एफिसि 1:13 - बान्‍तावा राई

¹³ खोन्‍कि खानानिन्‌आछाङ खोक्‍कोएदा अ़छ़ङ य़ङ आम्‍नुओ लेन्‍माय़ङ नुय़ङ्‌खान त़एनुम, खोन्‍कि खोक्‍कोएदा साकोङ्‌छ़ङ त़मुन। खोक्‍कोएदाङा खानानिन हिप्‍माय़ङ सेङ्‌लावाआ ऩसेप्‍तिन।

एफिसि 1:13 ပူးပေါင်းရင်းမြစ်များ

लुका 11:13

मोवात्‍नि खानानिन अ़अ़त्‍पा त़मुन्‌येन्‌नुछाङ आम्‍नुओ छाचि अ़नुवाक सामाचि प़मा त़लेसिन्‌येन्‌नालो आम्‍नुओ निनाम्‍मादुओ पापाआ खोक्‍कोएदा कादोत्‍चि देम च़लोक सेङ्‌लावा म़प़चि!”

लुका 24:49

अ़ङ्‌पापा निनाम्‍हाङ्‌आ य़सुङ निकिना ऩहिप्‍तिन्‌ओ, अ़ङ्‌का खानानिन्‌एदा मो य़सुङ। मेन धानाङ्‌का सावा मान्‍तोक्‍त़युक्‍तुम्‌तारि खानानिन ओ यरुसलेम्‌दाङा युङायुङ्‌सानिन।”

युहन्‍ना 1:17

मोवात्‍निङा य़ङ्‌हुप निनाम्‍हाङ्‌य़ङ खाकालु मोसालाम्‍पा म़पुवा, मेन सोमातुक्‍मा खोन्‍कि अ़छ़ङ येसु ख्रिस्‍तलाम्‍पा ता।

युहन्‍ना 14:26

मेन यायोक काप़पा सेङ्‌लावा, मो अ़ङ्‌पापाआ अ़ङ्‌ऩङ्‌दा अ़य़, खोक्‍कोसाआ खानानिन झारा य़ङ्‌चि ऩचिन्‍तिन, खोन्‍कि अ़ङ्‌का खानानिन लोनानिन्‌ओ झारा य़ङ खानानिन मित्‍ऩमेत्‍तिन।

युहन्‍ना 15:26

अ़ङ्‌का खानानिन्‌एदा यायोक काप़ तासुङ। खोक्‍को अ़छ़ङ्‌ओ लावा म़मुयाङ। खोक्‍को अ़ङ्‌पापादाङ्‌का खानानिन्‌एदा म़ताकि अ़ङ्‌तुक्‌वादा सालुम्‍स़ङ ऩप़न।

युहन्‍ना 3:33

साङ्‌आ खोक्‍कोसोओ अ़सालुम्‍स़ङ लोउयुङ्‌सु, मोसाआ निनाम्‍हाङ अ़छ़ङ म़मुयाङ्‌निओ य़ङ अ़छ़ङ खाङ्‌मुसु।

युहन्‍ना 6:27

लुक्‍खात्‌ओ चामायुओ निम्‍पाङ काचि मान्‍मुदानिन, मेन अ़लुक्‍निन्‌ओ ह़ङ्‌म़ङ काप़ चामायुओ निम्‍पाङ काचि मुवानिन। मो चामायु म़नाओ अ़छाआ खानानिन ऩप़न। देकिनालो पापा निनाम्‍हाङ्‌आ म़नाओ अ़चुछाएदा अ़चुओ सेप्‍मा पाङ अ़पुवायुङ्‌सा।”

छाम्‍माय़ङ 1:4

अ़क्‍दु येसु अ़चुछाम्‍माय़ङ्‌चिएनान चा-चासि म़युङाहिदा खोक्‍कोसाआ खोचि म़लोचि, “खानानिन यरुसलेम मान्‍छित्‌दादानुम, मेन अ़ङ्‌पापा निनाम्‍हाङ्‌आ य़सुङ निकिना ऩहिप्‍तिन्‌ओ सेङ्‌लावा ओदाङा हुङानुम। मो य़ङ्‍ओ अ़तुक्‌वादा अ़ङ्‌का खानानिन बुयाङा लोनाचिन्‍नानिन्‌ओ।

छाम्‍माय़ङ 13:26

अ़ङ्‍इस्राएलि ब़ब़, नाना खोन्‍कि निछाचि ओ, अब्राहाम्‌ओ अ़छावारिचि खोन्‍कि निनाम्‍हाङ काब़क निरावा यावाचि ओ, निनाम्‍हाङ्‌आ आन्‍कान लेन्‍माओ य़ङ्‌खान अ़तासायुङ्‌सा।

