एफिसि 1:12 - बान्‍तावा राई

¹² आन्‍कान ख्रिस्‍तदा बुयादाङ्‌का सोम्‍कुवा कामुचि खोक्‍कोसाआ अ़चुसाम चोन्‍माओ निम्‍पाङ ह़ङ्‌मा ऱन्‍काने निम्‍पाङ खोक्‍कोएदा बुया अ़छ़ङ अ़मुवायुङ्‌सा खोन्‍कि ऩछेन्‍तिन्‌युङ्‌सिन्‍का।

एफिसि 1:12 ပူးပေါင်းရင်းမြစ်များ

युहन्‍ना 14:1

“आम्‍नुओ साकोङ्‌वा चाअ़त्‍लो अ़लिनिन्‍ने। निनाम्‍हाङ्‌एदा साकोङ्‌छ़ङ त़मुन, अ़ङ्‌काएदाछाङ साकोङ्‌छ़ङ मुवानिन।

एफिसि 1:6

खोन्‌ओसा खोक्‍कोसाआ सोमाअ़तुक्‍ताङाओ अ़चुछालाम्‍पा आन्‍कान मोहा म़पुवाओ साम्‍स़रिओ अ़चुसोमातुक्‍माओ निम्‍पाङ आन्‍कान निनाम्‍हाङ चोन्‍तुम्‍ने।

एफिसि 2:7

येसु ख्रिस्‍तआ ओ आन्‍कान्‌एदाओ खोक्‍कोसोओ अ़चुसोम्‍तुक्‍मादा अ़न्‍नुनु तोक्‍पो अ़चुसोमातुक्‍मा तायाङ्‍ओ जुगादा खाङ्‌मुमा निम्‍पाङ ओ।

एफिसि 3:21

खोक्‍कोसोओ अ़धुन-अ़धुन्‌तारि साम्‍भुङ खोन्‍कि ख्रिस्‍त येसुदा अ़धुन अ़चुऩङ्‌लोङ्‌ने! ओवात्‍निङा लिने।

२ थेसलोनिकि 2:13

हाङ्‌पाआ सोमाऩतुक्‍तिन्‌ओ ब़ब़, नाना खोन्‍कि निछाचि ओ, आम्‍नुओ निकि आन्‍कान्‍का अ़धुन निनाम्‍हाङ आलाङ मान्‍प़माङ अ़ऱन्‍मिन्‍का, देकिनालो बुयादाङ्‌काङा सेङ्‌लावाओ सेङ्‌मा काचिलाम्‍पा खोन्‍कि अ़छ़ङ्‌दाओ साकोङ्‌छ़ङ्‌लाम्‍पा ह़ङ्‌म़ङ प़मा निम्‍पाङ निनाम्‍हाङ्‌आ खानानिन ऩछेन्‍तिन।

२ तिमोथि 1:12

खोवात्‍निओसा अ़ङ्‌का ओ य़ङ्‌चिदा छेक्‍खादा दुखा आङ्‌तुङ्‌योङ, खोन्‍नुछाङ अ़ङ्‌का ओ य़ङ्‌दा अ़ङ्‌लेजो अ़कात्‍निन। देकिनालो अ़ङ्‌का साङ्‌एदा साकोङ्‌छ़ङ मुङ्‌युङ्‌सुङ, अ़ङ्‌का सिन्‍तुङ्‌योङ खोन्‍कि अ़छ़ङ मुङ्‌युङ्‌सुङ, दि अ़ङ्‌का खोक्‍कोसोओ अ़चुलामाय़मातारि प़ङ्‌युङ्‌सुङ, मो रात्‍मा काऱ खोक्‍को म़युङ्‌याङ।

याकुब 1:18

खोक्‍कोसोओ तोक्‍पो अ़चुमित्‍चिऩङ्‌ओ अ़छ़ङ य़ङ्‌लाम्‍पा आन्‍कान म़मुया। खोवात्‍निओसा आन्‍कान खोक्‍कोसोओ झारा अ़चुमुन्‍माय़ङ्‌चिदाओ बुयाओ अ़सिवा लिसिन्‌युङ्‌सिन।

१ पत्रुस 1:21

येसुलाम्‍पा खानानिन निनाम्‍हाङ साकोङ्‌छ़ङ त़मुम। निनाम्‍हाङ्‌आ येसु ख्रिस्‍त म़सुवादाओदाङ्‌का अ़खोन्‍तालोइसा खोन्‍कि खोक्‍को साया अ़मेत्‍ता। खोन्‌ओसा आम्‍नुओ साकोङ्‌छ़ङ खोन्‍कि सोम्‍कुवा निनाम्‍हाङ्‌एदा याक्‌याङ।