एफिसि 1:11 - बान्‍तावा राई

¹¹ खोक्‍कोसोओ अ़चुमित्‍चिऩङ्‌वा झारा य़ङ्‌चि खोक्‍कोसोओ अ़चुमिन्‍माओ यायोक्‌वा म़तासुलाचि।

एफिसि 1:11 ပူးပေါင်းရင်းမြစ်များ

छाम्‍माय़ङ 13:48

निरावाचिआ ओ य़ङ अ़एनाकिना मोचिओ अ़चुऩङानुवा, खोन्‍कि निनाम्‍हाङ्‌ओ अ़चुय़ङ अ़चोन्‍ता, खोन्‍कि अ़लुक्‍निन्‌ओ ह़ङ्‌म़ङ्‌ओ निम्‍पाङ निनाम्‍हाङ्‌आ म़छेन्‍तुचिओचि झारा साकोङ्‌छ़ङ म़मुवा।

छाम्‍माय़ङ 2:23

निनाम्‍हाङ्‌आ अ़मुवाओ अ़चुमित्‍चिऩङ्‌वात्‍नि खोन्‍कि आदेङ लिओ काचि सिन्‍मा अ़चुतायालाम्‍पा ओ येसु ख्रिस्‍त खानानिन ऩप़न्‌युङ्‌सिन। मेन खानानिन्‌आ निनाम्‍हाङ्‌ओ अ़य़ङ्‌हुप्‌वा मान्‍च़कादाचिओ अ़चुछुक्‌दा येसु त़पाक्‍तुम्‍प़म्‍च़म, खोन्‍कि मोचि खोक्‍को क्रुस्‌दा ख़न्‍सेत्‍त़मेत्‍तुम्‍च़म।

छाम्‍माय़ङ 20:27

देकिनालो निनाम्‍हाङ्‌ओ झारा अ़चुमित्‍चिऩङ खानानिन खाएत्‍मा अ़ङ्‌का देङ्‌मान्‍दाङा।

छाम्‍माय़ङ 20:32

हान अ़ङ्‌का खानानिन निनाम्‍हाङ्‌ओ खोन्‍कि खोक्‍कोसोओ अ़चुसोम्‍तुक्‍माओ य़ङ्‌दा पाक्‍नाङ्‌नानिन। निनाम्‍हाङ्‌ओ अ़चुय़ङ्‌आ खानानिन येसुएदा साकोङ्‌छ़ङ नुलोक मुमा त़ऱन्‍ने खोन्‍कि म़सेङ्‌सुचिओ झारा म़नाचिओ अ़चुरादा खानानिन आसिखा ऩप़न्‍ने।

छाम्‍माय़ङ 26:18

खाना मोचि निनाम्‍हाङ्‌ओ अ़चुय़ङ चिन्‍तुचि, खोन्‍कि कुइयामादाङ्‌का उयाङ्‌ओदाकि सैतानाओ अ़सावादाङ्‌का निनाम्‍हाङ्‌एदा म़लाने। खोन्‍किना मोचि अ़ङ्‌काएदा मोचिओ अ़चुहेवाचि निनाम्‍हाङ्‌आ म़लेत्‍तुप़चिकिना अ़ङ्‌काएदाओ साकोङ्‌छ़ङ्‌लाम्‍पा म़सेङाकि निनाम्‍हाङ्‌आ म़छेन्‍तुचिओ म़नाचिओ अ़चुरादा मोचिआ युङ्‌मा अ़तोक।’

छाम्‍माय़ङ 4:28

खानानिन्‌आ बुयाङा अ़छ़ङ त़मुम्‌ओ आम्‍नुओ मिन्‍मा खोन्‍कि मित्‍चिऩङ्‌वात्‍नि मोचिआ झारा अ़मुवा।

रोमि 11:34

“साङ्‌आ हाङ्‌पाओ अ़चुमिन्‍मा सिन्‍तुयुङ्‌सु? माङ्‌लो खोक्‍कोसोओ अ़चुयायोक काप़ साङ लिसायुङ्‌सा?”