छाम्‍माय़ङ 2:33

खोन्‌ओसा निनाम्‍हाङ्‌आ येसु अ़झोइसाकि तोक्‍पो अ़मुवा, खोन्‍कि निनाम्‍हाङ्‌आ अ़हिप्‍ताओ सेङ्‌लावा येसु अ़पुवा, खोन्‍किना येसुआ आन्‍कान सेङ्‌लावा च़लोक म़पुवायुङ्‌सा। मो खानानिन ओन्‍ग़रि त़खाम्‌योम खोन्‍कि त़एनुम्‌योम।

रोमि 1:16

नुय़ङ्‌खान खालुमा अ़ङ्‌लेजो अ़कात्‍निन, देकिनालो झारा साकोङ्‌छ़ङ कामु लेत्‍माओ निम्‍पाङ ओ निनाम्‍हाङ्‌ओ अ़चुसावा ओ: बुयाओदु यहुदिचि, खोन्‍कि ग्रिक्‌चिओ निम्‍पाङ्‌छाङ ओ।

रोमि 4:11

सिप्‍मायाम्‍बुन्‍तात अब्राहाम्‌आ सिप्‍मायाम्‍बुन मुमादाङ्‌का बुयाङा साकोङ्‌छ़ङ मुवाओ, खोन्‍कि निनाम्‍हाङ्‌आ बुयाङा साम्‌योक्‍मि अ़काइसाओसोओ बुन ओ। मोवात्‍नि अब्राहाम सिप्‍मायाम्‍बुन मान्‍मुनुछाङ निनाम्‍हाङ्‌एदा साकोङ्‌छ़ङ कामु झारा म़नाचिओ अ़चुसुन्‍तुम लिसा। मोचिआ अ़मुवाओ साकोङ्‌छ़ङ्‌ओ अ़तुक्‌वाआ निनाम्‍हाङ्‌आ मोचि साम्‌योक्‍मि म़काइसुचि।

रोमि 6:17

मेन निनाम्‍हाङ आलाङ्‌ने, देकिनालो खानानिन अ़क्‍दु हेवाओ अ़हारुक त़मुन्‌येन, हान खाक्‍को अ़छ़ङ चिन्‍माय़ङ खानानिन्‌आ त़तोक्‍तुम, मो झारा साकोङ्‌वाआ त़लोउम्‌युङ्‌सुम।

२ कोरिन्‍थि 1:22

खोक्‍कोसाआ आन्‍कान्‌एदा अ़चुसेप्‍मा म़पाक्‍तायुङ्‌सा, खोन्‍कि आन्‍साकोङ्‌वादा चिनोयाङ्‌वात्‍नि खोक्‍कोसोओ अ़चुलावा म़पुवायुङ्‌सा।

२ कोरिन्‍थि 6:7

अ़छ़ङ य़ङ्‌दा, खोन्‍कि निनाम्‍हाङ्‌ओ अ़चुसावादा, चुप्‍ताङ खोन्‍कि बेङ्‌वा छुक्‌दा साम्‌योक्‍मिओ बान्‍छुबिछु खुयिन्‍का।

गलाति 3:14

खोक्‍कोसाआ आन्‍को आन्‍लुङ अ़छोराकि म़लेइसा, खोन्‌ओसा अब्राहाम प़माय़ङ आसिखा ख्रिस्‍त येसुलाम्‍पा निरावाचिएदा ताने, मोवात्‍नि आन्‍कान सोम्‍कुवालाम्‍पा हिप्‍माय़ङ्‌ओ सेङ्‌लावा तोक्‍मा ऱम्‍ने।

एफिसि 4:21

येसुएदाओ अ़छ़ङ्‌वात्‍नि खोक्‍कोसोओ अ़चुतुक्‌वादा खानानिन्‌आ त़एनुम्‌ओ खोन्‍कि खोक्‍कोएदा ऩचिन्‍तिन्‌युङ्‌सिन्‍चिन्‌नि मिन्‍ङाङा।

एफिसि 4:30

खोन्‍कि निनाम्‍हाङ्‌ओ अ़चुसेङ्‌लावा दुखा मान्‍प़दानुम, खोक्‍कोएदा लेन्‍माय़ङ लेन्‌ओ निम्‍पाङ खानानिन ऩसेप्‍तिन्‌युङ्‌सिन।

१ थेसलोनिकि 2:13

खोन्‌ओसा आन्‍कान्‍का अ़धुन निनाम्‍हाङ आलाङ प़म्‍का, देकिनालो खानानिन्‌आ आन्‍कान्‍काएदाङ्‌का त़एनुम्‌ओ निनाम्‍हाङ्‌ओ अ़चुय़ङ खानानिन्‌आ म़नाओ अ़य़ङ्‌वा मान्‍लोक्‍त़दोम, मेन अ़नुछ्‍या निनाम्‍हाङ्‌ओ अ़चुय़ङ्‌वात्‍तिङा त़लोउम। मो य़ङ्‌आ खानानिन साकोङ्‌छ़ङ कामुचिएदा काचि मुङु।

