एफिसि 2:13 - बान्‍तावा राई

¹³ मेन खानानिन, मोन्‍ग़रि साङ्‌चि येसु ख्रिस्‍तदाङ्‌का अ़थाया त़युङिन्‌येन, हान ख्रिस्‍त येसुएनान अ़क्‍नि त़लिसिन्‌ओसा खोक्‍कोसोओ अ़चुह़आ अ़चुच़क्‌दा ऩतारिन्‌युङ्‌सिन।

एफिसि 2:13 ပူးပေါင်းရင်းမြစ်များ

युहन्‍ना 10:16

अ़ङ्‌को नि अ़ङ्‌भेराचि म़युङ्‌याङ। मोचि ओ रुहुप्‌दाओचि माआङ। मोचिछाङ अ़ङ्‌का तात्‍माचिदोत। मोचिआ अ़ङ्‌य़ङ अ़एन, खोन्‍कि मोचि अ़क रुहुप्‌ओ म़लि, खोन्‍कि मोचिओ निम्‍पाङ अ़क्‍छाङा अ़चुकाखाङ्‌पा लि।

छाम्‍माय़ङ 15:14

निनाम्‍हाङ्‌आ बुयाओदु निरावाचि सोमाम़तुक्‍तुचिकि देत्‍नि मोचिएदाओचि खोसोओ निम्‍पाङ म़नाचि म़छेन्‍तुचि, मोसोओ अ़तुक्‌वादा सिमोन्‌आ आन्‍कान खाम़एत्‍तायुङ्‌सा।

छाम्‍माय़ङ 2:39

ओ हिप्‍माय़ङ आम्‍नुओ खोन्‍कि आम्‍नुओ छाचिओ निकिना ओ, खोन्‍कि अ़थाया कायुङ्‌चि झारा साङ-साङ आन्‍हाङ्‌पा निनाम्‍हाङ्‌आ अ़चुम़ना लिसि म़बुत्‍तुचि, खोक्‍कोसाआ मोचि सेङ्‌लावा म़प़चि।”

छाम्‍माय़ङ 22:21

खोन्‍किना हाङ्‌पाआ अ़ङ्‌का ऩलोवाङ, ‘खारा, देकिनालो अ़ङ्‌का खाना अ़थायातारि अ़ङ्‌तुक्‌वादा निरावाचिएदा अ़ङ्‌सालुम्‍स़ङ प़सि खान्‍ना।’”

छाम्‍माय़ङ 26:18

खाना मोचि निनाम्‍हाङ्‌ओ अ़चुय़ङ चिन्‍तुचि, खोन्‍कि कुइयामादाङ्‌का उयाङ्‌ओदाकि सैतानाओ अ़सावादाङ्‌का निनाम्‍हाङ्‌एदा म़लाने। खोन्‍किना मोचि अ़ङ्‌काएदा मोचिओ अ़चुहेवाचि निनाम्‍हाङ्‌आ म़लेत्‍तुप़चिकिना अ़ङ्‌काएदाओ साकोङ्‌छ़ङ्‌लाम्‍पा म़सेङाकि निनाम्‍हाङ्‌आ म़छेन्‍तुचिओ म़नाचिओ अ़चुरादा मोचिआ युङ्‌मा अ़तोक।’

रोमि 8:1

खोन्‌ओसा हान ख्रिस्‍त येसुएनान अ़क्‍नि कालिचिएदा दन्‍दा मात्‍द़ङ।

१ कोरिन्‍थि 1:30

निनाम्‍हाङ्‌आ खानानिन ख्रिस्‍त येसुएनान अ़क्‌तात ऩमुन्‌युङ्‌सिन। खोक्‍कोङा आन्‍को निम्‍पाङ निनाम्‍हाङ्‌एदाङ्‌काओ ताया माङ्‌लो आन्‍कान साम्‌योक्‍मि काकान, आन्‍कान कासेङ खोन्‍कि आन्‍कान कालेन्‍पा म़लिसायुङ्‌सा।

१ कोरिन्‍थि 12:13

अ़क्‌तात सेङ्‌लावालाम्‍पाङा आन्‍कान झारासा अ़क्‌तात पोक्‌दा बप्‍तिस्‍मा तोक्‍तुम्‌युङ्‌सुम, यहुदि माङ्‌लो ग्रिक, हारुक माङ्‌लो फोङ्‌माय़ङ, आन्‍कान झारा अ़क्‌तात सेङ्‌लावा म़पाक्‍तापुवायुङ्‌सा।

१ कोरिन्‍थि 6:11

खा-खाक्‍को खानानिन्‌छाङ ओवाकोङा त़मुन्‌येन। मेन खानानिन वाऩस़न्‌युङ्‌सिन, खानानिन त़सेङिन्‌युङ्‌सिन, हाङ्‌पा येसु ख्रिस्‍तओ अ़चुऩङ्‌दा खोन्‍कि आन्‍निनाम्‍हाङ्‌ओ अ़चुलावालाम्‍पा खानानिन निनाम्‍हाङ्‌ओ अ़चुबुदा साम्‌योक्‍मि ऩकाइसिन्‌युङ्‌सिन।

