एफिसि 2:10 - बान्‍तावा राई

¹⁰ देकिनालो आन्‍कान अ़नुवाक काचिचिओ निम्‍पाङ ख्रिस्‍त येसुदा मुन्‍माय़ङ खोक्‍कोसोओ अ़चुसिकि ओ। आन्‍कान अ़नुवाक काचि मुन्‍ने निम्‍पाङ निनाम्‍हाङ्‌आ बुयाङा अ़चुम्‍सायुङ्‌सा ओ।

एफिसि 2:10 ပူးပေါင်းရင်းမြစ်များ

मत्‍ति 5:16

ओवात्‍निङा आम्‍नुओ साम म़नाचिओ अ़चुबुदा लेत्‍ने, खोन्‍कि मोचिआ आम्‍नुओ अ़नुवाक काचि अ़खाङ्‌ने खोन्‍कि निनाम्‍मादुओ आम्‍नुओ पापाओ अ़चुऩङ अ़लोङ्‌ने।

युहन्‍ना 3:21

मेन साङ तोङ्‌लो च़, मो म़ना साम्‌दा ता, खोन्‍किना मोसाआ मुओ काचिचि निनाम्‍हाङ्‌लाम्‍पा मुवाओ निकिना झारासाआ नुलोक अ़खाङ।”

छाम्‍माय़ङ 9:31

खोन्‍किना झारा यहुदिया, गालिल खोन्‍कि सामरियादाओ साम्‍भुङ्‌दा सेवाङ्‌नि लिसा। साम्‍भुङ छोयाङ्‌सा खाराकि हाङ्‌पा सायामेत्‌याङ्‌सा म़युङाङाओसा सेङ्‌लावाआ सावा प़चिकिना अ़चुखिप्‍मा पोन्‌याङ्‌सा खारा।

छाम्‍माय़ङ 9:36

योप्‍पा सहरादा तबिता अ़ऩङ मुवाङाओ अ़क्‍छा काखेङ्‌मा युङाङा। मोसोओ ग्रिक अ़ऩङ दोरकास ओ, अ़तुप्‍माय़ङ “ख़स्‍सामा”। मो अ़धुन निचिओ निकि अ़नुवाक काचि मुवाङा, खोन्‍कि मान्‍तोक्‍कादाचि फासुङुचि।

रोमि 8:1

खोन्‌ओसा हान ख्रिस्‍त येसुएनान अ़क्‍नि कालिचिएदा दन्‍दा मात्‍द़ङ।

रोमि 8:29

साङ-साङ खोक्‍कोसाआ बुयाङा म़सिन्‍तुयुङ्‌सुचि, निनाम्‍हाङ्‌आ मोचि आप्‍पिओ अ़चुछा ख्रिस्‍तवात्‍नि मुमा निम्‍पाङ म़छेन्‍तुचि। खोक्‍कोसाआ ओ अ़मुवा, खोन्‌ओसा ब़द्‍धे ब़ब़, नाना खोन्‍कि निछाचिएदा ख्रिस्‍त झारादाङ्‌का ब़ब़ म़लिने।

१ कोरिन्‍थि 3:9

देकिनालो आन्‍काच्‍या ना निनाम्‍हाङ्‌ओ निम्‍पाङ अ़क्‍नि अ़चुकाचि कामुचिओ। खानानिन निनाम्‍हाङ्‌ओ अ़चुव़क ओ, निनाम्‍हाङ्‌ओ अ़चुखिम्‌ओ।

२ कोरिन्‍थि 5:17

देकिनालो साङ ख्रिस्‍तदा युङ्‌याङ, खो अ़ऩङ्‌वा मुन्‍माय़ङ ओ। बुयाओ खाराचिआयुङ्‌सा, खानुम, अ़ऩङ्‌वा तायुङ्‌सा।

२ कोरिन्‍थि 5:5

आन्‍कान्‍का ओ स़दाओ पोक्‌दाङ्‌का अ़स़निन्‍दानिन्‌ओ ह़ङ्‌म़ङ काचुम्‍प़ निनाम्‍हाङ ओ। खोक्‍कोसाआ चिनोयाङ्‌वात्‍नि सेङ्‌लावा आन्‍कान्‍का ऩप़न्‌युङ्‌सिन्‍का।

