एफिसि 2:18 - बान्‍तावा राई

¹⁸ देकिनालो ख्रिस्‍तलाम्‍पाङा आन्‍कान झारा यहुदि खोन्‍कि निरावा अ़क्‌तात सेङ्‌लावालाम्‍पा आन्‍निनाम्‍हाङ पापाएदा तामालामा ऱन।

एफिसि 2:18 ပူးပေါင်းရင်းမြစ်များ

मत्‍ति 28:19

खोन्‌ओसा खारानिन, खोन्‍कि झारा रावाचि काखेङ मुवानुम्‍च़म, निनाम्‍हाङ पापा, अ़चुछा खोन्‍कि सेङ्‌लावाओ अ़चुऩङ्‌दा मोचि बप्‍तिस्‍मा पुवानुम्‍च़म।

युहन्‍ना 10:7

खोन्‌ओसा येसुआ मोचि म़लासुलोचि, “अ़नुछ्‍या, अ़ङ्‌का खानानिन लोनानिन, भेरा वाङ्‌खाओ अ़लाप्‍तिखोप अ़ङ्‌काङा ओ।

युहन्‍ना 10:9

लाप्‍तिखोप अ़ङ्‌काङा ओ। साङ अ़ङ्‌कालाम्‍पा वाङ्‌नालो मोचि म़लेत, खोन्‍कि खिम्‍हुत बुङ्‌खा लोइसा वाङ्‌सा म़मु, खोन्‍कि नागिदा चान्‍मा अ़तोक।

युहन्‍ना 14:6

येसुआ अ़लासालोवा, “लाम, अ़छ़ङ खोन्‍कि ह़ङ्‌म़ङ अ़ङ्‌काङा ओ। अ़ङ्‌काएदाङ्‌का नि साङ्‌लाम्‍पाछाङ अ़ङ्‌पापाएदु खात्‍मा अ़ऱनिन।

रोमि 5:2

खोक्‍कोएदाङ्‌का आन्‍कान ओ सोम्‍तुक्‍मादा साकोङ्‌छ़ङ्‌लाम्‍पा वाङ्‌मा तोक्‍तुम्‌युङ्‌सुम। मो सोम्‍तुक्‍मादा आन्‍कान युङिन्‌येन, खोन्‍कि निनाम्‍हाङ्‌ओ अ़चुसाम आन्‍कान्‌छाङ तोक्‍मा सोम्‍कुवादा आन्‍ऩङानुसिन्‍चिन्‍ने।

रोमि 8:15

देकिनालो किन्‍माकि हारुक मुमा लावा खानानिन्‌आ मान्‍तोक्‍त़युक्‍तुम, मेन तात्‍मा छा लिमाओ निम्‍पाङ निनाम्‍हाङ्‌ओ अ़चुलावा त़तोक्‍तुम्‌युङ्‌सुम। खोन्‌ओसा निनाम्‍हाङ लावालाम्‍पा आन्‍कान निनाम्‍हाङ “अब्‍बा! आपो!”नि बुत्‍तुम।

१ कोरिन्‍थि 12:13

अ़क्‌तात सेङ्‌लावालाम्‍पाङा आन्‍कान झारासा अ़क्‌तात पोक्‌दा बप्‍तिस्‍मा तोक्‍तुम्‌युङ्‌सुम, यहुदि माङ्‌लो ग्रिक, हारुक माङ्‌लो फोङ्‌माय़ङ, आन्‍कान झारा अ़क्‌तात सेङ्‌लावा म़पाक्‍तापुवायुङ्‌सा।

१ कोरिन्‍थि 8:6

मेन आन्‍को निम्‍पाङ अ़क्‍छा ओन्‍ङा निनाम्‍हाङ पापा म़युङ्‌याङ। खोक्‍कोङा झारासोओ कामुन्‍पा म़युङ्‌याङ खोन्‍कि खोक्‍कोसोओ निम्‍पाङ आन्‍कान ह़ङिन। अ़क्‍छा ओन्‍ङा आन्‍हाङ्‌पा, येसु ख्रिस्‍त म़युङ्‌याङ। खोक्‍कोलाम्‍पाङा झारा य़ङ्‌चि अ़मुया खोन्‍कि खोक्‍कोलाम्‍पाङा आन्‍कान ह़ङिन।

गलाति 4:6

खानानिन निनाम्‍हाङ्‌ओ अ़चुछाचि त़लिसिन्‌ओसा, निनाम्‍हाङ्‌आ अ़चुछाओ अ़चुलावा आन्‍साकोङ्‌वादा म़पाक्‍तापुवा, मो लावाआ “अब्‍बा, आपो!”नि य़ङ्‌सा अ़बुत।

