एफिसि 1:6 - बान्‍तावा राई

⁶ खोन्‌ओसा खोक्‍कोसाआ सोमाअ़तुक्‍ताङाओ अ़चुछालाम्‍पा आन्‍कान मोहा म़पुवाओ साम्‍स़रिओ अ़चुसोमातुक्‍माओ निम्‍पाङ आन्‍कान निनाम्‍हाङ चोन्‍तुम्‍ने।

एफिसि 1:6 ပူးပေါင်းရင်းမြစ်များ

मत्‍ति 17:5

पत्रुस चेवाङाहिदाङा, छोक्‍छोक्‍छोक्‌वाओ य़वारिआ मोचि भुक्‍तुखात्‍तुचि, खोन्‍कि मो य़वारिदाङ्‌का अ़क्‌तात य़ङ ता, “ओक्‍को सोमातुक्‍तुङ्‌योङ्‌ओ अ़ङ्‌छा ओ, खोक्‍कोएदा च़लोक अ़ङ्‌ऩङानुवायुङ्‌सा। खोक्‍कोसाआ ऩलोन्‌ओ एनानुम!”

मत्‍ति 20:9

आप्‍फात पाच्‌काकोम साङाहिदा काचि मुसि कावाङ्‌चि म़ता, खोन्‍कि मोचि झारासा अ़क्‌लेन्‌ओ काचिलुङ अ़तोक्‍ता।

मत्‍ति 3:17

मोन्‍ग़रि निनाम्‍मादुङ्‌का ओवाको य़ङ ता, “ओक्‍को अ़ङ्‌का सोमातुक्‍तुङ्‌योङ्‌ओ अ़ङ्‌छा ओ, खोक्‍कोएदा अ़न्‍नुनु अ़ङ्‌ऩङानुयाङ।”

लुका 2:14

“झारादाङ्‌का धानि निनाम्‍मादु निनाम्‍हाङ्‌ओ अ़चुऩङ लोङ्‌ने, खोन्‍कि हेन्‍खामादा खाक्‍को म़नाचिएनान निनाम्‍हाङ्‌ओ अ़चुऩङानुयाङ, मोचिओ अ़चुमिन्‍मा चानुलो लिने।”

युहन्‍ना 10:17

अ़ङ्‌पापाआ अ़ङ्‌का सोमाऩतुक्‍ङा, देकिनालो अ़ङ्‌का अ़ङ्‌ह़ङ्‌म़ङ लामातोक्‍मा मिन्‍माआ प़ङ।

युहन्‍ना 3:35

निनाम्‍हाङ पापाआ अ़चुछा सोमाअ़तुक, खोन्‍कि झारा सामाचि खोक्‍कोसोओ अ़चुछुक्‌दा अ़पुवायुङ्‌सा।

रोमि 8:1

खोन्‌ओसा हान ख्रिस्‍त येसुएनान अ़क्‍नि कालिचिएदा दन्‍दा मात्‍द़ङ।

२ कोरिन्‍थि 4:15

देकिनालो ओ झारा आम्‍नुओ निम्‍पाङ्‌ङा म़लिसाओ ओ, खोन्‌ओसा सोम्‍तुक्‍मा ब़द्‍धे म़नाचिएदा फेकि आलाङ प़माय़ङ पोन्‌याङ्‌सा खात्‌कि निनाम्‍हाङ्‌ओ अ़चुऩङ अ़लोङ्‌ने।

२ कोरिन्‍थि 5:21

खोन्‌ओसा आन्‍कान खोक्‍कोएदा निनाम्‍हाङ्‌आ अ़नुवाक कान्‍मा म़ऱने निम्‍पाङ हेवाङा मान्‍मुकादा ख्रिस्‍त निनाम्‍हाङ्‌आ आन्‍को निम्‍पाङ हेवाओ हेन्‍खोक्‌वा अ़मुवा।

एफिसि 1:12

आन्‍कान ख्रिस्‍तदा बुयादाङ्‌का सोम्‍कुवा कामुचि खोक्‍कोसाआ अ़चुसाम चोन्‍माओ निम्‍पाङ ह़ङ्‌मा ऱन्‍काने निम्‍पाङ खोक्‍कोएदा बुया अ़छ़ङ अ़मुवायुङ्‌सा खोन्‍कि ऩछेन्‍तिन्‌युङ्‌सिन्‍का।

एफिसि 1:14

निनाम्‍हाङ्‌ओ अ़चुचासुम्‍छेन्‍बि माङ्‌लो आन्‍लेन्‍मा मान्‍तोक्‌युक्‍तुम्‌ओन खोक्‍कोसोओ अ़चुसाम चोन्‍माओ निम्‍पाङ सेङ्‌लावा आन्‍पाङ्‌यिओ अ़छ़ङ चिनोयाङ ओ।

