एफिसि 1:14 - बान्‍तावा राई

¹⁴ निनाम्‍हाङ्‌ओ अ़चुचासुम्‍छेन्‍बि माङ्‌लो आन्‍लेन्‍मा मान्‍तोक्‌युक्‍तुम्‌ओन खोक्‍कोसोओ अ़चुसाम चोन्‍माओ निम्‍पाङ सेङ्‌लावा आन्‍पाङ्‌यिओ अ़छ़ङ चिनोयाङ ओ।

एफिसि 1:14 ပူးပေါင်းရင်းမြစ်များ

लुका 21:28

ओ य़ङ्‌चि लिमा पुङ्‌सुङुचिहिदा पुवालोन्‍तानिन्‌कि आम्‍नुओ ताङ्‌चि ङोङ्‌सानुम्‍च़म। देकिनालो निनाम्‍हाङ्‌आ खानानिन लेन्‍मा ग़रि च़क्‌दा तायाङ।”

छाम्‍माय़ङ 20:28

खानानिन आम्‍नुओ निम्‍पाङ खोन्‍कि सेङ्‌लावाआ खाङ्‌मा ऩप़न्‌ओ साम्‍भुङ्‌दाओ झारा साकोङ्‌छ़ङ कामुचिओ निम्‍पाङ चाप्‍चेत्‍तानिन्‍चिन। निनाम्‍हाङ्‌आ येसुओ अ़चुह़लाम्‍पा म़खिरुचिओ साम्‍भुङ काखाङ्‌चि लिसानिन।

छाम्‍माय़ङ 20:32

हान अ़ङ्‌का खानानिन निनाम्‍हाङ्‌ओ खोन्‍कि खोक्‍कोसोओ अ़चुसोम्‍तुक्‍माओ य़ङ्‌दा पाक्‍नाङ्‌नानिन। निनाम्‍हाङ्‌ओ अ़चुय़ङ्‌आ खानानिन येसुएदा साकोङ्‌छ़ङ नुलोक मुमा त़ऱन्‍ने खोन्‍कि म़सेङ्‌सुचिओ झारा म़नाचिओ अ़चुरादा खानानिन आसिखा ऩप़न्‍ने।

रोमि 8:23

खोन्‍कि मुन्‍माय़ङ्‌आ ओन्‍ङा माआङ, मेन आन्‍कान आप्‍पि साङ्‍एदा सेङ्‌लावाओ बुयाओ अ़सिवा याक्‌याङ, तात्‍माछावात्‍नि लोक्‍लुमा खोन्‍कि आन्‍पोक लेन्‍माओ निम्‍पाङ राक्‌एनान हुङ्‌याङ्‌सा आन्‍कान आप्‍पिछाङ आन्‍कोङ्‌हुत्‌या ह़त्‍पा लुन्‌येन।

१ कोरिन्‍थि 1:30

निनाम्‍हाङ्‌आ खानानिन ख्रिस्‍त येसुएनान अ़क्‌तात ऩमुन्‌युङ्‌सिन। खोक्‍कोङा आन्‍को निम्‍पाङ निनाम्‍हाङ्‌एदाङ्‌काओ ताया माङ्‌लो आन्‍कान साम्‌योक्‍मि काकान, आन्‍कान कासेङ खोन्‍कि आन्‍कान कालेन्‍पा म़लिसायुङ्‌सा।

२ कोरिन्‍थि 1:22

खोक्‍कोसाआ आन्‍कान्‌एदा अ़चुसेप्‍मा म़पाक्‍तायुङ्‌सा, खोन्‍कि आन्‍साकोङ्‌वादा चिनोयाङ्‌वात्‍नि खोक्‍कोसोओ अ़चुलावा म़पुवायुङ्‌सा।

२ कोरिन्‍थि 5:5

आन्‍कान्‍का ओ स़दाओ पोक्‌दाङ्‌का अ़स़निन्‍दानिन्‌ओ ह़ङ्‌म़ङ काचुम्‍प़ निनाम्‍हाङ ओ। खोक्‍कोसाआ चिनोयाङ्‌वात्‍नि सेङ्‌लावा आन्‍कान्‍का ऩप़न्‌युङ्‌सिन्‍का।

गलाति 4:6

खानानिन निनाम्‍हाङ्‌ओ अ़चुछाचि त़लिसिन्‌ओसा, निनाम्‍हाङ्‌आ अ़चुछाओ अ़चुलावा आन्‍साकोङ्‌वादा म़पाक्‍तापुवा, मो लावाआ “अब्‍बा, आपो!”नि य़ङ्‌सा अ़बुत।

एफिसि 1:11

खोक्‍कोसोओ अ़चुमित्‍चिऩङ्‌वा झारा य़ङ्‌चि खोक्‍कोसोओ अ़चुमिन्‍माओ यायोक्‌वा म़तासुलाचि।

एफिसि 1:12

आन्‍कान ख्रिस्‍तदा बुयादाङ्‌का सोम्‍कुवा कामुचि खोक्‍कोसाआ अ़चुसाम चोन्‍माओ निम्‍पाङ ह़ङ्‌मा ऱन्‍काने निम्‍पाङ खोक्‍कोएदा बुया अ़छ़ङ अ़मुवायुङ्‌सा खोन्‍कि ऩछेन्‍तिन्‌युङ्‌सिन्‍का।

एफिसि 4:30

खोन्‍कि निनाम्‍हाङ्‌ओ अ़चुसेङ्‌लावा दुखा मान्‍प़दानुम, खोक्‍कोएदा लेन्‍माय़ङ लेन्‌ओ निम्‍पाङ खानानिन ऩसेप्‍तिन्‌युङ्‌सिन।

१ पत्रुस 2:9

मेन खानानिन छेन्‍माय़ङ रावा ओ, हाङ्‌ओ अ़चुकाब़क्‍पाचि, त़सेङिन्‌येन्‌ओ म़नाचि, निनाम्‍हाङ्‌ओ आप्‍पिओ अ़चुम़नाचि ओ। खोक्‍कोसाआ खानानिन कुन्‌यामादाङ्‌का म़दोम्‍दाओ साम्‌दा ऩबुत्‍तिन, खोन्‌ओसा खोक्‍कोसोओ म़दोम्‍दाओ अ़चुकाचिचि खानानिन्‌आ खात़लुसुम्‍ने।