२ तिमोथि 2:15

लेजोकात्‍मा अ़दोत्‍निन्‌ओ खोन्‍कि अ़नुछ्‍याओ य़ङ नुलोक कायाङ काचि कामुचिवात्‍नि खाना आप्‍पि निनाम्‍हाङ्‌दा लोक्‍मा त़खान्‍लो खाङ्‌मुमान्‍चिन अ़न्‍नुनु काचि मुवा।

२ तिमोथि 2:19

मेन निनाम्‍हाङ्‌ओ अ़चुम़नाचि अ़तुङ्‌निन्‌ओ छ़ङ्‌वात्‍नि म़युङ्‌युङ, खोन्‍कि मो छ़ङ्‌दा ओ ह्‍वातात य़ङ्‌चि म़छाप्‍तायुङ्‌सा। “हाङ्‌पाआ अ़चुम़नाचि म़सिन्‍तुचि,” खोन्‍कि “साङ-साङ अ़ङ्‌का हाङ्‌पाओ अ़म़नानि य़ङ, खो अ़त्‍लो काचिदाङ्‌का अ़थाया युङ्‌ने।”

२ तिमोथि 3:15

खाना आम्‍छायुङ्‌काङा सेङ्‌याङ्‌ओ साम्‍कालिन त़लेसुयुङ्‌सु, मोसाआ ख्रिस्‍त येसुदा त़मुओ साकोङ्‌छ़ङ्‌लाम्‍पा लेन्‍माओ निम्‍पाङ खाना ताया प़मा त़ऱ।

तितस 2:11

देकिनालो निनाम्‍हाङ्‌आ झारा म़नाचि लेन्‍मा खोक्‍कोसोओ अ़चुसोम्‍तुक्‍मा खाङ्‌अ़मुसा।

हिब्रु 2:3

हान आन्‍कान ओन तोक्‍पो लेन्‍मा ऩङाछिरुम्‌नालो आन्‍कान देत्‍नि निनाम्‍हाङ्‌ओ अ़चुदन्‍दादाङ्‌का फुङ्‌मा ऱन? अ़ऱन्‍मिन! देकिनालो ओ लेन्‍मा बुयाओदु हाङ्‌पाआङा खाअ़लुसा ओ, खोन्‍कि खोक्‍कोसोओ अ़चुय़ङ काएन म़नाचि आन्‍कान अ़छ़ङ सालुम्‍स़ङ म़पुवा।

याकुब 1:18

खोक्‍कोसोओ तोक्‍पो अ़चुमित्‍चिऩङ्‌ओ अ़छ़ङ य़ङ्‌लाम्‍पा आन्‍कान म़मुया। खोवात्‍निओसा आन्‍कान खोक्‍कोसोओ झारा अ़चुमुन्‍माय़ङ्‌चिदाओ बुयाओ अ़सिवा लिसिन्‌युङ्‌सिन।

याकुब 1:21

खोन्‌ओसा झारा अ़त्‍लो य़ङ खोन्‍कि झारा अ़अ़त्‍पादाङ्‌का फेआनिन्‍चिन, आम्‍नुओ साकोङ्‌वादा लित्‍ताओ निनाम्‍हाङ्‌ओ अ़चुय़ङ सिम्‍नान्‍चिन्‍सा लोआनुम। देकिनालो निनाम्‍हाङ्‌ओ अ़चुय़ङ्‌आ आम्‍नुओ ह़ङ्‌म़ङ रात्‍तु।

१ पत्रुस 2:10

बुया खानानिन निनाम्‍हाङ्‌ओ अ़चुम़नाचि माआङ्‌ओ, मेन हान खानानिन निनाम्‍हाङ्‌ओ अ़चुम़नाचि ओ। बुया खानानिन्‌आ निनाम्‍हाङ्‌ओ अ़चुसोम्‍तुक्‍मा मान्‍तोक्‍त़दोम, मेन हान खानानिन्‌आ निनाम्‍हाङ्‌ओ अ़चुसोम्‍तुक्‍मा त़तोक्‍तुम्‌युङ्‌सुम।

खाङ्‌मुमा 7:2

खोन्‍कि अ़ह़ङ निनाम्‍हाङ्‌ओ अ़चुसेप्‍माएनान नि निनाम्‍हाङ काफा बुसुहोन्‌याङ्‌का बानाङाओ अ़ङ्‌का खाङ। हेन्‍खामा खोन्‍कि धियाङ्‌वामा लुक्‍मा सावा निनाम्‍हाङ्‌आ म़प़युङ्‌सुचिओ मो चारकातात निनाम्‍हाङ काफाचि अ़धिवा य़ङ्‌आ खोक्‍कोसाआ म़लोचि।