एफिसि 1:18

अ़ङ्‌का ओसोओ निम्‍पाङ्‌छाङ यामात्‍ङा, आम्‍नुओ साकोङ्‌वादाओ म़क छेङ्‌छेङ्‌छेङ्‌वा लिने, खोन्‍कि दिसु सोम्‍कुवाओ निम्‍पाङ खोक्‍कोसाआ खानानिन ऩबुत्‍तिन्‌युङ्‌सिन, खोन्‍कि निनाम्‍हाङ्‌ओ अ़चुम़नाचिएदा खोक्‍कोसोओ साम्‍स़रिओ पाङ्‌यि तोक्‍माओ चासुम्‍छेन्‍बि दि ओ, मो खानानिन्‌आ सिन्‍मा त़ऱम।

एफिसि 2:7

येसु ख्रिस्‍तआ ओ आन्‍कान्‌एदाओ खोक्‍कोसोओ अ़चुसोम्‍तुक्‍मादा अ़न्‍नुनु तोक्‍पो अ़चुसोमातुक्‍मा तायाङ्‍ओ जुगादा खाङ्‌मुमा निम्‍पाङ ओ।

फिलिप्‍पि 1:11

निनाम्‍हाङ्‌ओ अ़चुसाऩङ्‌वा खोन्‍कि अ़चुऩङ्‌चोन्‍माओ निम्‍पाङ येसु ख्रिस्‍तलाम्‍पा ताओ अ़नुवाक काचि सिवाआ खानानिन भेप्‌याङ्‌सा त़खारिन्‍ने।

फिलिप्‍पि 3:9

खोन्‌ओसा अ़ङ्‌का झारा खोक्‍कोएदा अ़क्‍नि मुमान्‍चिन ऱङाने। य़ङ्‌हुप मुयाङ्‌सा अ़ङ्‌का साम्‌योक्‍मि लिमा अ़ऱऩङ, मेन अ़ङ्‌साम्‌योक्‍मि ओङा ओ, मो ख्रिस्‍तएदा याक, मो साकोङ्‌छ़ङ्‌लाप्‍मा निनाम्‍हाङ्‌एदाङ्‌का ताओ साम्‌योक्‍मि ओ।

फिलिप्‍पि 4:19

अ़ङ्‌निनाम्‍हाङ्‌आ खोक्‍कोसोओ अ़चुओ अ़न्‍नुनु च़लोक अ़चुचासुम्‍छेन्‍बिवा आम्‍नुओ झारा दोत्‌ओ ख्रिस्‍त येसुदा त़याइन्‌येन्‌ओसा ऩतासिन्‍लान्‍प़न।

कलस्‍सि 1:13

खोक्‍कोसाआ आन्‍कान कुन्‌यामाओ अ़सावादाङ्‌का म़फोङ्‌सा, खोन्‍कि सोमाअ़तुक्‍ताङाओ अ़चुओछाओ अ़चुहाङ्‌होन्‌दा म़खाइसायुङ्‌सा।

१ पत्रुस 2:5

खोन्‍कि खानानिन्‌छाङ येसु ख्रिस्‍तलाम्‍पा निनाम्‍हाङ्‌आ लोक्‍माखान्‍तुओ लावामि हेन्‍खोक्‌वाचि काधान सेङ्‌याङ्‌ओ काब़क्‍पा लिमा निम्‍पाङ अ़ह़ङ लुङ्‌चिवात्‍नि लावामि खिम लियाङ्‌सा त़खारिन।

१ पत्रुस 2:9

मेन खानानिन छेन्‍माय़ङ रावा ओ, हाङ्‌ओ अ़चुकाब़क्‍पाचि, त़सेङिन्‌येन्‌ओ म़नाचि, निनाम्‍हाङ्‌ओ आप्‍पिओ अ़चुम़नाचि ओ। खोक्‍कोसाआ खानानिन कुन्‌यामादाङ्‌का म़दोम्‍दाओ साम्‌दा ऩबुत्‍तिन, खोन्‌ओसा खोक्‍कोसोओ म़दोम्‍दाओ अ़चुकाचिचि खानानिन्‌आ खात़लुसुम्‍ने।

१ पत्रुस 4:11

साङ चेप्‌नालो निनाम्‍हाङ्‌ओ अ़चुय़ङ खालुसिन्‌वा चेप्‍ने। काब़त निनाम्‍हाङ्‌आ प़माय़ङ्‌ओ सावालाम्‍पा ब़रुने। ओवात्‍नि झारा य़ङ्‌दा येसु ख्रिस्‍तलाम्‍पा निनाम्‍हाङ्‌ओ अ़चुऩङ चोन्‍ने। तोक्‍पो सावा खोन्‍कि अ़चुऩङ्‌चोन्‍मा अ़धुन-अ़धुन्‌तारि खोक्‍कोसोओ लियुङ्‌ने। मोवात्‍निङा लिने!