२ कोरिन्‍थि 9:8

निनाम्‍हाङ्‌आ खानानिन झारा आसिखा च़लोक प़मा ऩऱन। खोन्‌ओसा खानानिन्‌एदा अ़धुन झारा य़ङ च़लोक युङ्‌ने, खोन्‍कि झारा अ़नुवाक काचिओ निम्‍पाङ च़लोक प़मा रुवानिन।

गलाति 6:15

सिप्‍मायाम्‍बुन पाक्‍तुम्‌नुछाङ अ़पाक्‍तिमिन्‌नुछाङ, मेन अ़ऩङ्‌वा लावामि ह़ङ्‌म़ङ तोक्‍मा अ़च़वाङ ओ।

एफिसि 1:1

निनाम्‍हाङ्‌ओ अ़चुमिन्‍मालाम्‍पा ख्रिस्‍त येसुओ अ़चुछाम्‍माय़ङ अ़ङ्‌का पावल्‌दाङ्‌का एफिसस्‌दाओ ख्रिस्‍त येसुदा साकोङ्‌छ़ङ कामु निनाम्‍हाङ्‌ओ अ़चुम़नाचि,

एफिसि 1:4

निनाम्‍हाङ्‌ओ अ़चुबुदा सेङ्‌याङ्‌ओ खोन्‍कि थुपि मात्‍द़ङ्‌ओ लिसिन्‍ने निकिना हेन्‍खामा मुन्‍मा बुयाङा आन्‍कान सोमाम़तुक्‍ताकि ख्रिस्‍तएदा आन्‍कान म़छेन्‍ता।

एफिसि 2:13

मेन खानानिन, मोन्‍ग़रि साङ्‌चि येसु ख्रिस्‍तदाङ्‌का अ़थाया त़युङिन्‌येन, हान ख्रिस्‍त येसुएनान अ़क्‍नि त़लिसिन्‌ओसा खोक्‍कोसोओ अ़चुह़आ अ़चुच़क्‌दा ऩतारिन्‌युङ्‌सिन।

एफिसि 2:15

खोन्‍कि खोक्‍कोसाआ यहुदि य़ङ्‌हुप, मोसोओ अ़लोमाय़ङ्‌चि खोन्‍कि साम्‌योक्‍मि य़ङ्‌हुप्‌चि अ़चुस़मालाम्‍पा अ़लुक्‍ता। खोक्‍कोसोओ अ़चुमित्‍चिऩङ आप्‍पि खोक्‍कोएदाङा ह्‍वा रुहुप म़नाचि अ़क रुहुप अ़ऩङ्‌वा म़ना मुमा दोराङा, ओवात्‍नि खोक्‍कोसाआ अ़चुरादा सेवाङ्‌नि म़मुचि।

एफिसि 2:2

मोन्‍ग़रि खानानिन ओ हेन्‍खामादाओ अ़अ़त्‍पा लाम्‌दा त़कोलिन्‌येन। खानानिन्‌आ नाम्‍छ़ऱदुओ सावाओ अ़हाङ्‌पा त़त़ङ्‌तुम्‌योम, मो लावाङा निनाम्‍हाङ्‌आ लोमाय़ङ्‌वा मान्‍च़कादा छाचिएदा आइमित काचि मुयाङ।

एफिसि 2:6

खोन्‍कि खोक्‍कोएनान आन्‍कान म़खोन्‍तालोइसाकि निनाम्‍मादुओ युङ्‌खाचिदा येसु ख्रिस्‍तएनान आन्‍कान म़युङ्‌सा।

एफिसि 4:1

खोन्‌ओसा अ़ङ्‌का हाङ्‌पाओ निम्‍पाङ अ़क्‍छा छेक्‍माय़ङ्‍आ, खानानिन राक प़नाङ्‌नानिन, खानानिन त़तोक्‍तुम्‌ओ बुत्‍माय़ङ खान्‍तुओ ह़ङ्‌म़ङ ह़ङानिन।

एफिसि 4:24

खोन्‍कि निनाम्‍हाङ्‌ओ अ़चुकात्‍मादा अ़नुछ्‍याओ साम्‌योक्‍मि खोन्‍कि सेङ्‌माय़ङ्‌दा मुयाओ अ़ऩङ्‌वा च़माथाङ्‌मा लोआनुम।

फिलिप्‍पि 1:6

खोन्‍कि अ़ङ्‌का सोम्‍कुवा मुङा, निनाम्‍हाङ्‌आ खानानिन्‌एदा अ़क्‌तात अ़नुवाक काचि अ़पुङ्‌साओ, खोक्‍कोसाआ येसु ख्रिस्‍त म़लाताओ लेन्‌तारि मो अ़ताला।

