एफिसि 2:19 - बान्‍तावा राई

¹⁹ खोन्‌ओसा खानानिन हान्‌दाङ्‌का तावाङ्‌चि खोन्‍कि प़न्‍थादाओचि माआङ, मेन निनाम्‍हाङ्‌ओ अ़चुम़नाचिएनान खानानिन यावा-ताङ्‌युङ्‌चि खोन्‍कि निनाम्‍हाङ्‌ओ अ़चुखिम्‍लुम्‍पादाओ पाङ्‌यिचि त़लिसिन्‌युङ्‌सिन।

एफिसि 2:19 ပူးပေါင်းရင်းမြစ်များ

मत्‍ति 10:25

काखेङ अ़काचिन्‍पावात्‍नि खोन्‍कि हारुक अ़हाङ्‌पावात्‍नि लिमादा अ़सोम्‍स़ने। मेन मोचिआ अ़ङ्‌का खिम्‍हाङ्‌पाङा चाकावालावाचिओ अ़चुहाङ बालजिबुलनि ऩलोङाङानालो अ़ङ्‌खिम्‍लुम्‍पाचि देम च़लोक अ़त्‍लो म़लोचि!

गलाति 6:10

खोन्‌ओसा आन्‍कान ग़रि तोक्‍तुम्‌वा झारा म़नाचि नुलोक मुम्‍च़म्‍ने, च़लोक्‌वा आन्‍साकोङ्‌छ़ङ्‌लुम्‍पादाओचि।

एफिसि 2:12

मित्‍तानुम, मोन्‍ग़रि खानानिन ख्रिस्‍त मात्‍द़ङ त़युङिन्‌येन। इस्राएल्‌दाओ ताङ्‌युङ्‌दाङ्‌का ऩलोइसिन्‍खाइसिन, खोन्‍कि हिप्‍माय़ङ्‌ओ अ़छ़ङ दुम्‌चिदाङ्‌का तावाङ्‌चि, सोम्‍कुवा मात्‍द़ङ्‌ओ खोन्‍कि ओ हेन्‍खामादा निनाम्‍हाङ मात्‍द़ङ त़लिसिन्‌युङ्‌सिन।

एफिसि 3:15

खोक्‍कोलाम्‍पा निनाम्‍मादुओ खोन्‍कि हेन्‍खामादाओ झारा खिम्‍लुम्‍पाओ अ़नुछ्‍याओ अ़चुह़ङ्‌म़ङ अ़तोक।

एफिसि 3:6

निनाम्‍हाङ्‌ओ अ़चुमित्‍चिऩङ ओङा ओ, नुय़ङ्‌खान्‌लाम्‍पा निरावाचि अ़क्‍नि यहुदिचिएनान पाङ्‌यि कातोक्‌चि ओ, अ़क्‌तात पोक्‌ओ पोक्‍फुत्‌चि ओ, खोन्‍कि ख्रिस्‍त येसुदाओ हिप्‍माय़ङ अ़क्‍नि कातोक्‌चि ओ।

फिलिप्‍पि 3:20

मेन आन्‍ताङ्‌युङ निनाम्‍मादु युङ्‌याङ। खोन्‍कि मोदाङ्‌का म़ताओ आन्‍कालेन्‍पा, हाङ्‌पा येसु ख्रिस्‍त आन्‍कान राक्‍स़रि हुङुम।

हिब्रु 11:13

ओ झारा म़नाचि निनाम्‍हाङ्‌आ प़नानिन निकिना म़हिप्‍तुचिओ य़ङ मान्‍तोक्‍माङ निनाम्‍हाङ साकोङ्‌छ़ङ मुयाङ्‌सा म़सुवादा। खोन्‍नुछाङ निनाम्‍हाङ्‌आ म़हिप्‍तुचिओ य़ङ मोचिआ अ़थायाङ्‌काङा अ़खाकि अ़चुऩङानुवा। मोवात्‍नि मोचिआ खोचि ओ हेन्‍खामादा तावाङ्‌चि खोन्‍कि काहुलुक्‌चि म़मित्‍तान्‍चिन।

हिब्रु 13:14

देकिनालो ओदा आन्‍को निम्‍पाङ अ़धुन युङ्‌युङ्‌ओ सहरा मात्‍द़ङ, मेन तायाङ्‌ओ सहरा आन्‍कान हुङुम्‌योम।

१ पत्रुस 2:11

ओ हेन्‍खामादा निहेन्‍कोप्‌दाओचि खोन्‍कि तावाङ्‌चिवात्‍नि त़मुन्‌येन्‌ओ सोमातुक्‍नाङ्‌नानिन्‌ओ अ़ङ्‌यावाचि ओ, अ़ङ्‌का खानानिन यायोक प़नाङ्‌नानिन, आम्‍नुओ लावाओ अ़देङ्‌सालाप्‍पादा ङेन कामु पोक मित्‍माचिदाङ्‌का अ़थाया युङानिन।

१ युहन्‍ना 3:1

खानुम, निनाम्‍हाङ पापाआ आन्‍कान देम ब़द्‍धे सोमाम़तुक्‍तायुङ्‌सा! खोन्‌ओसा आन्‍कान निनाम्‍हाङ्‌ओ अ़चुछाचिनि लोमादोत, खोन्‍कि अ़नुछ्‍याछाङ ओ। हेन्‍खामादाओ म़नाचिआ आन्‍कान मान्‍सिन्‍दामाङा मोचिआ निनाम्‍हाङ मान्‍सिन्‍दामा ओ।