा, खोन्‍कि मोचिओ अ़चुरादा कोन्‍ङा, खोन्‍कि अ़ङ्‌का मोचिओ अ़चुनिनाम्‍हाङ लिङा, खोन्‍किना मोचि अ़ङ्‌म़ना म़लि।’

कलस्‍सि 2:19

ख्रिस्‍त ताङ्‌ओनुछाङ मोचि खोक्‍कोएनान मान्‍चोक्‍म़युक। खोसाआ सावाऱक खोन्‍कि अ़तुम्‌चिलाम्‍पा पोक्‌दा दोत्‌याङ्‌ओ झारा खाइसुकि झारा पोक्‍फुत्‍चि अ़क्‍नि लाउचि। खोन्‍कि मो पोक निनाम्‍हाङ्‌ओ अ़चुमिन्‍मावा पोन।

१ तिमोथि 3:15

मेन अ़ङ्‌का बान्‍मा छ़ङानालो निनाम्‍हाङ्‌ओ अ़चुखिम्‍लुम्‍पादा देत्‍नि तुङ्‌मादोत मो खानानिन सिन्‍मादोत। ओ खिम्‍लुम्‍पा अ़ह़ङ निनाम्‍हाङ्‌ओ अ़चुसाम्‍भुङ ओ, खोन्‍कि अ़नुछ्‍याओ अ़तोम्‍खा खोन्‍कि छ़ङ ओ।