फिलिप्‍पि 2:13

देकिनालो खानानिन्‌एदा निनाम्‍हाङ आप्‍पि काचि म़मुयाङ। खोक्‍कोसाआ खानानिन अ़चुओ अ़नुवाक मित्‍चिऩङ तामालामा मिन्‍मा खोन्‍कि सावा ऩप़न।

कलस्‍सि 1:10

खोन्‍किना खानानिन हाङ्‌पाओ अ़चुमिन्‍मावाको ह़ङ्‌म़ङ त़ह़ङिन्‌कि अ़धुन खोक्‍कोसोओ अ़चुऩङानुमा त़ऱम। मोवात्‍नि त़ह़ङिन्‌नालो आम्‍नुओ ह़ङ्‌म़ङ्‌आ झाराकापाराओ अ़नुवाक सिवा सिसु, खोन्‍कि खानानिन निनाम्‍हाङ्‌ओ अ़चुतायादा पोइसा त़खारिन।

कलस्‍सि 3:10

खोन्‍कि ओन्‍ग़रि अ़ऩङ्‌वा ह़ङ्‌म़ङ त़लोउम्‌युङ्‌सुम। खानानिन च़लोक आम्‍नुओ कामुन्‍पाओ अ़चुकात्‍मावा लियाङ्‌सा त़खारिन्‌येन, खोन्‍कि खोक्‍को नुलोक त़तुप्‍तुम।

२ थेसलोनिकि 2:17

आम्‍नुओ साकोङ्‌वादा राक ऩप़न्‍ने। खोन्‍कि खोक्‍कोएदाङ्‌काओ झारा अ़नुवाक काचि खोन्‍कि य़ङ्‌चिदा खानानिन्‌आ राक खोन्‍कि सावा तोक्‍तानुम।

१ तिमोथि 2:10

मेन निनाम्‍हाङ्‌ओ अ़नुवाक काचिचिलाम्‍पा म़चोङ्‌नान्‍चिन्‍ने, ओसाआ निनाम्‍हाङ काब़क मेत्‍छामाचि खान्‍तुचि।

१ तिमोथि 5:10

मो अ़नुवाक काचि मुवाओसा झारासाआ साया अ़मेत्‍ताओ मुमादोत। अ़छाचि नुलोक पोइसुचिओ, तावाङ्‌चि साऩङ्‌वा मेत्‍तुचिओ, निनाम्‍हाङ्‌ओ अ़चुम़नाचिओ अ़चुलाङ वास़त्‍तुचिओ, दुखा कातोक्‌चि फासुचिओ खोन्‍कि झारा अ़नुवाक काचिदा अ़मिन्‍मा कापाक काइसाओ मुमादोत।

१ तिमोथि 5:25

मोवात्‍निङा, खा-खाक्‍को म़नाचिओ अ़नुवाक काचिचि छेङ्‌छेङ्‌छेङ्‌वा म़मु, खोन्‍कि खाक्‍कोचि छेङ्‌छेङ्‌छेङ्‌वा ऩमुनिन मोचि कुम्‍मायुङ्‌मा ऩऱनिन।

१ तिमोथि 6:18

मोचि अ़नुवाक काचि मुमा, खोन्‍कि अ़नुवाक काचिचिदा कातोक लिमा, फामामिन्‍माओ खोन्‍कि निचिएनान हामाचामा मिन्‍माओ लिसानिन्‌नि लोचि।

२ तिमोथि 2:21

खाक्‍को साऩङ्‌वा मान्‍मेत्‌दामायु मुयाङ, साङ मोदाङ्‌का आप्‍पि सेङ्‌नान्‍चिन्‌नालो खो साऩङ्‌वा मित्‍चिऩङ्‌ओ निम्‍पाङ अ़क्‍छा खाम्‍मा लि, खोन्‍कि खिम्‌दाओ खिम्‍हाङ्‌पाओ निम्‍पाङ सेङ्‌साओ, याङ्‌मा खान्‍तुओ लि, खोन्‍कि खाक्‍कोछाङ अ़नुवाक काचिओ निम्‍पाङ चुम्‌युङ।

२ तिमोथि 3:17

ओसाआ निनाम्‍हाङ्‌ओ अ़चुम़नाचि झारा अ़नुवाक काचिदा नुलोक मुमाओ निम्‍पाङ म़चुम्‍सुचि।