२ कोरिन्‍थि 5:17

देकिनालो साङ ख्रिस्‍तदा युङ्‌याङ, खो अ़ऩङ्‌वा मुन्‍माय़ङ ओ। बुयाओ खाराचिआयुङ्‌सा, खानुम, अ़ऩङ्‌वा तायुङ्‌सा।

गलाति 3:28

खोन्‌ओसा हान ना यहुदि ना ग्रिक, ना हारुक ना लेत्‌वा, ना दुवाछा ना मेत्‍छाछा निकिना अ़फेक्‍निन, देकिनालो ख्रिस्‍त येसुएदा खानानिन झारा अ़क्‌तात्‌ङा ओ।

एफिसि 1:1

निनाम्‍हाङ्‌ओ अ़चुमिन्‍मालाम्‍पा ख्रिस्‍त येसुओ अ़चुछाम्‍माय़ङ अ़ङ्‌का पावल्‌दाङ्‌का एफिसस्‌दाओ ख्रिस्‍त येसुदा साकोङ्‌छ़ङ कामु निनाम्‍हाङ्‌ओ अ़चुम़नाचि,

एफिसि 1:7

निनाम्‍हाङ्‌ओ अ़न्‍नुनु अ़चुसोम्‍तुक्‍माआ ख्रिस्‍तओ अ़चुहेन्‍खोक्‌वालाम्‍पा खोक्‍कोसाआ म़फोङ्‌सा खोन्‍कि आन्‍हेवाचि म़लेत्‍ता।

एफिसि 2:10

देकिनालो आन्‍कान अ़नुवाक काचिचिओ निम्‍पाङ ख्रिस्‍त येसुदा मुन्‍माय़ङ खोक्‍कोसोओ अ़चुसिकि ओ। आन्‍कान अ़नुवाक काचि मुन्‍ने निम्‍पाङ निनाम्‍हाङ्‌आ बुयाङा अ़चुम्‍सायुङ्‌सा ओ।

एफिसि 2:12

मित्‍तानुम, मोन्‍ग़रि खानानिन ख्रिस्‍त मात्‍द़ङ त़युङिन्‌येन। इस्राएल्‌दाओ ताङ्‌युङ्‌दाङ्‌का ऩलोइसिन्‍खाइसिन, खोन्‍कि हिप्‍माय़ङ्‌ओ अ़छ़ङ दुम्‌चिदाङ्‌का तावाङ्‌चि, सोम्‍कुवा मात्‍द़ङ्‌ओ खोन्‍कि ओ हेन्‍खामादा निनाम्‍हाङ मात्‍द़ङ त़लिसिन्‌युङ्‌सिन।

एफिसि 2:2

मोन्‍ग़रि खानानिन ओ हेन्‍खामादाओ अ़अ़त्‍पा लाम्‌दा त़कोलिन्‌येन। खानानिन्‌आ नाम्‍छ़ऱदुओ सावाओ अ़हाङ्‌पा त़त़ङ्‌तुम्‌योम, मो लावाङा निनाम्‍हाङ्‌आ लोमाय़ङ्‌वा मान्‍च़कादा छाचिएदा आइमित काचि मुयाङ।

एफिसि 2:6

खोन्‍कि खोक्‍कोएनान आन्‍कान म़खोन्‍तालोइसाकि निनाम्‍मादुओ युङ्‌खाचिदा येसु ख्रिस्‍तएनान आन्‍कान म़युङ्‌सा।

हिब्रु 9:18

खोन्‌ओसा बुयाओ हिप्‍माय़ङ्‌छाङ साक्‍स़ङ्‌ओ अ़ह़ मात्‍द़ङ काचिदा पाक्‍मा मान्‍ऱ।

१ पत्रुस 3:18

देकिनालो ख्रिस्‍त्‌छाङ आन्‍कान निनाम्‍हाङ्‌एदा तात्‍मा निम्‍पाङ साम्‌योक्‍मि म़ना मान्‍साम्‌योक्‍मिचिओ निकि खोक्‍को अ़धुन्‌ओ निम्‍पाङ हेवामिचिओ अ़चुफान्‌दा अ़क्‍दु म़सुवा। खोक्‍को पोक्‌दा म़सुवा, मेन लावादा म़खोन्‍तालोन्‍ता।

खाङ्‌मुमा 5:9

मोचिआ अ़क्‌तात अ़ऩङ्‌वा छाम अ़लुवा। “खानानिन ओ छाप्‍लाखाओ अ़भोङ कालोक खोन्‍कि मोसोओ अ़सेप्‍खाचि फोङ्‌मा त़खान्‍तिन्‌ओ त़मुन्‌येन। देकिनालो खानानिन ऩसेरिन, खोन्‍कि आम्‍नुओ स़मा हेन्‍खोक्‌वाआ खानानिन निनाम्‍हाङ्‌ओ निम्‍पाङ झारा भुङ्‌चि, य़ङ्‌चि, म़नाचि खोन्‍कि रावाचि त़खिरुम्‍च़म।