रोमि 8:17

हान आन्‍कान अ़चुछाचि ओनालो आन्‍कान अ़चुपाङ्‌यिचिछाङ ओ। अ़नुछ्‍याङा निनाम्‍हाङ्‌ओ अ़चुपाङ्‌यि खोन्‍कि ख्रिस्‍तएनान अ़क्‍नि पाङ्‌यिचि ओ। खोक्‍कोएनान अ़क्‍नि आन्‍कान दुखा आङ्‌तुम्‌नालो आन्‍कान खोक्‍कोओसो अ़चुसाम्‌छाङ तोक्‍तुम।

रोमि 8:28

आन्‍कान सिन्‍तुम्‌योम, खोक्‍को सोमाकातुक्‌चि खोन्‍कि खोक्‍कोसोओ अ़चुमित्‍चिऩङ्‌वात्‍नि म़बुत्‍तुचिओचिओ निम्‍पाङ झारा य़ङ्‌चिदा निनाम्‍हाङ्‌आ नुलोक म़मुचि।

रोमि 8:29

साङ-साङ खोक्‍कोसाआ बुयाङा म़सिन्‍तुयुङ्‌सुचि, निनाम्‍हाङ्‌आ मोचि आप्‍पिओ अ़चुछा ख्रिस्‍तवात्‍नि मुमा निम्‍पाङ म़छेन्‍तुचि। खोक्‍कोसाआ ओ अ़मुवा, खोन्‌ओसा ब़द्‍धे ब़ब़, नाना खोन्‍कि निछाचिएदा ख्रिस्‍त झारादाङ्‌का ब़ब़ म़लिने।

रोमि 8:30

साङ-साङ खोक्‍कोसाआ बुयाङा म़छेन्‍तुचि, मोचि खोक्‍कोसाआ म़बुत्‍तुचिछाङ। खोन्‍कि साङ्‌चि खोक्‍कोसाआ म़बुत्‍तुचि, मोचि खोक्‍कोसाआ साम्‌योक्‍मिछाङ म़काइसुचि, खोन्‍कि साङ-साङ साम्‌योक्‍मि म़काइसुचि, मोचि खोक्‍कोसाआ साम्‍स़रिओछाङ म़मुचि।

रोमि 9:11

खोन्‍कि काप्‍छाले छाचि तोक्‍मा बुया, मोचिआ अ़नुवाक माङ्‌लो अ़अ़त्‍पा च़मा बुयाङा, काचिआ माआङ, मेन खोक्‍कोसाआ म़बुत्‍तुचिवा निनाम्‍हाङ्‌आ म़छेन्‍तुचिओ कान्‍ने निम्‍पाङ,

गलाति 3:18

देकिनालो पाङ्‌यि य़ङ्‌हुप त़ङ्‌तुम्‌कि तानालो हिप्‍माय़ङ्‌लाम्‍पा ओ देम्‍खाछाङ अ़तोक्‍तिमिन। मेन निनाम्‍हाङ्‌आ हिप्‍माय़ङ्‌लाम्‍पाङा अब्राहाम पाङ्‌यि अ़पुवा।

एफिसि 1:14

निनाम्‍हाङ्‌ओ अ़चुचासुम्‍छेन्‍बि माङ्‌लो आन्‍लेन्‍मा मान्‍तोक्‌युक्‍तुम्‌ओन खोक्‍कोसोओ अ़चुसाम चोन्‍माओ निम्‍पाङ सेङ्‌लावा आन्‍पाङ्‌यिओ अ़छ़ङ चिनोयाङ ओ।

एफिसि 1:18

अ़ङ्‌का ओसोओ निम्‍पाङ्‌छाङ यामात्‍ङा, आम्‍नुओ साकोङ्‌वादाओ म़क छेङ्‌छेङ्‌छेङ्‌वा लिने, खोन्‍कि दिसु सोम्‍कुवाओ निम्‍पाङ खोक्‍कोसाआ खानानिन ऩबुत्‍तिन्‌युङ्‌सिन, खोन्‍कि निनाम्‍हाङ्‌ओ अ़चुम़नाचिएदा खोक्‍कोसोओ साम्‍स़रिओ पाङ्‌यि तोक्‍माओ चासुम्‍छेन्‍बि दि ओ, मो खानानिन्‌आ सिन्‍मा त़ऱम।

एफिसि 1:5

निनाम्‍हाङ्‌ओ अ़चुमिन्‍माओ मित्‍चिऩङ्‌वात्‍नि खोक्‍कोसाआ आन्‍कान ख्रिस्‍त येसुलाम्‍पा आन्‍कान अ़चुछाचि लिमा निम्‍पाङ बुयाङा अ़छ़ङ अ़मुवा।