तितस 2:14

झाराकापाराओ आन्‍हेवादाङ्‌का आन्‍कान फोङ्‌सि, आन्‍कान सेङ्‌सि, खोन्‍कि अ़नुवाक काचि मुमा कास़ आप्‍पिओ अ़चुम़ना मुसि येसु ख्रिस्‍तआ आन्‍को निकि अ़चुह़ङ्‌म़ङ म़पुवा।

तितस 2:7

खानाङा झारा य़ङ्‌दा अ़नुवाक काचिओ अ़मात्‍ऩङ लिसाकि मोचि खाङ्‌मेत्‍तुचि खोन्‍कि सोत्‍सोत्‌वाकि ताङ्‌च़क्‍तान्‍चिन्‌ओ लिसाकि ताया प़चि।

तितस 3:1

हाङ्‌काचि कामुचि खोन्‍कि पाङ कातोक्‌चिओ अ़चुक़म्‍मादा युङ्‌मादोत निकिना मोदाओ म़नाचि मित्‍मेत्‍तुचि। मोचि लोमावा म़च़ने, खोन्‍कि झाराकापाराआ नुलोक च़सि म़चुम्‍नान्‌युङ्‌नान्‍चिन्‍ने।

तितस 3:14

आन्‍म़नाचिआ अ़नुवाक काचि मुमादा अ़चुमिन्‍मा अ़पाक्‍ने, खोन्‍किना अ़न्‍नुनु दोत्‌याङ्‌ओ सामाचि कोप्‍मा अ़ऱने। मोवात्‍नि म़च़नालो आन्‍म़नाचिआ सोज्‍जेओ ह़ङ्‌म़ङ ऩखाइसुन।

तितस 3:8

ओ अ़नुछ्‍याओ य़ङ ओ। निनाम्‍हाङ्‌एदा साकोङ्‌छ़ङ कामु झारासा अ़नुवाक काचि मुमादा मिन्‍मा अ़पाक्‍ने निकिना खाना त़छ़म्‍तुचिनेनि अ़ङ्‌का लोना। ओवाको काचिचि अ़नुवाक म़मु खोन्‍कि झारा म़नाचिओ निकि अ़नुवाक य़ङ ओ।

हिब्रु 10:24

आन्‍कान अ़क्‍छा निएदा सोमातुक्‍मा खोन्‍कि अ़नुवाक काचि मुमादा राक प़मुमाओ अ़तुक्‌वादा मिनिन्‍ने।

हिब्रु 13:21

खोक्‍कोसोओ अ़चुमिन्‍मा तामालामा रुवानुम निकिना झारा अ़नुवाक य़ङ्‌चिआ ऩयाङ्‌सिन्‍प़न्‍ने। दिसु य़ङ्‌आ निनाम्‍हाङ्‌ओ अ़चुऩङानुयाङ, येसु ख्रिस्‍तलाम्‍पा खोक्‍कोसाआ खानानिन्‌एदा ओ अ़मुने। अ़धुन-अ़धुन्‌तारि खोक्‍कोसोओ अ़चुऩङ्‌लोङ्‌ने! मोवात्‍निङा लिने।

१ पत्रुस 2:12

निरावाचिओ अ़चुरादा आम्‍नुओ च़माथाङ्‌मा अ़नुवाक मुवानुम। मोचिआ खानानिन अ़त्‍लो काच़चिनि आम्‍नुओ देङ्‌सालाप्‍पादा म़चेप्‌नुछाङ मोचिआ आम्‍नुओ अ़नुवाक काचिचि म़खाचिकि हाङ्‌पा म़ताओ लेन मोचिआ निनाम्‍हाङ्‌ओ अ़चुओ ऩङ अ़चोन्‍ने।

१ युहन्‍ना 1:7

मेन खोक्‍को साम्‌दा म़मुयाङ्‌वात्‍निङा आन्‍कान्‌छाङ साम्‌दा कोलिन्‌नालो अ़क्‍छा निएदा आन्‌यावायोक लि, खोन्‍कि निनाम्‍हाङ्‌ओ अ़चुछा येसुओ अ़चुह़आ झारा आन्‍हेवादाङ्‌का म़सेङ।

१ युहन्‍ना 2:6

साङ निनाम्‍हाङ्‌एदा युङ्‌ङानि य़ङ, खो ख्रिस्‍तओ अ़चुच़माथाङ्‌मावात्‍नि कोन्‍मादोत।