एफिसि 3:12

खोक्‍कोएदा मुम्‌ओ आन्‍साकोङ्‌छ़ङ्‌लाम्‍पा राक खोन्‍कि सोम्‍कुवादा आन्‍कान निनाम्‍हाङ्‌एदा खात्‍मा तोक्‍तुम।

एफिसि 3:14

खोन्‌ओसा अ़ङ्‌का निनाम्‍हाङ पापाओ अ़चुबुदा अ़ङ्‌तुम्‍प़छ़क तोम्‍तुङ्‌योङ।

एफिसि 4:4

पोक अ़क्‌तात्‌ङा ओ, खोन्‍कि सेङ्‌लावाछाङ अ़क्‌तात्‌ङा म़मुयाङ, मोवात्‍निङा खानानिन ऩबुत्‍तिन्‌हिदा अ़क्‌तात तामामिन्‍मादा ऩबुत्‍तिन्‌ओ।

एफिसि 6:18

अ़धुन यामात्‍मा खोन्‍कि निनाम्‍हाङ्‌एदा फालुयाङ्‌सा सेङ्‌लावादा यामारानिन। ओ मित्‍चिऩङ्‌ओ निम्‍पाङ, चाप्‍चाप्‍चाप्‌वा युङानिन, खोन्‍कि झारा निनाम्‍हाङ्‌ओ अ़चुम़नाचिओ निम्‍पाङ यामारायुङ्‌सानिन।

कलस्‍सि 1:12

खोन्‍कि साम्‌ओ हाङ्‌होन्‌दा आन्‍कान निनाम्‍हाङ्‌ओ अ़चुम़नाचि लिमा काऱ कामु निनाम्‍हाङ पापा आलाङ पुवानुम।

हिब्रु 7:19

देकिनालो मोसाओ अ़य़ङ्‌हुप्‌आ दित्‍छाङ मान्‍तालादो। मेन मोदाङ्‌का च़लोक तामित्‍मा आन्‍कान्‌एदा याक्‌याङ खोन्‍कि ओलाम्‍पा आन्‍कान निनाम्‍हाङ्‌ओ अ़चुच़क्‌दा तामालामा ऱन।

याकुब 3:9

ओ लेम्‌आ आन्‍कान हाङ्‌पा खोन्‍कि निनाम्‍हाङ पापा चोन्‍तुम्‌योम, खोन्‍कि ओ लेम्‌आङा आन्‍कान निनाम्‍हाङ्‌ओ अ़चुकात्‍मादा म़मुयुचिओ म़नाचि माङ्‌हिम्‍सुम्‍च़म।

१ पत्रुस 1:17

साङ्‌लिप्‍पाछाङ मान्‌वाङ्‌माङ झारासोओ काचिदा छ़ङ्‌काछेन निनाम्‍हाङ खानानिन्‌आ “आपो”नि य़ङ्‌सा त़ब़क्‍तुम्‌नालो ओ हेन्‍खामादा निहेन्‍कोप्‌दाओवा त़युङिन्‌येन्‌हिदा आम्‍नुओ च़माथाङ्‌मादा खोक्‍को साया मेत्‍तानुम।

१ पत्रुस 1:21

येसुलाम्‍पा खानानिन निनाम्‍हाङ साकोङ्‌छ़ङ त़मुम। निनाम्‍हाङ्‌आ येसु ख्रिस्‍त म़सुवादाओदाङ्‌का अ़खोन्‍तालोइसा खोन्‍कि खोक्‍को साया अ़मेत्‍ता। खोन्‌ओसा आम्‍नुओ साकोङ्‌छ़ङ खोन्‍कि सोम्‍कुवा निनाम्‍हाङ्‌एदा याक्‌याङ।

१ पत्रुस 3:18

देकिनालो ख्रिस्‍त्‌छाङ आन्‍कान निनाम्‍हाङ्‌एदा तात्‍मा निम्‍पाङ साम्‌योक्‍मि म़ना मान्‍साम्‌योक्‍मिचिओ निकि खोक्‍को अ़धुन्‌ओ निम्‍पाङ हेवामिचिओ अ़चुफान्‌दा अ़क्‍दु म़सुवा। खोक्‍को पोक्‌दा म़सुवा, मेन लावादा म़खोन्‍तालोन्‍ता।

यहुदा 1:20

मेन सोमातुक्‍नाङ्‌नानिन्‌ओ यावाचि ओ, आम्‍नुओ अ़न्‍नुनु सेङ्‌याङ्‌ओ साकोङ्‌छ़ङ्‌दा आप्‍पि खानानिन पोयानिन, खोन्‍कि सेङ्‌लावाओ अ़चुक़म्‍मादा यामारानिन।