एफिसि 1:8

झारा खारु खोन्‍कि तुप्‍माय़ङ्‌दा खोक्‍कोसाआ आन्‍कान मो सोमातुक्‍मा च़लोक म़पुवा।

एफिसि 1:9

खोन्‍कि निनाम्‍हाङ्‌आ ख्रिस्‍तदा अ़युङ्‌साओ अ़चुमित्‍चिऩङ्‌वात्‍नि खोक्‍कोसाआ अ़चुकोङ्‌दुम आन्‍कान सिन्‍मा म़पुवायुङ्‌सा।

एफिसि 3:11

ओ येसु ख्रिस्‍त आन्‍हाङ्‌पाएदा खोक्‍कोसाआ अ़तासालाओ अ़धुन्‌ओ अ़चुमित्‍चिऩङ्‌वा मुवाङा।

कलस्‍सि 1:12

खोन्‍कि साम्‌ओ हाङ्‌होन्‌दा आन्‍कान निनाम्‍हाङ्‌ओ अ़चुम़नाचि लिमा काऱ कामु निनाम्‍हाङ पापा आलाङ पुवानुम।

कलस्‍सि 3:24

खानानिन त़सिन्‍तुम्‌योम, निनाम्‍हाङ्‌आ आप्‍पिओ अ़चुम़नाचिओ निम्‍पाङ अ़युङ्‌साओ सिरिफा त़तोक्‍तुम। मित्‍तानुम, खानानिन्‌आ हाङ्‌पा येसु ख्रिस्‍त त़ब़रुम्‌योम।

तितस 2:14

झाराकापाराओ आन्‍हेवादाङ्‌का आन्‍कान फोङ्‌सि, आन्‍कान सेङ्‌सि, खोन्‍कि अ़नुवाक काचि मुमा कास़ आप्‍पिओ अ़चुम़ना मुसि येसु ख्रिस्‍तआ आन्‍को निकि अ़चुह़ङ्‌म़ङ म़पुवा।

तितस 3:7

ओवात्‍नि निनाम्‍हाङ्‌ओ अ़चुसोम्‍तुक्‍माआ आन्‍कान खोक्‍कोसोओ अ़चुबुदा अ़नुवाक म़काइसायुङ्‌सा, खोन्‍किना अ़नुछ्‍याङा अ़लुक्‍निन्‌ओ ह़ङ्‌म़ङ तोक्‍तुम निकिना मित्‍चिऩङ कामु पाङ्‌कातोक लिसिन।

हिब्रु 6:17

निनाम्‍हाङ्‌आ म़हिप्‍तुचिओ पाङ्‌यि कातोक्‌चि खोक्‍कोसाआ अ़मुवाओ हिप्‍माय़ङ ऩफान्‍तुन निकिना अ़छ़ङ मुमाओ निम्‍पाङ किरे म़चा।

याकुब 2:5

अ़ङ्‌का सोमातुक्‍नाङ्‌नानिन्‌ओ ब़ब़, नाना खोन्‍कि निछाचि ओ, एनानुम, दि निनाम्‍हाङ्‌आ हेन्‍खामादाओ मान्‍तोक्‍कादाचि साकोङ्‌छ़ङ्‌दा कातोक मुसि म़छेन्‍तुचिओ माआङ कि? खोक्‍को सोमाकातुक्‌चि निनाम्‍हाङ्‌आ म़हिप्‍तुचिओ हेन्‍कोप्‌ओ पाङ्‌यि दि मोचिआ ऩतोक्‍तुन कि?

१ पत्रुस 1:4

आम्‍नुओ निकि देम्‍खाछाङ अ़लुक्‍निन्‍खात्‍निन्‌ओ खोन्‍कि मान्‍पोप्‌ओ खोन्‍कि अ़युन्‍निन्‍खात्‍निन्‌ओ पाङ्‌यि निनाम्‍मादु युङ्‌सायुङ्‌सा।

१ पत्रुस 3:9

अ़त्‍लोओ अ़फान्‌दा अ़त्‍लो मान्‍च़दानिन, माङ्‌लो रुफोक्‍माओ अ़फान्‌दा रुमान्‍फोक्‍दानिन, मेन मोसोओ अ़फान्‌दा आसिखा पुवानुम्‍च़म। देकिनालो ओसोओ निम्‍पाङ निनाम्‍हाङ्‌आ खानानिन ऩबुत्‍तिन्‌ओ, खोन्‌ओसा आसिखा तोक्‍तानुम।